shreenagar, Jammu aur Kashmir

shreenagar سaaِaaرaaېaaنaaَaaگaaَaaر
dharati par svarg
— rajdhani —
dal jheel se shreenagar ka drushya
shreenagar
samay mandal: aaiesati (yooteesi+5:30)
desh	Bhaarat
kshetr	Kashmir
raajya	Jammu evam Kashmir
jila	shreenagar
Settled	teesari shataabdi E.poo.
mahaapaur	Salman saagar[1]
janasankhya • ghanatv • mahanagar	8,94,940[2] (2001 tak [update]) • 8,523 /kimi2 (22,074 /varg meal) • 9,71,357[2]
lingaanupaat	1.17 ♂/♀
saaksharata	59.18%
aadhikaarik bhaasha(eain)	Kashmiri, urdu[3]
kshetrafal • ooainchaai (AMSL)	105 ki.mee² (41 varg meal) • 1,730 meter (5,676 fee॰)
mausam • varsha taapamaan • greeshm • sheet	ETh (kaupen) • 658 mm (25.9 in) • 22 °aC (72 °aF) • 04 °aC (39 °aF)
doori(yaaain) • From Delhi • 876 km (544 mi) NW • From Mumbai • 2,275 km (1,414 mi) NE (bhoomi)
vibhinn code • pinkod • 190 001 • doorabhaash • +0194 • en:UN/LOCODE • IN SXR • gaadiyaan • JK
aadhikaarik jaalasthal: www.srinagar.nic.in

nirdeshaank: 34°a05′aN 74°a47′aE / 34.09°aN 74.79°aE / 34.09; 74.79 shreenagar Bhaarat ke Jammu aur Kashmir praant ki rajdhani hai. Kashmir ghaati ke madhya mein basa yeh nagar Bhaarat ke pramukh paryatan sthalon mein se hain. shreenagar ek or jahaan dal jheel ke liye prasiddh hai vaheen doosari or vibhinn mandiron ke liye vishesh roop se prasiddh hai.

1700 meter oonchaai par basa shreenagar vishesh roop se jheelon aur haaoosabot ke liye jaana jaata hai. iske alaava shreenagar paramparaagat Kashmiri hastashilp aur sookhe mevon ke liye bhi vishv prasiddh hai. shreenagar ka itihaas kaafi puraana hai. maana jaata hai ki is jagah ki sthaapana pravarasen dviteeya ne 2,000 varsh poorv ki thi. is jile ke chaaron or paanch anya jile sthit hai. shreenagar jila Kargil ke uttar, pulavaama ke dakshin, buddhagam ke uttar-pashchim ke bagal mein sthit hai.

shreenagar Jammu aur Kashmir raajya ki greeshmakaaleen rajdhani hai. ye shahar aur uske aas-paar ke kshetr ek jmaane mein duniya ke sabse khoobasoorat paryatan sthal maane jaate the -- jaise dal jheel, shaalimaar aur nishaat baag, Gulmarg, pahalagaam, chashmaashaahi, aadi. yahaaain hindi cinema ki kai filmon ki shooting hua karti thi. shreenagar ki hajrat bal masjid mein maana jaata hai ki vahaaain hajarat muhammad ki daadhi ka ek baal rakha hai. shreenagar mein hi shankaraachaarya parvat hai jahaaain vikhyaat hindu dharmasudhaarak aur advait vedaant ke pratipaadak aadi shankaraachaarya sarvajnyaaanapeeth ke aasan par viraajamaan hue the. dal jheel aur Jhelum nadi (sanskrut : vitsta, Kashmiri : vyath) mein aane jaane, ghoomane aur baajaar aur khreedadaari ka jriya khaas taur par shikaara naam ki naavein hain. kamal ke foolon se saji rahane waali dal jheel par kai khoobasoorat naavon par tairate ghar bhi hain jinko haausabot kaha jaata hai. itihaasakaar maanate hain ki shreenagar maurya samraat ashok dvaara basaaya gaya tha.^{[krupaya uddharan jodein]}

dal jheel mein ek shikaara

shreenagar se kuchh door ek bahut puraana maartand (soorya) mandir hai. kuchh aur door anantanaag jile mein Shiv ko samarpit amaranaath ki gufa hai jahaaain hajaaron teerthayaatri jaate hain. shreenagar se tees kilometer door muslim soofi sant shekh nooruddin vali ki dargaah charaar-A-shareef hai, jise kuchh varsh pehle islaami aatankvaadiyon ne hi jala diya tha, par baad mein iski vaapis marammat hui.

