shivaanand gosvaameeparichyasanpaadit karein

shivaanand Goswami
janm shiromani bhatt
paanamapatt/kaancheepuram
mrutyu Bikaner (??)
mrutyu ka kaaran vruddhaavastha
aavaas chanderi, orachha, mahaapura, aamer Jaipur, Bikaner, tatha anya nagar
raashtreeyata bhaarateeya
anya naam shiromani bhatt
jaateeyata telangaana ke aatreya gotr braahman
naagarikta bhaarateeya
shiksha paaramparik paddhati se
shiksha praapt ki sanskrut, tamil, telagoo, jyotish, khagol, paali, praakrut, tantr-mantra, aayurved aadi
vyavasaaya raajaguru / kulaguru
niyokta mahaaraaja vishnusinh, mahaaraaja anoopasinh, mahaaraaja devi Singh, bundela deveesinh
gruh sthaan mahaapuraJaipur Bikaner
padavi saakshi-naatya-shiromani / Goswami/
prasiddhi kaaran sanskrut kavita tantrasaadhana, vidvatta
dhaarmik maanyata hindu
jeevanasaathi naam gyaat naheen
bachche do- shri shreeniketan (dviteeya) / shri vidyaanivaas

shivaanand Goswami | shiromani bhatt (anumaanit kaal : sanvat 1710-1797) tantr-mantra, saahitya, kaavyashaastr, aayurved, sampradaaya-gyaan, ved-vedaang, karmakaand, dharmashaastr, khagolashaastr-jyotish, hora shaastr, vyaakaran aadi anek vishyon ke jaane-maane vidvaan the.[1] inke poorvaj moolat: telangaana ke telagoobhaashi uchchakuleen panchadravid vellanaadoo braahman the, jo uttar bhaarateeya raaja-mahaaraajaaon ke aagrah aur nimantran par Rajasthan, Madhya Pradesh, uttar pradesh aur uttar Bhaarat ke anya praanton mein aa kar kulaguru, raajaguru, dharmapeeth nirdeshak, aadi padon par aaseen hue|[2]shivaanand Goswami tripur-sundari ke ananya saadhak aur shakti-upaasak the. ek chamatkaarik maantrik aur taantrik ke roop mein unki saadhana aur siddhiyon ki anek ghatanaaeain ullekhaneeya hain.[3] shreemadbhaagavat ke baad sabse vipul granth Singh-siddhaant-sindhu likhne ka shreya shivaanand Goswami ko hai."[4]

rigved rishiyon ki adhunaatan parampara ke sanvaahak the shivaanand ji

anukram

parichay

Bhaarat ke vipul gauravashaali aur vaividhyapoorn saanskrutik-itihaas ke nirmaan mein jin mahaapurushon ka yogadaan chirsmaraneeya raha hai - unamein Andhra Pradesh ki lambi vidvat-parampara ki ek sudrudh kadi ke roop mein satrahavi shataabdi ke tailang braahman, daarshanik-kavi tantr-choodaamani shivaanand Goswami (san. 1710-1797) ka saanskrutik aur saahityik yogadaan atyant mahatvapoorn hai|[5] uttar bhaarateeya aandhr-tailang-bhatt-vanshavruksh[6] ke vivranaanusaar "tailang braahmanon ke aatreya gotr mein Krishna-yajurved ke taittareeya aapastamb mein moolapurush shreevyeinkatesh ananamma the"- jinki chhathi peedhi mein jagannivaasaji (pratham) ke parivaar mein shivaanand Goswami ke roop mein ek aise vilkshan vidvaan[7] ne janm liya jinke tap, saadhana, gyaan, shaakt-bhakti, tantr-siddhi aur adhyavasaaya se prabhaavit ho kar kaashi, chanderi, Jaipur, Bikaner, orachha aadi raajyon ke tatkaaleen nareshon ne inhein na keval raaj-sammaanasvaroop badi-badi jaageerein hi bheint keen [1] balki apne kulaguru aur prathamapoojya ke roop mein aajeevan apne saath rakh kar apne-apne raajyon ke sammaan mein shreevruddhi bhi ki| aitihaasik sroton ke anuroop shivaanand Goswami tak ka vanshavruksh[8] kuchh is prakaar upalabdh hota hai-

shreevyeinkatesh annmmaa→ → → → → → shreesamar pungav deekshit→ → → → → shreetirumalll deekshit→ → → → shreeshreeniketan (pratham)→ → → shreeshreenivaasa→ → shreejagannivaas (pratham)→ shreeshivaanand Goswami (jo baad mein 'shiromani bhatt' ke naam se bhi vikhyaat hue).

