shreepaad Damodar satavalekar

vedamoorti shreepaad Damodar saatavalekar (19 September 1867 - 31 July 1968) vedon ka gahan adhyayan karanevaale sheershasth vidvaan the. unhein saahitya evam shiksha ke kshetr mein san 1968 mein Bhaarat sarkaar ne padm bhooshan se sammaanit kiya tha.

anukram

jeevani

sahyaadri parvat shrunkhala ke dakshini chhor par saavantavaadi riyaasat (Maharashtra ke chhote se gaanv 'kolagaanv' (ratnaagiri jila) mein 19 sitmbar 1867 ko shreepaad ka janm hua tha. inke pita shri Damodar bhatt, pitaamah shri anant bhatt aur prapitaamah shri Krishna bhatt sabhi rigvedi vaidik parampara ke moordhanya vidvaan rahe. bachapan se hi baalak shreepaad ko vedon ka adhyayan karaaya gaya tha. vaise bhi apne aadhyaatmik gyaan ke kaaran saatavalekar parivaar ki samaaj mein bahut pratishtha thi. aath varsh ki aayu mein shreepaad ki vidyaalayeen shiksha shuroo hui. aachaarya shri chintaamani shaastri Kelkar ne unhein sanskrut vyaakaran sikhaai.

1887 mein ek angrej adhikaari vestraap ne saavantavaadi mein chitrakala shaala shuroo ki. vahaan guru maalavanakar ki chitrakaari ne shreepaad ka man moh liya. unhonne is kala ko seekhane ka pran kiya. unke pita shri Damodar bhatt bhi chitrakala mein praveen the. at: ghar ki deevaaron par shreepaad ki chitrakaari nikhrane lagi. moortikla mein bhi unka koi saani naheen tha.

"J.J school ov aartas" mein shiksha praapt kar Hyderabad mein chitrashaala sthaapit ki. apne vyavasaaya ke saath-saath unhonne raashtreeya aandolan mein bhi utsaahapoorvak bhaag lena aarambh kiya. vedon ke aadhaar par likhit aapka lekh "tejasvita" raajadrohaatmak samjha gaya jiske kaaran aapko teen varsh tak kaid ki saja bhogani padi.

jeevika

avsar ki talaash mein 23 varsh ki aayu mein shreepaad mumbai ja pahunche. haalaanki 22vein varsh mein unka vivaah saadhale parivaar ki putri kaashi se ho chuka tha. is beech chitrakaari se jo samay mila usamein shreepaad sanskrut granthon ka adhyayan karne lage. chitrakaari aur shilpakala mein sarvottam puraskaar "meyo padak" unhein do baar mila. 1893 mein mumbai ke prasiddh J.J. school of Art mein unki shikshak ke roop mein niyukti ho gayi thi.

san 1900 mein shreepaad mumbai chhodkar Hyderabad aa gaye. 13 varsh ve vahaan rahe. prasiddh chitrakaar shri deuskar ki sahaayata se unhonne vahaan ek studio banaaya. ve aarya samaaj ke sampark mein aae. vedaant charchaaon mein bhaag lene lage. pratishtha badhne lagi aur samaaj mein ve panditji ke naam se pahachaane jaane lage. unhonne "satyaarth prakaash", "rigvedaadi bhaashya bhoomika" va "yog tatvaadarsh" ka maraathi anuvaad kiya. 1918 mein aaryasamaaj se kuchh matabhed upaje.

vedon ke arth aur aashay ka jitna gambhir adhyayan aur manan saatavalekar ji ne kiya utana kadaachit hi kisi anya bhaarateeya ne kiya ho. vaidik saahitya ke sambandh mein unhonne anek lekh likhe aur Hyderabad mein vivekavardhini naamak shikshaasanstha ki sthaapana ki. raashtreeya vichaaron se otaprot aapki jnyaaanopaasana nijaam ko achhi na lagi, at: aapko sheegra hi Hyderabad chhod dena pada. haridvaar, Lahore aadi mein kuchh samay bitaane ke baad san 1918 me aap aundh mein bas gaye aur vaheen par svaadhyaayamandal ki sthaapana kar saahityaseva mein nirt rahane lage. Gandhi hatyaakaand ke baad unhein vahaaain se hat jaana pada. ab unhonne Gujarat ke paaradi naamak gaaainv ko apna nivaasthaan banaaya aur svaadhyaaya mandal ki pun: sthaapana kar vedaadi praacheen sanskrut vaaङamaya ke parishkaar evam prachaaraprasaar ke puneet kaarya mein aur bhi adhik drudhta se sanlagn ho gaye.

Hyderabad mein hi panditji svatantrata sangharsh se jude. lokamaanya tilk se niktata unhein bhaarateeya raashtreeya Congress ki or le gayi. unhonne svadeshi par vyaakhyaan dene shuroo kiye. svatantrata sangraam mein shreepaad poore manoyog se lag gaye the. 1919 mein unhonne aundh mein "svaadhyaaya mandal" ki sthaapana ki. rigved, saamaved, yajurved aur atharvaved ka anuvaad karna shuroo kiya. vah prakaashit bhi hua. 1919 mein hi unhonne hindi mein "vaidik dharm" maasik aur 1924 mein maraathi "purushaarth" patrikaaon ka prakaashan shuroo kiya. pandit saatavalekar ne vedon ki bhaasha ko saral karke sanskrut mein "sanskrut svayanshikshak" pustakamaala ka lekhan kiya.

1936 mein panditji sataara mein raashtreeya swayamsevak sangh se jude. aundh riyaasat ke sanghachaalak ke roop mein unhonne nayi shaakhaaen aarambh keen. 16 varsh tak unhonne sangh ka kaam dekha. 1942 ke svaadheenata aandolan mein bhi unhonne sakriya bhoomika nibhaayi. athak parishram ke kaaran unki shaareerik shakti ksheen hone lagi thi. ve asvasth bhi rahane lage the. 8 June 1969 ko unhein pakshaaghaat hua. 102 varsh ki aayu poorn kar ve 31 July 1969 ko is sansaar se vida hue.


krutiyaaain

saatavalekar ji ne koi 409 granthon ki rachana ki. inmein se kuchh ye hain - bhagavadgeeta, upanishd bhaashya granthamaal, rigved sanhita, daivat sanhita, mahaabhaarat, yajurved, vaidik vyaakhyaanamaala, ityaadi. aapke dvaara sankalit "vaidik raashtragati" to adbhut granth hai. yeh ek saath hi maraathi tatha hindi bhaasha mein Mumbai aur Allahabad se prakaashit hua. raashtrashatru ka vinaash karne mein saksham vaidik mantron ke is sangrah se videshi shaasan hil utha aur usane iski sabhi pratiyaaain jabt kar nasht kar daalne ka aadesh de diya.

sammaan

desh ke svatantr hone par san 1959 mein Bhaarat ke raashtrapati ne unhein desh ke vishisht vidvaan ke roop mein puraskrut kiya aur 26 January 1968 ko "padmabhooshan" ki upaadhi dvaara unka sammaan kiya gaya. iske poorv ve vidyaamaartand, mahaamahopaadhyaaya, vidyaavaachaspati, vedamaharshi, vedamoorti aadi upaadhiyon se samaadarit ho chuke the. ant mein "jeevem sharad: shatam" is vedavaakya ko charitaarth karte hue 101 varsh ki aayu praapt kar 31 July 1968 ko aapne devalok ki or prayaan kiya.

kadiyaaain