shivneri

shivneri durg ka mukhya pravesh

shivneri durg ya shivneri kila, Bhaarat ke Maharashtra raajya ke Pune ke junnar gaanv ke paas sthit ek aitihaasik kila hai. shivneri chhatrapati shivaaji ka janmasthaan bhi hai.[1] shivaaji ke pita, shaahaji Bijapur ke sultaan aadil shaah ki sena mein ek senaapati the. lagaataar ho rahe yuddh ke kaaran shaahaji, apni garbhavati patni jeejaabaai ki suraksha ko lekar chintit the, is liye unhone apne parivaar ko shivneri mein bhej diya. shivneri chaaron or se khadi chattaanon se ghira ek abhedya gadh tha.

shivaaji ka janm 19 fravari 1630 ko hua tha aur unka bachapan bhi yaheen beeta. is gadh ke bheetar maata shivaai ka ek mandir tha, jinke naam par shivaaji ka naam rakha gaya. kile ke madhya mein ek sarovar sthit hai jise "baadaami taalaab" kehte hain. isi sarovar ke dakshin mein maata jeejaabaai aur baal shivaaji ki moortiyaan sthit hain. kile mein meethe paani ke do strot hain jinhein ganga-jamuna kehte hain aur inse varsh bhar paani ki aapoorti chaaloo rahati hai.

kile se do kilometer ki doori par lenyaadri gufaaen sthit hain jahaan ashtavinaayak ka mandir bana hai.

chitradeergha

sandarbh

baahari kadiyaaain