vanshaavali

shivaanand Goswami apne yashasvi pita ke do anya putron-shri janaardan Goswami (pratham) aur shreechakrapaani se bade the | aitihaasik sanskrut granthon- 'muhoortaratn' evam 'sabheda aaryaasaptashati' (rachanaakaal san 1688 isvi) mein shivaanand ke dravid-kul ka 'kavitaamaya' parichay kuchh yon milta hai - " bhaaratavarsh ke dakshin sthit 'Dravid' pradesh mein samast paapon ka naash karne waali paavan nadi penna (vena) ke kinaare paanamapatt nagar mein nivaas karte aatreya gotr ke parivaar mein aagam nigam rahasya aur ved-vedaang/gon ke jnyaaata jo choodaant vidvaan the, unhonne shaastraarthon mein apne samay ke anek udbhat vidvaanon ko 'paraajit' kar unhein apna shishyatv grahan karaaya tha| usi aatreya kul ki yashopataaka, nadiyon aur saagaron ke paar failaane vaale is kul mein janme jagannivaasaji ko bundelakhand nareshon ne aamantrit kiya tha aur inse 'deeksha' grahan kar ve naresh unke shishya bane the| inheen prataapi vidvaan jagannivaasaji ke teen putr hue- (sabse bade)- shreeshiromani bhatt (shivaanand), (tatpashchaat) shreejanaardan aur (ant mein) shreechakrapaani." 'sabheda aaryaasaptashati' mein hi likha hai- " shreenivaas Goswami ke putr jagannivaas ke jyeshth putr 'shiromani' naam se vikhyaat hue jo vidyaavant, sant-prakruti ke trayogaja-vrutti ke the aur jo apne asaadhaaran paanditya ke bal par samast pandit-samaaj mein samaadrut hue..."[9]

Goswami saranaam ka aarambh

shivaanandaji ke pitaamah shri shreenivaas bhatt (pratham) dakshin se aaye the. apni yuvaavastha mein unhonne tantrashaastr aur 'shreevidya' ki deeksha Jalandhar-peeth ke adhipti Dravid kshetr ke maneeshi deshikendr sachchidaanand sundaraachaarya se li thi- guru ne inhein tab samvat 1630 mein 'Goswami' ki upaadhi di. deeksha ke uparaant inka naya naam Goswami vidyaanandnaath pada| lalita ki archa mein, shreevidya mein nirt ho jaane se inheen ka teesara naam lalitaanandanaath Goswami bhi hai| at: telangaana se aaye in aatreya braahmanon mein 'Goswami' koi jaatisoochak shabd naheen, vidvatta ke liye di gayi upaadhi hai| iske tees varsh baad mein, samvat 1660 mein mahaaprabhu vallabhaachaarya ke yogya putr gusaain shri vitthalanaath ji ko bhi Akbar ke ek farmaan se 'Goswami' ki jo upaadhi mili vah aaj tak apne naam ke saath pushtimaarg ke sanpradaaya ke aachaarya aur unke vanshaj lagaate hain | [10]) is tarah 'Goswami' saranaam alag alag sandarbhon mein mathuraasth aur gokulasth- donon tailang-braahmanon ke liye prachalit hua|

pravaasi aatreya-aandhr aur sanskrut-saahitya

shivaanand Goswami ke vyaktitv aur krutitv par vichaar karne se pehle inke kuchh poorvajon ke saanskrutik-avadaan ki sankshipt charcha bhi prasangavash zaroori hai taaki yeh gyaat ho sake inke poorvajon ki jo atoot-vidvat-parampara aandhrapradesh mein chali aayi thi, uttar-Bhaarat mein in vanshajon ke aagaman par bhi akshunn rahi aur praay: sabhi pravaasi-Andhra panditon ne apne vaidushya aur adhyavasaaya se tatkaaleen uttar-bhaarateeya rajavaadon mein 'kulaguru' ya 'raajaguru' ke roop nivaas karte hue praakrut, sanskrut-saahitya, jyotishshaastr, sangeet, chitrakala aur tantr-saahitya aadi ke goodh gyaan-bhandaar ki shreevruddhi ki.