shreenagar keval praakrutik saundarya hi naheen, vaastu viraasat ki drushti se bhi khoob samruddh hai. yahaan kai sundar masjidein hain. hajarat bal yahaan ka mahatvapoorn dharmasthal hai. yahaan hajarat mohammad ka baal sangraheet hone ke kaaran musalim samudaaya ke liye yeh atyant pavitra sthaan hai. sangamaramar ki bani is safed imaarat ka gunbad door se hi paryatakon ko iski bhavyata ka ehsaas karaata hai. shaah hamadaan masajid hone ke kaaran prasiddh hai. 1395 mein iska pehli baar jeernoddhaar hua tha. iske baad kai baar iska jeernoddhaar kiya gaya. yahaan ki jaama masajid bhi lakadi dvaara nirmit masajid hai. iski imaarat teen sau se adhik stambhon par khadi hai. ye stambh devadaar vruksh ke tane ke hain. inke atirikt patthar masjid, dastageer saahib evam makhdoom saahib bhi dekhne yogya hain. shreenagar ke madhya hareeparvat pahaadi par 16veen shataabdi mein bana ek kila bhi paryatakon ko aakarshit karta hai. iska nirmaan Afghan Governor ata muhammad Khan ne karavaaya tha. Akbar ne is kile ka vistaar kiya tha. doosari or dal jheel ke saamane takht-A-sulemaan pahaadi hai. uske shikhar par prasiddh shankaraachaarya mandir hai. yeh praacheen mandir Bhagwan shankar ko samarpit hai. 10veen shataabdi mein aadi guru shankaraachaarya yahaan aae the, jiske kaaran is mandir ka yahi naam pad gaya. pahaadi se ek or dal jheel ka vistaar to doosari or shreenagar ka vihangam drushya dekhte banta hai. prushthabhoomi mein himshikhron ki bhavya kataar saaf najar aati hai.

yahaan aane wala har sailaani sabse pehle shreenagar pahunchata hai, jo ki yahaan ka pramukh shahar tatha raajya ki greeshmakaaleen rajdhani hai. shreenagar ghaati ka mukhya vyaavasaayik kendra bhi hai. anya parvateeya sthalon ki tulana mein yeh shahar kuchh alag lagta hai. yahaan ke ghar va baajaar pahaadi dhalaanon par naheen base. ek vistrut ghaati ke madhya sthit hone ke kaaran yeh maidaani shaharon jaisa lagta hai. kintu prushthabhoomi mein dikhaai padate barfaachhaadit parvat shikhar yeh ehsaas karaate hain ki sailaani vaastav mein samudratal se 1730 meter oonchi sairagaah mein hain. haausabot mein rahane vaalon ko jab kaheen aana-jaana hota hai to pehle ve shikaare se sadak tak aate hain. jheel ke saundarya ko nirkhane ke liye shikaare se jaroor ghoomana chaahiye. is tarah ghoomate hue shawl, kesar, aabhooshan, fool aadi bechne vaale apne shikaare mein saji dukaan ke saath aapke kareeb aate raheinge. yahi naheen, aap paani mein tairate photo studio mein Kashmiri dres mein apni tasaveer bhi khinchava sakte hain.

nishaat baag ki taraf se dal jheel mein sooryaast ka drushya

dal jheel ke ek kinaare ka drushya.

