shri Ram sharma

pandit shreeraam sharma aachaarya
mool naam shreeraam sharma
janm 20 sitmbar 1911
gaaainv-aaainvalakheda, Agra, uttar pradesh, Bhaarat
mrutyu 2 June 1990
haridvaar, Bhaarat
anya naam shreeraam matt, gurudev, vedamoorti, yug riashi, guruji
prasiddhi kaaran akhil vishv gaayatri parivaar ke sansthaapak aur sanrakshak
poorvaadhikaari shreemati shailabaala pandya aur shri mrutyunjaya sharma
jaalaprushth
[1] [2]

pandit shreeraam sharma aachaarya (20 sitmbar 1911 - 02 June 1990) Bhaarat ke ek yugadrushta maneeshi the jinhone akhil bhaarateeya gaayatri parivaar ki sthaapana ki. unane apna jeevan samaaj ki bhalaai tatha saanskrutik va chaaritrik utthaan ke liye samarpit kar diya. unhone aadhunik va praacheen vigyaan va dharm ka samanvaya karke aadhyaatmik navachetana ko jagaane ka kaarya kiya taaki vartamaan samay ki chunautiyon ka saamana kiya ja sake. unka vyaktitv ek saadhu purush, aadhyaatm vigyaani, yogi, daarshanik, manovaigyaanik, lekhak, sudhaarak, maneeshi va drushta ka samanvit roop tha.

anukram

parichay

pandit shreeraam sharma aachaarya ka janm aashvin Krishna trayodashi vikrami sanvat 1967 (20 sitmbar 1911) ko uttar pradesh ke Agra janapad ke aaainvalakheda gram mein (jo jalesar maarg par Agra se pandrah meal ki doori par sthit hai) hua tha.[1] unka baalyakaal va kaishorya kaal graameen parisar mein hi beeta. ve janme to the ek jameendaar gharaane mein, jahaaain unke pita shri pan.roopakishor ji sharma aas-paas ke, door-daraaj ke raajagharaanon ke raajapurohit, udbhat vidvaan, bhagavat kathaakaar the, kintu unka ant:karan maanav maatr ki peeda se satat vichlit rahata tha. saadhana ke prati unka jhukaav bachapan mein hi dikhaai dene laga, jab ve apne sahapaathiyon ko, chhote bachchon ko amaraaiyon mein bithaakar schooli shiksha ke saath-saath susanskaarita apnaane waali aatmavidya ka shikshan diya karte the. chhatapataahat ke kaaran himaalaya ki or bhaag nikalne va pakade jaane par unane sanbandhiyon ko bataaya ki himaalaya hi unka ghar hai evam vaheen ve ja rahe the. kise maaloom tha ki himaalaya ki rishi chetanaaon ka samuchchaya bankar aayi yeh satta vastut: agale dinon apna ghar vaheen banaaegi. jaati-paaainti ka koi bhed naheen. jaatigt moodhta bhari maanyata se grasit tatkaaleen Bhaarat ke graameen parisar mein achhoot vruddh mahila ki jise kushth rog ho gaya tha, usi ke tole mein jaakar seva kar unane gharwaalon ka virodh to mol le liya par apna vrat naheen chhoda. unhone kishoraavastha mein hi samaaj sudhaar ki rachanaatmak pravruttiyaaain chalaana aarambh kar di theen. aupachaarik shiksha svalp hi paayi thi. kintu, unhein iske baad aavashyakta bhi naheen thi kyonki, jo janmajaat pratibha sampann ho vah aupachaarik paathyakram tak seemit kaise rah sakta hai. haat-baajaaron mein jaakar svaasthya-shiksha pradhaan pariptr baaaintana, pashudhan ko kaise surakshit rakhein tatha svaavalambi kaise banein, iske chhote-chhote paimpalets likhne, haath ki press se chhapavaane ke liye unhein kisi shiksha ki aavashyakta naheen thi. ve chaahate the, janamaanas aatmaavalambi bane, raashtra ke prati svaabhimaan usaka jaage, isliye gaaainv mein janme. is laal ne naari shakti va berojagaar yuvaaon ke liye gaaainv mein hi ek bunataaghar sthaapit kiya va uske dvaara haath se kaise kapda buna jaaya, apne pairon par kaise khada hua jaaya-yeh sikhaaya.