shri vyeinkatesh anamma ki doosari peedhi mein shaastraarth-vishaarad shreesamarapungav Dixit hue the, kaha jaata hai jinhonne ashvamedh-yagya tak karavaaya tha aur 'advait-vidyaatilkam' aur 'yaatra-prabandh' jaise granth likhe the. vishvavikhyaat vidvaan gopeenaath kaviraaj ki bhoomika ke saath brahmasootr ki vyaakhya ka yeh granth 'advait-vidyaatilkam' 1930 mein gavarmeint sanskrut laaibreri, kaashi se prakaashit hua hai|[11] shreetirumall Dixit ne 'yog-tarangini', 'pathyaapathya-nirnaya', shreeniketan bhatt ne 'yashastilk champoo', shreenivaas bhatt ne san. 1553 mein rachi apni kruti 'shivaarchan-chandrika', 'saubhaagyaratnaakar', 'chandi-samayaanukram', 'shreenivaas champoo', 'tripurasundari paddhati', 'saubhaagya-sudhodaya', 'shreechandikaayajan', shri jagannivaas bhatt ne 'tripur-sundari' aur 'shivaarchaanchandrika soochi', tatha chakrapaani Goswami ne 'panchaayatan-prakaash' ke maadhyam se darshan, saahitya, aayurved, shaaktopaasana, poorvaj-prashasti aur tantr aadi 2 anek vishyon par lekhan kiya|

shivaanand Goswami ka krutitv

shivaanand Goswami ne paintees se bhi adhik chhote-bade sanskrut-granthon ki rachana ki thi| (Source : Genealogical Tree of Tailang-Brahmans: 1942) champoo aadi ko chhod kar inki adhikaansh rachanaaen lalit-padya (kavita) mein nibddh hain. granthon ke vishay dekhne se gyaat hota hai shivaanand Goswami tantr-mantra, saahitya, kaavyashaastr, aayurved, sampradaaya-gyaan, ved-vedaang, karmakaand, dharmashaastr, khagol-, horaashaastr, jyotirvijnyaaan aadi anek vishyon ke kitne gahre vidvaan the| 'Singh siddhaant sindhu' ki pratham das 'tarangon' ke uddharan-granthon ki soochi chennai (Madras) mein prakaashit hai. (neeche dekhein-baahari kadiyaaain)

vah moolat: tripur-sundari (devi) ke ananya-saadhak aur shakti-upaasak the| kaha jaata hai-apni aaraadhya-devi ke prati unki nishtha itni saghan thi ki maata swayam sashareer upasthit ho kar unase samvaad karti theen! kuchh isi star ki avichl aur ekanishth saadhana aadhunik samay mein raamakrushn paramahans ki bhi thi| shreevidya ke maadhyam se shakti-upaasana ki is utkat pratibaddhata ke parinaamasvaroop unhein kaashi ke pandit samaaj ne 'saakshi-naatya-shiromani' ki sanjnyaa bhi di|

padyabaddh (kaavya ke praaroop mein) gyaan se bhari unki upalabdh 28 krutiyaaain is prakaar hain :

