shreemadbhagavadgeeta

is sandook ko: dekhein • samvaad •
hindu dharm par ek shreni ka bhaag
itihaas · devata
sampradaaya · aagam
vishvaas aur darshanashaastr
punarjanm · moksh
karm · pooja · maaya
darshan · dharm
vedaant ·yog
shaakaahaar · aayurved
yug · sanskaar
bhakti {{hindu darshan}}
granth
vedasanhita · vedaang
braahmanagranth · aaranyak
upanishd · shreemadbhagavadgeeta
raamaayan · mahaabhaarat
sootr · puraan
shikshaapatri · vachanaamrut
sambandhit vishay
daivi dharm ·
vishv mein hindu dharm
guru · mandir devasthaan
yagya · mantr
shabdakosh · hindu parv
vigrah
praveshadvaar: hindu dharm
hindu maapan pranaali

shreemadbhagavad‌aageeta hinduon ke pavitratam granthon mein se ek hai. mahaabhaarat ke anusaar kurukshetr yuddh mein shri Krishna ne geeta ka sandesh arjun ko sunaaya tha. yeh mahaabhaarat ke bheeshmaparv ke antargat diya gaya ek upanishd hai. ismein ekeshvaravaad, karm yog, jnyaaanayog, bhakti yog ki bahut sundar dhang se charcha hui hai. ismein deh se ateet aatma ka niroopan kiya gaya hai.

shreemadbhagavad‌aageeta ki prushthabhoomi mahaabhaarat ka yuddh hai. jis prakaar ek saamaanya manushya apne jeevan ki samasyaaon mein ulajhakar kinkartavyavimoodh ho jaata hai aur uske pashchaat jeevan ke samaraangan se palaayan karne ka man bana leta hai usi prakaar arjun jo mahaabhaarat ka mahaanaayak hai apne saamane aane waali samasyaaon se bhayabheet hokar jeevan aur kshatriya dharm se niraash ho gaya hai, arjun ki tarah hi ham sabhi kabhi-kabhi anishchaya ki sthiti mein ya to hataash ho jaate hain aur ya fir apni samasyaaon se udvign hokar kartavya vimukh ho jaate hain. Bhaarat varsh ke rishiyon ne gahan vichaar ke pashchaat jis gyaan ko aatmasaat kiya use unhonne vedon ka naam diya. inheen vedon ka antim bhaag upanishd kahalaata hai. maanav jeevan ki visheshata maanav ko praapt bauddhik shakti hai aur upanishdon mein nihit gyaan maanav ki bauddhikta ki uchchatam avastha to hai hi, apitu buddhi ki seemaaon ke pare manushya kya anubhav kar sakta hai usaki ek jhalak bhi dikha deta hai.

sanskrut saahitya ki parampara mein un granthon ko bhaashya (shaabdik arth - vyaakhya ke yogya), kehte hain jo doosare granthon ke arth ki vruhad vyaakhya ya teeka prastut karte hain. bhaarateeya daarshanik parampara mein kisi bhi naye darshan ko ya kisi darshan ke naye svaroop ko jad jamaane ke liye jin teen granthon par apna drushtikon spasht karna padta tha (arthaat bhaashya likhkar) unamein bhagavadgeeta bhi ek hai (anya do hain- upanishd tatha brahmasootr). ^[1] bhagavadgeeta par likhe gaye pramukh bhaashya nimnaanusaar hain-

• geetaabhaashya - aadi shankaraachaarya
• geetaabhaashya - raamaanuj
• goodhaarthadeepika teeka - madhusoodan sarasvati
• subodhini teeka - shreedhar svaami
• jnyaaaneshvari - sant jnyaaaneshvar (sanskrut se geeta ka maraathi anuvaad)
• geetaarahasya - baalagangaadhar tilk
• anaasakti yog - mahaatma Gandhi
• Essays on Gita - aravind ghosh
• ishvaraarjun samvaad- paramahans yogaanand
• geeta-pravachan - vinoba bhaave
• geeta tatv vivechani teeka - jayadayaal goyandaka
• bhagavadageeta ka saar- svaami kriyaanand
• geeta saadhak sanjeevani (teeka)- svaami raamasukhadaas