shreenagar ka sabse bada aakarshan yahaan ki dal jheel hai. jahaan subah se shaam tak raunak najar aati hai. sailaani ghanton iske kinaare ghoomate rahate hain ya shikaare mein baith nauka vihaar ka lutfauthaate hain. din ke har prahar mein is jheel ki khoobsoorti ka koi alag rang dikhaai deta hai. dekha jaae to dal jheel apne aapamein ek tairate nagar ke samaan hai. tairate aavaas yaani haausabot, tairate baajaar aur tairate vejeetebal garden iski khaasiyat hain. kai log to dal jheel ke tairate gharon yaani haausabot mein rahane ka lutfalene ke liye hi yahaan aate hain. jheel ke madhya ek chhote se taapoo par Nehru park hai. vahaan se bhi jheel ka roop kuchh alag najar aata hai. door sadak ke paas lage sarapat ke oonche jhaadon ki kataar, unke aage chalta ooncha favvaara bada manohaari manjar prastut karta hai. jheel ke aaspaas paidal ghoomana bhi sukhad lagta hai. shaam hone par bhi yeh jheel jeevant najar aati hai. sooryaast ke samay aakaash ka naarangi rang jheel ko apne rang mein rang leta hai, to sooryaast ke baad haausabot ki jagamagaati laaiton ka pratibinb jheel ke saundarya ko dugana kar deta hai. shaam ke samay yahaan khaasi bheed najar aati hai.

bheed-bhaad se pare shaant vaataavaran mein kisi haausabot mein rahane ki ichha hai to paryatak naagin lek ya Jhelum nadi par khade haausabot mein thahar sakte hain. naagin jheel bhi Kashmir ki sundar aur chhoti-si jheel hai. yahaan praaya: videshi sailaani thaharana pasand karte hain. udhar Jhelum nadi mein chhote haausabot hote hain.

aaj haausabot ek tarah ki lagjari mein tabdeel ho chuke hain aur kuchh log door-door se keval haausabot mein rahane ka lutfauthaane ke liye hi Kashmir aate hain. haausabot mein thaharana sachmuch apne aapamein ek anokha anubhav hai bhi. par iski shuruaat vaastav mein lagjari naheen, balki majaboori mein hui thi. Kashmir mein haausabot ka prachalan Dogra raajaaon ke kaal mein tab shuroo hua tha, jab unhonne kisi baahari vyakti dvaara Kashmir mein sthaayi sampatti khareedne aur ghar banaane par pratibandh laga diya tha. us samay kai angrejon aur anya logon ne badi naav par lakadi ke kebin bana kar yahaan rahana shuroo kar diya. fir to dal jheel, naagin jheel aur Jhelum par haausabot mein rahane ka chalan ho gaya. baad mein sthaaneeya log bhi haausabot mein rahane lage. aaj bhi Jhelum nadi par sthaaneeya logon ke haausabot tairate dekhe ja sakte hain. shuruaati daur mein bane haausabot bahut chhote hote the, unamein itni suvidhaaen bhi naheen theen, lekin ab ve lagjari ka roop le chuke hain. sabhi suvidhaaon se lais aadhunik haausabot kisi chhote hotel ke samaan hain. double bed vaale kamre, ataich baath, vaurdarob, TV, daaining hall, khuli daik aadi sab paani par khade haausabot mein hota hai. lakadi ke bane haausabot dekhne mein bhi behad sundar lagte hain. apne aakaar evam suvidhaaon ke aadhaar par ye vibhinn darje ke hote hain. shahar ke madhya bahti Jhelum nadi par bane puraane lakadi ke pul bhi paryatakon ke liye ek aakarshan hai. kai masjidein aur anya bhavan is nadi ke nikat hi sthit hai.