1. Singh-siddhaant-sindhu (san 1674 isvi)

2. Singh-siddhaant-pradeepak

3. subodh-roopaavali

4. shreevidyaasyaparyaakram-darpan

5. vidyaarchanadeepika

6. lalitaarchan-kaumudi

7. lakshmeenaaraayanaarcha-kaumudi

8. lakshmeenaaraayan-stuti

9. subhagodaya-darpan

10. aachaarasindhu

11. prayaashchittaaranav-sanket

12. aanhikratn

13. mahaabhaarat-subhaashit-shlok-sangrah

14. vyavahaaranirnaya

15. vaidyaratn

16. muhoortaratn

15. kaalavivek

16. tithinirnaya

17. amarakoshasya baalabodhini teeka

18. stri-pratyayakosh

19. kaarak-kosh

20. samaas-kosh

21. shabdbhedprakaash

22. aakhyaanavaad

23. padaarthatatvaniroopan

24. naya-vivek

25. ishvarastuti

26. kulapradeep

27. shreechandrapooja-prayog

28. nityaarchan-kathan

in sab granthon mein 'Singh-siddhaant-sindhu' vi.san.1731 (san 1674 E.) aisi kaalajayi rachana hai, jiska apne samakaaleen-sanskrut-granthon mein koi saani naheen hai| ismein rache gaye maulik shlokon ki sankhya sar chakara dene waali hai| Singh-siddhaant-sindhu mein kul 35,130 sanskrut shlok hain [2] jo shreemadbhaagavat ki kul shlok sankhya se bhi kaheen jyaada hain| Bhagwat mein 18 hajaar shlok, 335 adhyaaya tatha 12 skandh hain. shreemadbhaagavat mahaapuraan se bada vipul sandarbh saamagri se sanyojit sanbhavataya yeh apni tarah ka sabse bada granth hai| shreemadbhaagavat mahaapuraan aur 'mahaabhaarat' jaise kaalajayi granth, anekaanek rishiyon-vidvaanon ki sanyukt sudeergh lekhan-parampara ka pratifl hain, kyonki vedavyaas koi ek vyakti-vishesh ka naam naheen, vibhinn vidvaanon dvaara samay-samay par grahan kiya gaya 'academic pad' (ya chair) hai) par ek akele krutikaar ne itni vishaalakaaya paandulipi taiyaar kar di ho, aisa vilkshan udaaharan sanskrut ke saahityik-itihaas mein milna durlabh hai| yeh kruti anoop sanskrut laaibreri, Bikaner mein paandulipi ki prati hone ke baavajood vidvaanon ki drushti se anek varshon tak luptapraaya rahi aur iska prakaashan lekhan ke praay: chaar sau saal baad sambhav hua par saubhaagya se yeh ab sulabh hai| Jodhpur ke Rajasthan praachyavidya pratishthaan ne yeh mahaarachana lakshmeenaaraayan Goswami ke sampaadan mein 4 khandon mein prakaashit ki hai|[3] yeh mahaagranth sanskrut kaavya, tantrshaastr, mantrashaastr, nyaaya, nigam, meemaansa, sootr, aachaar, jyotish, ved-vedaang, vyaakaran, aushadhishaastr, aayurved, yagya-vidhi, karmakaand, dharmashaastr horaashaastr na jaane kitni vidhaaon aur vidyaaon ka vilkshan aur vishvasaneeya vishvakosh (enasaaiklopeediya) hi hai|

inki kuchh rachanaaon ki hastalikhit pratiyaaain Jaipur ke potheekhaane mein bhi hain jaisa is soochi mein ankit hai|[4]

janm-samay aur janm-sthaan

yadyapi prakaash pariml jaise anusandhaanakartaaon[12] ne shivaanand ji ka janm vikram samvat 1710 ankit kiya hai, tathaapi unki laghu-pustak mein is tathya ke saakshya ka koi pramaan upalabdh naheen hota| sach to yeh hai inka janm asal mein kis saal, kahaaain hua yeh shodh ka vishay hai. is ka kaaran keval yeh hai ki puraane jmaane mein mahaan se mahaan lekhak tak apne niji-jeevan ke baare mein koi soochana ya jaankaari apni krutiyon mein aksar naheen dete the. us yug mein poornat: gupt ya avijnyaapt rah kar uchchastareeya maun saarasvat-saadhana mein leen rahana hi shivaanand ji jaisi anek vidvat-vibhootiyon ki aantarik manopravrutti rahi hogi|

aisa anumaan bahuprachalit hai ki anek nareshon ke sammaanit kulaguru hone ke baavajood, apna antim samay gosvaameeji ne Bikaner ke mahaaraaja anoopasinh ke aagrah par unke saath hi vyateet kiya.[13] par shivaanand Goswami ka dehaavasaan kahaaain hua- dakshin Bhaarat mein kaheen, ya Bikaner mein- yeh shodh ka vishay hai|

raajyaashraya aur sammaan

shivaanand Goswami chanderi ke Governor (soobedaar) deveesinh bundela ke samakaaleen the, jinhonne gosvaameeji se 'mantra-deeksha' lekar bheint mein kuchh gaanvon ki jaageer bakhshi thi. isi prakaar orachha ke saataveen peedhi ke raaja deveesinh(1635-1641) ne bhi inki vidvatta se prabhaavit ho kar 4 graamon ki jaageer di thi| [5][14]