arjun ko geeta upadesh dete hue shri Krishna ki kaansya pratima

shreemadbhagavadgeeta badalate saamaajik paridrushyon mein apni mahatta ko banaae hue hai aur isi kaaran takaneeki vikaas ne iski upalabdhata ko badhaaya hai, tatha adhik bodhagamya banaane ka prayaas kiya hai. dooradarshan par prasaarit dhaaraavaahik mahaabhaarat mein bhagavadgeeta vishesh aakarshan rahi, vaheen dhaaraavaahik shreekrushn (dhaaraavaahik) mein bhagavadgeeta par atyadhik vishd shodh karke use kai kadiyon ki ek shrunkhala ke roop mein dikhaaya gaya. iski ek vishesh baat yeh rahi ki geeta se sambandhit saamaanya manushya ke sandehon ko arjun ke prashnon ke maadhyam se uttarit karne ka prayaas kiya gaya. iske alaava neeteesh Bhardwaj krut dhaaraavaahik geeta-rahasya (dhaaraavaahik) to poornataya geeta ke hi vibhinn aayaamon par keindrit raha. Internet par bhi aaj anekaanek vebasaaitein is vishay par bahumaadhyamon ke dvaara vishd jaankaari deti hain.

shreemadbhagavadgeeta vartamaan mein dharm se jyaada jeevan ke prati apne daarshanik drushtikon ko lekar Bhaarat mein hi naheen videshon mein bhi logon ka dhyaan apni aur aakarshit kar rahi hai. nishkaam karm ka geeta ka sandesh prabandhan guruon ko bhi lubha raha hai. vishv ke sabhi dharmon ki sabse prasiddh pustakon mein shaamil hai. geeta press Gorakhpur jaisi dhaarmik saahitya ki pustakon ko kaafi kam moolya par upalabdh karaane vaale prakaashan ne bhi kai aakaar mein arth aur bhaashya ke saath shreemadbhagavadgeeta ke prakaashan dvaara ise aam janta tak pahunchaane mein kaafi yogadaan diya hai.

geeta ka upadesh atyant puraatan yog hai. shri bhagavaan kehte hain ise mainne sabse pehle soorya se kaha tha. soorya gyaan ka prateek hai at: shri bhagavaan ke vachanon ka taatparya hai ki pruthvi utpatti se pehle bhi anek svaroop anusandhaan karne vaale bhakton ko yeh gyaan de chuka hooain. yeh ishvareeya vaani hai jismein sampoorn jeevan ka saar hai evam aadhaar hai. main kaun hooain? yeh deh kya hai? is deh ke saath kya mera aadi aur ant hai? deh tyaag ke pashchaat kya mera astitv rahega? yeh astitv kahaaain aur kis roop mein hoga? mere sansaar mein aane ka kya kaaran hai? mere deh tyaagane ke baad kya hoga, kahaaain jaana hoga? kisi bhi jijnyaaasu ke hrudaya mein yeh baatein nirntar ghoomti rahati hain. ham sada in baaton ke baare mein sochate hain aur apne ko, apne svaroop ko naheen jaan paate. geeta shaastr mein in sabhi ke prashnon ke uttar sahaj dhang se shri bhagavaan ne dharm samvaad ke maadhyam se diye hain. is deh ko jismein 36 tatv jeevaatma ki upasthiti ke kaaran judkar kaarya karte hain, kshetr kaha hai aur jeevaatma is kshetr mein nivaas karta hai, vahi is deh ka svaami hai parantu ek teesara purush bhi hai, jab vah prakat hota hai; adhidaiv arthaat 36 tatvon vaale is deh (kshetr) ko aur jeevaatma (kshetrajnya) ka naash kar daalata hai. yahi uttam purush hi param sthiti aur param sat hai. yahi naheen, deh mein sthit aur deh tyaagakar jaate hue jeevaatma ki gati ka yathaarth vaigyaanik env tarkasangat varnan geeta shaastr mein hua hai. jeevaatma nitya hai aur aatma (uttam purush) ko jeev bhaav ki praapti hui hai. shareer ke mar jaane par jeevaatma apne karmaanusaar vibhinn yoniyon mein vichran karta hai. geeta ka praarambh dharm shabd se hota hai tatha geeta ke athaarahavein adhyaaya ke ant mein ise dharm samvaad kaha hai. dharm ka arth hai dhaaran karne wala athva jise dhaaran kiya gaya hai. dhaaran karne wala jo hai use aatma kaha gaya hai aur jise dhaaran kiya hai vah prakruti hai. aatma is sansaar ka beej arthaat pita hai aur prakruti garbhadhaaran karne waali yoni arthaat maata hai.