mugal baadashaahon ko vaadi-A-Kashmir ne sabse adhik prabhaavit kiya tha. yahaan ke mugal garden is baat ke pramaan hain. ye udyaan itne behatareen aur niyojit dhang se bane hain ki mugalon ka udyaan-prem inki khoobsoorti ke roop mein yahaan aaj bhi jhalakata hai. mugal udyaanon ko dekhe bina shreenagar ki yaatra adhoori-si lagti hai. alag-alag khaasiyat liye ye udyaan kisi shaahi pranaya sthal jaise najar aate hain. shaahajahaan dvaara banavaaya gaya chashm-A-shaahi inmein sabse chhota hai. yahaan ek chashme ke aaspaas hara-bhara bageecha hai. isse kuchh hi door daara shikoh dvaara banavaaya gaya pari mahal bhi darshaneeya hai. nishaat baag 1633 mein noorajahaan ke bhaai dvaara banavaaya gaya tha. oonchaai ki or badhate is udyaan mein 12 sopaan hain. shaaleemaar baag jahaangeer ne apni begam noorajahaan ke liye banavaaya tha. is baag mein kuchh kaksh bane hain. antim kaksh shaahi parivaar ki striyon ke liye tha. iske saamane donon or sundar jharane bane hain. mugal udyaanon ke peechhe ki or jaavaraan pahaadiyaan hain, to saamane dal jheel ka vistaar najar aata hai. in udyaanon mein chinaar ke pedon ke alaava aur bhi chhaayaadaar vruksh hain. rang-birange foolon ki to inmein bharamaar rahati hai. in udyaanon ke madhya banaae gaye jharanon se bahata paani bhi sailaaniyon ko mugdh kar deta hai. ye sabhi baag vaastav mein shaahi aaraamagaah ke utkrusht namoone hain.

hajaratabal masjid

hajaratabal masjid shreenagar mein sthit prasiddh dal jheel ke kinaare sthit hai. iska nirmaan paigambar mohammad moi-A-mukkaadas ke sammaan mein karavaaya gaya tha. is masjid ko kai anya naamon jaise hajaratabal, assaar-A-shareef, maadinaat-oos-seni, dargaah shareef aur dargaah aadi ke naam se bhi jaana jaata hai. is masjid ke sameep hi ek khoobsoorat bageecha aur ish‍aaraatat mahal hai. jiska nirmaan 1623 E. mein saadik Khan ne karavaaya tha.

shankaraachaarya mandir

yeh mandir shankaraachaarya parvat par sthit hai. shankaraachaarya mandir samudra tal se 1100 feet ki oonchaai par sthit hai. ise takht-A-suleman ke naam se bhi jaana jaata hai. yeh mandir Kashmir sthit sabse puraane mandiron mein se ek hai. is mandir ka nirmaan raaja gopaaditya ne 371 E. poorv karavaaya tha. Dogra shaasak mahaaraaja gulaab Singh ne mandir tak panhuchane ke liye seedhiya banvaai thi. iske alaava mandir ki vaastukala bhi kaafi khoobsoorat hai.

jaama masjid

jaama masjid Kashmir ki sabse puraani aur badi masjidon mein se hai. masjid ki vaastukala kaafi adabhoot hai. maana jaata hai ki jaama masjid ki neenv sullaan sikandar ne 1398 E. mein rakhi thi. is masjid ki lanbaai 384 feet aur chaudaai 38 feet hai. is masjid mein tees hajaar log ek-saath namaaj ada kar sakte hain.

kheer bhavaani mandir

shreenagar jile ke tullaamula mein sthit kheer bhavaani mandir yahaan ke pramukh dhaarmik sthalon mein se ek hai. yeh mandir maata rangane devi ko samarpit hai. pratyek varsh jeshth ashtami (May-June) ke avsar par mandir mein vaarshik utsav ka aayojan kiya jaata hai. is avsar par kaafi sankhya mein log devi ke darshan ke liye vishesh roop se aate hain.

chatti padashaahi

chetti padashaahi Kashmir ke pramukh sikh guroodvaaron mein se ek hai. sikhon ke chhathein guroo Kashmir ghoomane ke liye aae the, us samay vah yahaan kuchh samay ke liye thaharein the. yeh guroodvaara hari parvat kile se bas kuchh hi doori par sthit hai.