Jaipur raaja vishnusinh ne san 1692-1694 isvi mein inhein raamajeepura (jis par aaj Jaipur ka maalaveeya nagar bana hai), harivanshapura, chimnapura aur mahaapura graamon ki jaageer bheint ki thi, jiska pramaan Jaipur ke potheekhaana ke abhilekh mein aaj bhi surakshit hai | mahaapura gram aaj to Jaipur mahanagar ka hi bhaag ban chuka hai, jo Jaipur se 10 kilometer door Ajmer road par sthit hai| mahaapura mein Goswami ji ke aur unke bhaai janaardan Goswami ke vanshaj peedhiyon tak nivaas karte rahe| yaheen shivaanandaji ke vanshaj shreemadbhaagavat ke aachaarya gopeekrushn Goswami ki suputri raamaadevi bhatt se vikhyaat sanskrut saahityakaar bhatt mathuraanaath shaastri ka vivaah san 1922 mein hua tha| Bikaner ke mahaaraaja anoop Singh (1669-98 E.) dvaara gosvaameeji ko do gaanvon - poolaasar aur chilkoi ki jaageer bheint ki gayi thi| apne jeevan ke sandhyaakaal mein ye Bikaner mein hi rahe| sanbhavat: inka dehaavasaan bhi vaheen hua ho- kintu inke antim dinon ke baare mein koi aitihaasik saamagri upalabdh naheen hoti|

shivaanand ji ke baad inke putron ne bhi apni kul-parampara ko akshunn rakhate hue raajyaashraya mein anekaanek upalabdhiyaan praapt karna jaari rakha, jaisa nimnaankit angreji dastaavej[15] se siddh hota hai-

'Maharaj shri Shivanandji, sole ascendant, gave Purnabhishek-Mantra to Maharaja Shri Anoop Singh ji Bahadur of Bikaner at Dilsuri (Pargana Delhi). The Maharaja bequeathed two villages CHIKLOI (tehsil Taranagar) and POOLASAR (tehsil Sadar) in Bhent on this most auspicious occasion to Shri Shivanandji Maharaj, the Rajguru. Thus Goswami Paramsukhji Maharaj, the youngest son of great Shri Shivanandji Maharaj settled at Bikaner on the request of HH Shri Gajsingh ji Bahadur,the Maharaja of Bikaner. Shri Suratsinghji, Maharaja of Bikaner also accepted Purnabhishek Mantra from Goswami Shri Paramsukhji Maharaj, the Rajguru, in 1855 AD and bequeathed the village KHETOLAI (tehsil Sadar)in Bhent and bequeathed on the most auspicious occasion of the sacred thread ceremony of Bishwnathji and kanhaiyalalji, real sons of shri Paramsukhji Goswami, village SURJANSAR (tehsil Shri Dungargarh.

The Maharaja also granted the privilege of taking Rs. 1/- on each marriage of persons other than Brahmans and Mohammedans. The privilege of taking one paisa in the form of tax on each animal loaded with the custom chargeable goods and who enters the state boundary, was also granted to Goswami Paramsukhji Maharaj. The family enjoys the privilege of TAZIM and LAWAZMA...."

shivaanandaji ke shishya mahaaraaja deveesinh ke raajamahal :orachha
shivaanand ji ke aashram aur orachha ke mahalon ke maarg mein sthit mandir