pandrah varsh ki aayu mein vasant panchami ki vela mein san 1926 mein unke ghar ki poojaasthali mein, jo unki niyamit upaasana ka tab se aadhaar thi, jabase mahaamana pan.madanamohan maalaveeya ji ne unhein kaashi mein gaayatri mantra ki deeksha di thi, unki gurusatta ka aagaman hua. adrushya chhaayaadhaari sookshm roop mein. unane prajjvalit deepak ki lau mein se swayam ko prakat kar unhein unke dvaara vigat kai janmon mein sampann kriya-kalaapon ka digdarshan karaaya tatha unhein bataaya ki ve durgam himaalaya se aaye hain evam unase anekaanek aise kriyaakalaap karaana chaahate hain, jo avataari star ki rishisttaaeain unase apeksha rakhati hain. chaar baar kuchh din se lekar ek saal tak ki avadhi tak himaalaya aakar rahane, kathor tap karne ka bhi unane sandesh diya evam unhe teen sandesh diye -

1. gaayatri mahaashakti ke chaubees-chaubees lakshya ke chaubees mahaapurashcharan jinhein aahaar ke kathor tap ke saath poora karna tha.
2. akhand ghrutadeep ki sthaapana evam jan-jan tak iske prakaash ko failaane ke liye apna samay lagaakar jnyaaanayajnya abhiyaan chalaana, jo baad mein akhand jyoti patrika ke 1938 mein pratham prakaashan se lekar vichaar-kraanti abhiyaan ke vishvavyaapi hone ke roop mein prakat hua.
3. chaubees mahaapurashcharanon ke dauraan yugadharm ka nirvaah karte hue raashtra ke nimitt bhi swayam ko khapaana, himaalaya yaatra bhi karna tatha unke sampark se aage ka maargadarshan lena.

yeh kaha ja sakta hai ki yug nirmaan mission, gaayatri parivaar, prajnyaa abhiyaan, poojya gurudev jo sabhi ek-doosare ke paryaaya hain, jeevan yaatra ka yeh ek mahattvapoorn mod tha, jisne bhaavi reeti-neeti ka nirdhaaran kar diya. poojya gurudev apni pustak hamaari vaseeyat aur viraasat mein likhte hain ki pratham milan ke din hi samarpan sampann hua. do baatein gurusatta dvaara vishesh roop se kahi gayi-sansaari log kya karte hain aur kya kehte hain, usaki or se muainh modkar nirdhaarit lakshya ki or ekaaki saahas ke balaboote chalte rahana evam doosra yeh ki apne ko adhik pavitra aur prakhar banaane ki tapashcharya mein jut jaana- jau ki roti va chhaachh par nirvaah kar aatmaanushaasan seekhana. isi se vah saarmathya viksit hogi jo vishuddhat: paramaarth prayojanon mein niyojit hogi. vasant parv ka yeh din guru anushaasan ka avadhaaran hi hamaare liye naya janm ban gaya. sadguru ki praapti hamaare jeevan ka ananya evam param saubhaagya raha.

bhaarateeya sanvatantrata aandolan mein sahabhaagita

Bhaarat ke paraavalambi hone ki peeda bhi unhe utani hi sataati thi jitni ki gurusatta ke aanedashaanusaar tapakar siddhiyon ke upaarjan ki lalak unke man mein thi. unke is asamanjas ko gurusatta ne taadkar paraavaani se unka maargadarshan kiya ki yugadharm ki mahatta va samay ki pukaar dekh-sunakar tumhein anya aavashyak kaaryon ko chhodkar agnikaand mein paani lekar daud padne ki tarah aavashyak kaarya bhi karne pad sakte hain. ismein svatantrata sangraam senaani ke naate sangharsh karne ka bhi sanket tha. 1927 se 1933 tak ka samay unka ek sakriya swayam sevak- svatantrata senaani ke roop mein beeta, jismein gharwaalon ke virodh ke baavajood paidal lamba raasta paar kar ve Agra ke us shivir mein pahuainche, jahaaain shikshan diya ja raha tha, anekaanek mitron-sakhaaon-maargadarshakon ke saath bhoomigat ho kaarya karte rahe tatha samay aane par jail bhi gaye. chhah-chhah maah ki unhein kai baar jail hui. jail mein bhi jail ke nirkshar saathiyon ko shikshan dekar va swayam aaingreji seekhakar lautai. aasanasol jail mein ve pan.javaaharalaal Nehru ki maata shreemati svarooparaani Nehru, shri rafi Ahmad kidvai, mahaamana madanamohan maalaveeya ji, devadaas gaaaindhi jaisi hastiyon ke saath rahe va vahaaain se ek moolamantr seekha jo maalaveeya ji ne diya tha ki jan-jan ki saajhedaari badhaane ke liye har vyakti ke anshadaan se, mutthi fand se rachanaatmak pravruttiyaaain chalaana. yahi mantra aage chalakar ek ghanta samayadaan, bees paisa nitya ya ek din ki aay ek maah mein tatha ek mutthi ann roj daalne ke maadhyam se dharm ghat ki sthaapana ka svaroop lekar laakhon-karodon ki bhaageedaari wala gaayatri parivaar banta chala gaya, jiska aadhaar tha - pratyek vyakti ki yajnyaeeya bhaavana ka usamein samaavesh.