nishaat baag

is bageeche ko 1633 E. mein noorajahaan ke bhaai Asif Khan ne banavaaya tha. yeh bageecha dal jheel ke kinaare sthit hai. shreenagar jila mukhyaalaya se nishaant garden 11 kilometer ki doori par sthit hai. is jagah se jheel ke saath-saath anya kai khoobsoorat drushyon ka najaara dekha ja sakta hai.

dal jheel

paanch meal lambi aur dhaai meal chaudi dal jheel shreenagar ki hi naheen balki poore Bhaarat ki sabse khoobsoorat jheelon mein se hai. duniya bhar mein yeh jheel vishesh roop se shikaaron ya haaoos bot ke liye jaani jaati hai. dal jheel ke aas-paas ki praakrutik sundarata adhik sankhya mein logon ko apni or aakarshit karti hai. dal jheel chaar bhaagon gagareebal, lokut dal, bod dal aur naagin mein banti hui hai. iske alaava yahaan sthit do dweep sona leink aur roopa leink is jheel ki khoobsoorti ko or adhik badhaate hain.

Gulmarg

Kashmir ghaati mein shreenagar se door bhi kisi disha mein nikal jaaen to prakruti ke itne roop dekhne ko milte hain ki lagta hai jaise usane apna khajaana yaheen samet rakha hai. raajamaargo par lage disha-nirdeshon par likhe anek shaharon ke naam sailaaniyon ko aakarshit karte hain. lekin adhiktar sailaani, Gulmarg, sonamarg aur pahalagaam aadi ghoomane jaate hain. Gulmarg ke raaste mein kai chhote sundar gaanv aur aaspaas dhaan ke khet aankhon ko suhaate hain. seedhi lambi sadak ke donon aur oonchi deevaar ke samaan dikhaai padti pedon ki kataar atyant bhavya dikhaai deti hai. puraani filmon mein in raaston ke beech filmaae geet paryatakon ko yaad aa jaate hain. tang maarg ke baad oonchaai badhane ke saath hi ghane pedon ka silsila shuroo ho jaata hai. kuchh der baad sailaani Gulmarg pahunchate hain to ghaas ka vistrut tashtareenuma maidaan dekh kar mantramugdh ho jaate hain. jis prakaar uttaraakhand mein pahaadi dhalavaan maidaanon ko bugyaal kehte hain, Kashmir mein unhein marg kehte hai. Gulmarg ka arth hai foolon ka maidaan. samudra tal se 2680 meter ki oonchaai par sthit Gulmarg sailaaniyon ke liye varsh bhar ka resaurt hai. yahaan se kiraaye par ghode lekar khilnamarg, sevan spring aur alapatthar jaise sthaanon ki sair bhi kar sakte hain.

vishv ka sabse ooncha golfakors bhi yaheen hai. sardiyon mein jab yahaan barf ki moti chaadar bichhi hoti hai tab yeh sthaan himkreeda aur skiing ke shaukeen logon ke liye to jaise svarg ban jaata hai. yahaan chalne waali gandola kebal car dvaara barfeeli oonchaaiyon tak pahunchana romaanchak lagta hai. dhalaanon par lage cheed ya devadaar ke pedon par barfaladi dikhti hai. tamaam paryatak barf par skiing ka aanand lete hain to bahut se slejing karke hi santusht ho lete hain. yahaan paryatak chaahein to skiing course bhi kar sakte hain. har varsh hone vaale winter gems ke samay yahaan videshi sailaani bhi badi taadaad mein aate hain.

sonamarg

sonamarg ka arth sone se bana ghaas ka maidaan hota hai. yeh jagah shreenagar ke uttar-poorv se 87 kilometer ki doori par sthit hai. sonamarg par sthit sindh ghaati Kashmir ki sabse badi ghaati hai. yeh ghaati kareeban saath meal lambi hai.