dharm shabd ka prayog geeta mein aatm svabhaav evam jeev svabhaav ke liye jagah jagah prayukt hua hai. isi paripeksh mein dharm evam adharm ko samajhna aavashyak hai. aatma ka svabhaav dharm hai athva kaha jaaya dharm hi aatma hai. aatma ka svabhaav hai poorn shuddh gyaan, gyaan hi aanand aur shaanti ka Akshay dhaam hai. iske vipreet ajnyaaan, ashaanti, klesh aur adharm ka dyotak hai.

aatma Akshay gyaan ka srot hai. gyaan shakti ki vibhinn maatra se kriya shakti ka udaya hota hai, prakati ka janm hota hai. prakruti ke gun sattv, raj, tam ka janm hota hai. sattv-raj ki adhikta dharm ko janm deti hai, tam-raj ki adhikta hone par aasuri vruttiyaaain prabal hoti aur dharm ki sthaapana arthaat gunon ke svabhaav ko sthaapit karne ke liye, satogun ki vruddhi ke liye, avinaashi braahmi sthiti ko praapt aatma apne sankalp se deh dhaaran kar avataar gruhan karti hai.

sampoorn geeta shaastr ka nichod hai buddhi ko hamesha sookshm karte hue mahaabuddhi aatma mein lagaaye rakkho tatha sansaar ke karm apne svabhaav ke anusaar saral roop se karte raho. svabhaavagat karm karna saral hai aur doosare ke svabhaavagat karm ko apnaakar chalana kathin hai kyonki pratyek jeev bhinn bhinn prakruti ko lekar janma hai, jeev jis prakruti ko lekar sansaar mein aaya hai usamein saralata se usaka nirvaah ho jaata hai. shri Bhagwan ne sampoorn geeta shaastr mein baar-baar aatmarat, aatm sthit hone ke liye kaha hai. svaabhaavik karm karte hue buddhi ka anaasakt hona saral hai at: ise hi nishchayaatmak maarg maana hai. yadyapi alag-alag dekha jaaya to gyaan yog, buddhi yog, karm yog, bhakti yog aadi ka geeta mein upadesh diya hai parantu sookshm drushti se vichaar kiya jaaya to sabhi yog buddhi se shri Bhagwan ko arpan karte hue kiye ja sakte hain isse anaasakt yog nishkaam karm yog svat: siddh ho jaata hai. (sandarbh - basanteshvari bhagavadageeta se)

jaise nyootan ke pehle bhi gurutvaakarshan ka bal kaarya karta tha kintu nyootan ne yugaanukool shabdaavali dekar ise vishv ko "gurutvaakarshan ke niyam" ke ghoshit siddhaanton se avagat karaaya, jo nyootan ke gurutvaakarshan ke siddhaant ke roop me jaana jaata hai. theek usi prakaar sri Krishna dvaara geeta mein pratipaadit tatv gyaan Krishna ke pehle bhi tha, jo aaj sreemad bhagvad geeta ke roop me prachalit hai.( dvaara prabhu ji)

• shreemad bhagavadgeeta ka saral hindi me aanuvaad
• shri harigeeta on wikisource - shri deenaanaath dinesh krut bhagavadgeeta ka hindi padyaanuvaad
• shreemad bhagavadgeeta - yahaaain par geeta ka sanskrut mein mool paath, empi-3, empi-4, eveeaai evam anya praaroopon (faarmat) mein geeta ka paath upalabdh hai.
• geeta ka karmavaad (bhaarateeya paksh)
• shri geeta ji ki aarti
• How the greatest men in the history of mankind looked at Gita

vikisors mein shreemadbhagavadgeeta lekh se sambandhit mool saahitya hai.