svatantrata ki ladaai ke dauraan kuchh ugr daur bhi aaye, jinmein shaheed bhagat Singh ko faaainsi diye jaane par faile janaaakrosh ke samay shri aravind ke kishor kaal ki kraantikaari sthiti ki tarah unane bhi ve kaarya kiye, jinse aakraanta shaasakon prati asahayog jaahir hota tha. namak aandolan ke dauraan ve aatataayi shaasakon ke samaksh jhuke naheen, ve maarate rahe parantu, samaadhi sthiti ko praapt raashtra devata ke pujaari ko behosh hona sveekrut tha par aandolan ke dauraan unane jhanda chhoda naheen jabki, firangi unhein peetate rahe, jhanda chheenane ka prayaas karte rahe. unhonne muainh se jhanda pakad liya, gir pade, behosh ho gaye par jhande ka tukada chikitsakon dvaara daaainton mein bheenche gaye tukade ke roop mein jab nikaala gaya tak sab unki sahanashakti dekhkar aashcharyachakit rah gaye. unhein tab se hi aajaadi ke matavaale unmatt shreeraam matt naam mila. abhi bhi bhi Agra mein unke saath rahe ya unase kuchh seekh liye aganit vyakti unhein matt ji naam se hi jaante hain. lagaanabandi ke aakade ekatr karne ke liye unhonne poore Agra jile ka daura kiya va unke dvaara prastut ve aaainkade tatkaaleen sanyukt praant ke mukhyamantri shri govind vallabh pant dvaara gaaaindhi ji ke samaksh pesh kiye gaye. Bapu ne apni prashasti ke saath ve praamaanik aaainkade british paarliyaament bheje, isi aadhaar par poore sanyukt praant ke lagaan maafi ke aadesh prasaarit hue. kabhi jinne apni is ladaai ke badle kuchh na chaaha, unhein sarkaar ne apne pratinidhi ke saath saari suvidhaaeain va peinshan diya, jise unane pradhaanamantri raahat fand ke naam samapit kar di. vairaagi jeevan ka, sachche raashtra sant hone ka isse bada pramaan kya ho sakta hai?

1935 ke baad unke jeevan ka naya daur shuroo hua jab gurusatta ki prerana se ve shri aravind se milne paandicheri, gurudev raveendranaath taigaur se milne shaanti niketan tatha Bapu se milne saabaramati aashram, Ahmedabad gaye. saanskrutik, aadhyaatmik manrchon par raashtra ko kaise paratantrata ki bediyon se mukt kiya jaaya, yeh rnidesh lekar apna anushthaan yathaavat chalaate hue unhonne patrakaarita ke kshetr mein pravesh kiya, jab Agra mein 'sainik' samaachaar patra ke kaaryavaahak sampaadak ke roop mein shreekrushnadatt paaleevaal ji ne unhein apna sahaayak banaaya.

babu gulaab rai va paaleevaal ji se seekh lete hue satat svaadhyaayarat rahakar unane 'akhand jyoti' naamak patrika ka pehla ank 1938 ki vasant panchami par prakaashit kiya. prayaas pehla tha, jaanakaariyaaain kam theen at: pun: saari taiyaari ke saath vidhivt 1940 ki January se unane parijanon ke naam paati ke saath apne haath se bane kaagaj par pair se chalne waali machine se chhaapakar akhand jyoti patrika ka shubhaaranbh kiya, jo pehle to do sau pachaas patrika ke roop mein nikli, kintu kramash: unke adhyavasaaya, ghar-ghar pahuainchaane, mitron tak pahuainchaane vaale unke hrudayasparshi patron dvaara badhti-badhti navayug ke matsyaavataar ki tarah aaj das lakh se bhi adhik sankhya mein vibhinn bhaashaaon mein chhapati va karod se adhik vyaktiyon dvaara padhi jaati hai.

chuninda rachanaaeain

inhein bhi dekhein

  • akhil bhaarateeya gaayatri parivaar

sandarbh

baahari sampark sootr