sonamarg bhi Kashmir ki ek niraali sairagaah hai. samudra tal se lagbhag 3000 meter ki oonchaai par sthit yeh ek ramaneek sthal hai. sindh nadi ke donon aur faile yahaan ke marg sone se sundar dikhaai dete hain. iseeliye ise sonamarg arthaat sone ka maidaan kaha gaya hoga. sonamarg se ghudasavaari karke thaajivaas gleshiyr bhi dekhne ja sakte hain. vahaan gleshiyr par ghoomane ka aanand bhi liya ja sakta hai. anant himnadon ke saamane khade hokar prakruti ki vishaalata ka ehsaas man mein romaanch utpann kar deta hai. prativrsh hone waali amaranaath yaatra ka ek maarg sonamarg se baalataal hokar bhi hai. yahaan se Laddakh ke raaste mein padane wala jojeela darra 30 kimi door hai. pahalagaam ka raasta bhi sailaaniyon ko bahut prabhaavit karta hai. maarg mein paampor mein kesar ke khet dikhaai dete hain. jagah-jagah cricket ke bait rakhe najar aate hain. yahaan vilo-tri ki lakadi se ye bait bante hain. inke alaava avantipur mein 9veen shataabdi mein bane do mandiron ke bhagnaavashesh tatha maartad ka soorya mandir bhi aakarshak hain. saagaratal se 2130 meter ki oonchaai par basa pahalagaam kabhi charavaahon ka chhota sa gaanv tha. kintu yahaan bikhri naisargik chhata ne ise khushnuma sairagaah bana diya. liddar nadi iski chhata ko aur badhaati hai. nadi par kai jagah bane lakadi ke pul aur door dikhte himshikhr to pikchar postakaard se drushya prastut karte hain. devadaar ke jungle, jharane aur foolon ke maidaan to jagah-jagah najar aaenge. baisaran ke marg, aadu, chandanavaadi jaise sthaan ghodon par baithakar ghoome ja sakte hain. saahasi paryatak pahalagaam se tarasar, marasar jheelein, dudhasar jheel aur kolahaai gleshiyr jaise treking rooton par nikal sakte hain. amaranaath yaatra ka mukhya maarg pahalagaam se chandanavaadi, sheshanaag hote hue jaata hai.

kokaranaag vereenaag

sailaaniyon ko aakarshit karne vaale anya sthaanon mein konkaranaag 2012 meter ki oonchaai par sthit hai. yeh sthaan aushadheeya gunon vaale praakrutik chashmon ke liye prasiddh hai. Kashmiri bhaasha mein naag ka arth chashma bhi hota hai. vereenaag mein bhi kuchh praakrutik chashmein hain. yahaan baadshah jahaangeer ne chashmon ka jal ek taal mein ekatr kar uske aaspaas ek udyaan banavaaya tha. 80 meter ke daayare mein faile aath konon vaale is taal evam udyaan mein chinaar ke vrukshon ki kataarein sailaaniyon ka man moh leti hai.

vaayu maarg

sabse najadeeki havaai adda shreenagar vimaanakshetr hai. Indian airlines Delhi, amrutasar, Jammu, leh, Chandigarh, Ahmedabad aur mumbai se shreenagar ke liye udaan bharati hai.

rel maarg

haal hi mein shreenagar mein railway station ban gaya hai, va rel seva bhi aarambh ho chuki hai. shreenagar rel maarg dvaara anantanaag, kaajeegund tak juda hai. June 2013 mein kaajeegund se banihaal tak, Bhaarat ki sabse badi surang ke raaste, rel seva shuru kar di gayi hai. iske baad Bhaarat ki mukhya railway ka sabse niktatam railway station Jammu tavi hai. railway station se Jammu tavi 293 kilometer ki doori par sthit hai. banihaal se Jammu tavi tak relamaarg nirmaanaadheen hai.

sadak maarg

shreenagar raashtreeya raajamaarg 1a dvaara kai pramukh shaharon se sadak maarg dvaara juda hua hai.

vibhinn shaharon se doori

Jammu- 293 kilometer
leh- 434 kilometer
Kargil- 204 kilometer
Gulmarg- 52 kilometer
Delhi- 876 kilometer
Chandigarh- 630 kilometer