shreeharsh

shreeharsh 12veen sadi ke sanskrut ke prasiddh kavi. ve banaaras evam kannauj ke gahadvaal shaasakon - vijyachandr evam jayachandr ki raajasabha ko sushobhit karte the. unhonne kai granthon ki rachana ki, jinmein 'naishadheeyacharit' mahaakaavya unki keerti ka sthaayi smaarak hai. naishadhacharit mein nishdh desh ke shaasak nal tatha Vidarbh ke shaasak bheem ki kanya damayanti ke pranaya sambandhon tatha antatogatva unke vivaah ki katha ka kaavyaatmak varnan milta hai.

anukram

parichay

shreeharsh mein uchchakoti ki kaavyaatmak pratibha thi tatha ve alankrut shaili ke sarvashreshth kavi the. ve shrungaar ke kala paksh ke kavi the. shreeharsh mahaan kavi hone ke saath-saath bade daarshanik bhi the. 'khandan-khand-khaadya' naamak granth mein unhonne advait mat ka pratipaadan kiya. ismein nyaaya ke siddhaanton ka bhi khandan kiya gaya hai.

shreeharsh, bhaaravi ki parampara ke kavi the. unhonne apni rachana vidvajjanon ke liye ki, na ki saamaanya manushyon ke liye. is baat ki unhein tanik bhi chinta naheen thi ki saamaanya jan unki rachana ka anaadar kareinge. vah swayam sveekaar karte hain ki unhonne apne kaavya mein kai sthaanon par goodh tattvon ka samaavesh kar diya tha, jise keval panditjan hi samajh sakte hain. at: panditon ki drushti mein to unka kaavya maagh tatha bhaaravi se bhi badhkar hai. kintu aadhunik vidvaan ise krutrimta ka bhandaar kehte hain.

mahaakavi shreeharsh ki maata ka naam maamall devali aur pita ka 'heerapandit' tha. gahadvaalavanshi kaashi ke raaja vijyachandr aur unke putr raaja jayachandr (jayatachandr) - donon ke ve raajasabhaapandit the. raaja kaanyakubjeshvar kahe jaate the, yadyapi unki rajdhani baad mein chalakar kaashi mein ho gayi thi. kaanyakubjaraaj dvaara samaadrut hone ke kaaran unhein raajasabha mein do beede paan tatha aasan ka sammaan praapt tha. in raajaaon ka shaasanakaal 1156 E. se 1193 E. tak maana gaya hai. at: shreeharsh bhi baarahaveen shati ke uttaraardh mein vidyamaan the. kinvadanti ke anusaar 'chintaamani' mantra ki saadhana dvaara tripura devi ke prasann hone se unhein varadaan mila tatha vaani, kaavyanirmaanashakti evam paanditya ki adbhut kshamata unhein praapt hui. yeh bhi kaha jaata hai ki kaavyaprakaashakaar 'mammat' unke maama the jinhonne 'naishadh mahaakaavya' mein aa gaye kuchh doshon se shreeharsh ko parichit karaaya. shreeharsh keval kaavyanirmaan ki vilkshan pratibha se hi sampann na the apitu ve uchch koti ke darshan-shaastr marmajnya bhi the. sukumaar vastumaya saahityanirmaan mein unki vaani ka jaisa abaadhit vilaas pragat hota hai vaisi hi shakti praudh tarkon se pusht, shaastreeya granth ke nirmaan mein bhi unhein praapt thi. pandit mandali mein prasiddh janashruti ke anusaar taarkikshiromani udayanaachaarya ko bhi unhonne shaastraarth mein paraajit kiya tha. naiyaayikon ki tarkamoolak paddhati se nyaaya ke siddhaanton ka khandan karanevaala shreeharsh ka 'khandanakhandakhaadya' naamak granth advait vedaant ki ati prakrushth aur praudh rachana maani jaati hai. iske atirikt 'sthairyavichaaraprakaran' aur 'shivshaktisiddhi' (ya 'shivshaktisiddhi') naamak do daarshanik granthon ka shreeharsh ne nirmaan kiya tha. 'vijay prashasti', 'gaudoveenshakulaprashasti' tatha 'chhindaprashasti' naamak teen prashastikaavyon ke tatha 'arnav varnan' aur 'navasaahasaankacharit' chanpoo kaavyon ke bhi ve praneta the.

