shoodrak

shoodrak naamak raaja ka sanskrut saahitya mein bahut ullekh hai. 'mruchhakatikm' inki hi rachana hai. jis prakaar vikramaaditya ke vishay mein anek dantakathaaeain prachalit hain vaise hi shoodrak ke vishay mein bhi anek dantakathaaeain hain. kaadambari mein vidisha mein, kathaasaritsaagar mein shobhaavati tatha vetaalapanchavinshati mein vardhan naamak nagar mein shoodrak ke raaja hone ka ullekh hai. mruchhakatikm mein kai ullekhon se gyaat hota hai ki shoodrak dakshin bhaarateeya the tatha unhein praakrut tatha apabhransh bhaashaaon ka bhi achha gyaan tha. ve varn vyavastha mein vishvaas rakhate the tatha gaayon aur braahmanon ka vishesh aadar karte the. shoodrak ka samay chhathi shataabdi tha.

mruchhakatikm ke atirikt unhone vaasavadatta, padmaprabhrutaka aadi ki rachana bhi ki.

raaja shoodrak bada kavi tha. kuchh log kehte hain, shoodrak koi tha hi naheen, ek kalpit paatr hai. parantu puraane samay mein shoodrak koi raaja tha iska ullekh hamein skandapuraan mein milta hai. mahaakavi bhaas ne ek naatak likha hai jiska naam 'daridr chaarudatt' hai. 'daridr chaarudatt' bhaasha aur kala ki drushti se 'mruchhakatik' se puraana naatak hai. nishchayapoorvak shoodrak ke baare mein kuchh naheen kaha ja sakta. baan ne apni 'kaadambari' mein raaja shoodrak ko apna paatr banaaya hai, par yeh naheen kaha ki vah kavi bhi tha. baan ka samay chhathi shati hai. aisa lagta hai ki shoodrak koi kavi tha, jo raaja bhi tha. vah bahut puraana tha. parantu kaalidaas ke samay tak use pradhaanata naheen di gayi thi, ya kahein ki jis kaalidaas ne saumill, bhaas aur kaviputr ka naam apne se pehle bade lekhakon mein ginaaya hai, usane sabki soochi naheen di thi. shoodrak ka banaaya naatak puraana tha, jo nirntar sampaadit hota raha aur baad mein prasiddh ho gaya. ho sakta hai vah bhaas ke baad hua ho. bhaas ka samay isa ki pehli ya doosari shati maana jaata hai.

baahari kadiyaaain