naishadheeyacharit

shreeharsh ka 'naishadheeyacharit‌' 'bruhattrayi' mein bruhattam mahaakaavya hai. param praudh shaastreeya vaidushya se otaprot, kaviprodhoktisiddh kalpana se vaidagdhyapoorn aur alankrut kaavyashaili ke utkrushtatam mahaakaavya ke roop mein 'naishadheeya charit‌' ka sanskrut mahaakaavyon mein adviteeya sthaan hai. 'bhaaravi' ke kiraataarjuneeyam se aarambh alankaranapradhaan saayaas kaavyarachana shaili ka charamotkarsh naishadheeyacharit‌ (naishadhacharit‌ ya naishadh kaavya) mein viksit hai. mahaabhaarat ke nalopaakhyaan se li gayi is mahaakaavya ki kathaavastu mein nal aur damayanti ke poorvaraag, virh, svayanvar, vivaah aur navadanpatimiln evam sangamakeliyon ka varnan hua hai. prasangat: anya madhyaagat vishay bhi kaavyaprabandh mein gunfit hain. 22 sargonvaale is vishaalakaaya kaavya ke anek sargon ki shlokasankhya 150 se bhi adhik hai. parantu iska varnya kathaanak kaavyaakaar ke anupaat mein chhota hai. kathaavistaar mein seemaalaghuta rahane par avaantar prasangon mein varnanavistruti ke kaaran hi iska kaavyakalevar bada hai. chaar sargon mein nal ka shrotraanuraag, poorvaraagajanya virh, hansamiln ka dautya, damayanteevirh aadi maatr varnit hai. Indra, agni, varun, yam in chaar devaan mein se kisi ko patiroop mein varan karne ke liye nal ka doot bankar damayanti ke yahaaain jaana, use samajhaana bujhaana aur dootakaarya mein asafal hona - itni hi katha ka varnan 5 se 9 sarg tak dasvein sarg se solahavein sarg tak, saangopaang, damayanti svayanvar, nalavaran aur vivaahaadi ka vivran diya gaya hai. satrahavaaain sarg kali aur devon ke beech samvaad hai jismein naastikvaad aur usaka khandan hai. athaarahavein sarg mein navavivaahit dampati ka pratham samaagam varnit hai. shesh chaar sargon mein-raaja raani ki dincharya, vilaas vihaar aadi ke saras vivran prastut kiye gaye hain. itni svalp kathaavastu maatr ko lekar is khandakaavyadesheeya mahaakaavya ki rachana hui hai.

is kaavya ka mukhya varnyapravaah shrungaar ras hai. vividh upadhaaraaon aur avaantar tarangabhagon ke saath vahi rasadhaara aadyant pravahamaan hai, chaahe sthaan sthaan par usaki gati kitni hi mand kyon na ho. dandi aadi kaavyashaastriyon ke mahaakaavya-lakshanaanusaar hi praaya: adhikaansh varnyavishya gunfit hain. terahavein sarg mein shlisht kaavya utkarsh ke charamabindu par pahuaincha hai jahaaain praaya: sarg bhar mein shlishtaarthaparak padyon dvaara ek saath hi Indra, agni, varun, yayam aur nal ka prashastigaan kiya gaya hai. alankrut aur chamatkaarachitrit kaavyarachana shaili se bojhil hone par bhi 'naishadh' mein adbhut kaavyaatmak praudhta aur aakarshan hai. bhangimaavaividhya ke saath varnan ki anekachitrata, kalpana ki chitravichitr udaan, prakrutijgat‌ ka sajeev roopachitran, bhaavon ka samuchit nivesh, lalanaaroop ka alankrutaroodh par prodhirmaneeya saundaryavarnan, arthagunfan mein navya apoorvata, sanskrut bhaasha ke shabdakosh par asaadhaaran adhikaar, shaastreeya pakshon ki maarmik aur praudh sanyojana, alankaaramoolak chamatkaarasarjan ki vilkshan pratibha, vailaasik aur uchchavargeeya kaamakeli evam sukhavihaar ka mohak chitran aadi mein apoorv saamarthya ke kaaran shreeharsh kavi ko sanskrut-panditmandali mein jo pratishtha mili hai vah anya ko apraapt hai. paaainch arthonvaale (panchanali) (13vaaain sarg) se unke naanaarth shabdaprayog ki adbhut kshamata siddh hai. prastut aprastut roop mein daarshanik aur shaastreeya gyaan ki praudhta ka prakaash sarvatr kaavya mein bikhra hua hai. ve advait vedaant hi naheen tantr, yog, nyaaya, meemaansa aadi ke bhi praudh marmajnya the. par darshan ke jnyaaanakaathinya ne unke kavihrudaya ki bhaavukata ke pravaahan mein samay samay par sahaayata bhi di hai. in sabke saath drushyajagat‌ ki svaabhaavik sahaj chhaviyon mein bhi unka man rama raha. pratham sarg mein nal ke saamane prakat hans ke jin naisargik aur pakshisanbaddh roopon, cheshtaaon aur vyaapaaron ka ankan hua hai - unki svabhaavokti mein prakruti ke prati drudhaasakti lakshit hai. inheen sab vaishishton ke kaaran shreeharsh ko vilkshan pratibhaashaali, shaastramarmajnya, aprastut vidhaan mein param samarth aur alankaran kaavyarachana mein atinipun mahaakavi kaha gaya hai. vaalmeeki, kaalidaas aadi ke samaan bhaavalok ke sahajaankan mein vishesh anuraag ke na rahane par bhi apne paanditya aur kalaapaksh ki nipunata ke kaaran kavi ke roop mein unka apna vishisht mahatva aur sthaan hai. isi kaaran bruhattrayi ke kaviyon mein unhein uchch pratishtha mili hai.

inhein bhi dekhein

  • harshavardhan
  • bruhatatrayi - bruhattrayi ke antargat sanskrut ke teen mahaakaavya aate hain - "kiraataarjuneeya" "shishupaalavadh" aur "naishadheeyacharit".

baahari kadiyaaain