taantrik-siddhiyon ki do prasiddh ghatnaaen

prakaash pariml ne apne sankshipt monograaf mein shivaanandaji se sambaddh ek aashcharyajanak ghatna ka ullekh kuchh in shabdon mein kiya hai - ....jo mahaapurush apni abhootapoorv saadhana ke bal par prasiddhi praapt karte hain, unke prati irshya-vidvesh, aise vyaktiyon mein jaagrat hona atyant svaabhaavik hai, jo anyatha raajyaashraya mein apni garima aur prabhutv banaaye rakh sakte the. yadyapi shivaanand Goswami orachha mein ek vanakhandi mein apna alag aashram bana kar saadhana mein leen rahate aur din-raat adhyavasaaya mein hi vyateet karte the, tathaapi (raaja) deveesinh ke darabaari vidvaan unke viruddh anek prakaar ke pravaad unki anupasthiti mein bana kar raaja ke kaan bharate rahate the| yeh baat to sarvavidit thi ki orachha ya bundelon ke isht devata, Bhagwan Ram the aur isi kaaran is kshetr mein anek Ram aur hanumaan mandiron ki sthaapana bhi hui hai, vaise orachha mein hi bundelon ke isht hanumaanaji ka ek mandir aaj bhi hai| yeh (hanumaan) mandir shivaanandaji ke aashram aur deveesinh ke mahalon ke beech padta tha. shivaanand ke vidveshiyon ne raaja se yeh shikaayat kar di ki bundelakhand ke ishtadevata ka mandir raaste mein hote hue bhi aapke guru, (aapke) ishtadev ko kabhi pranaam naheen karte| swayam raaja deveesinh ne jab yahi baat inke saamane rakhi to inhone vinod mein itna hi kah kar taal diya ki "yeh maamala vyaktigat shraddhaabhaav ka hai aur choonki mein aharnish devi ke bhaav mein hi leen rahata hooain, isliye 'anya' bhaav mein jaane se ismein mera aur aapka anisht hi hoga! vaise bhi sab devata Bhagwan ke hi roop hain... " inke uttar se raaja kadaachit poori tarah santusht naheen ho saka| isliye ek baar jab ve donon usi hanumaan mandir ke maarg se aa rahe the, raaja ne apne isht hanumaan ko pranaam karne ki aagrahabhari vinti kar hi daali| kehte hain- jaise hi shakti ke param aaraadhak shivaanandaji ne apne haath pranaam hetu uthaae, usase poorv hi hanumaanaji ki moorti mein patthar fatne ki aavaaj ke saath oopar se neeche tak ek gahari daraar pad gayi! raaja is chamatkaar se bahut bhayabheet ho gaya| aur tab se uske man mein aadyaashakti ke prati bhi gahari nishtha jaagrat ho gayi| orachha mein hanumaan mandir mein aaj bhi vah gahari daraar dekhi ja sakti hai....is prasang ke baad shivaanand Goswami ka man darbaar mein vidveshiyon aur chamatkaar ke bal par hi shraddha rakhane vaale dharmapraan raajanyon ke prati kuchh asamprakt ho gaya| unhonne "sankshep-praayashchitt" aur "vyavahaar-nirnaya" jaise granth likh kar apne isht ke samaksh praayashchitt kiya...."

shivaanandaji ke taantrik-chamatkaar ki doosari ghatna

aurangajeb shaasan ke dauraan aamer ke raajya par aaye raajanaitik-sankaton ke nivaaran ke liye Jaipur ke tatkaaleen panditon ne maharaaja vishnusinh ko nagar mein shaanti banaaye rakhane ke liye 'vaajapeya-yagya' karavaane ka mashavira diya tha| tab kaashi aur mithila ke kuchh pandit apni saadhana aur siddhiyon ke liye bahut prasiddh the| aamer ke naresh ne unhein hi is kaam ke liye Jaipur aamantrit kiya| kintu duryog se jab-jab bhi us raajasi vaajapeya-yagya mein poornaahuti ki vela aati, yajnyaakarta purohit ki aakasmik mrutyu ho jaati. aisa ek baar naheen, kai baar hua| ek ke baad ek kaashi-mithila ke paanch siddh purohit yagya poora karaane se poorv hi kaal-kavalit ho gaye| aise vikt apashakun ko dekh kar raaja ne Bikaner naresh anoopasinh ke maadhyam se orachha mahaaraaj ko yeh sandesh bhijvaaya ki ve krupa kar unke kulaguru aur mahaan taantrik shivaanandaji ko Jaipur bhijvaaen taaki vah vaajapeya-yagya ki poornaahuti karva sakein| antat: shivaanand Goswami, san 1680 isvi mein aamer pahunche aur jalamahal ke paas unhonne Jaipur naresh ka vaajapeya-yagya nirvighn poora karavaaya| poornaahuti se ek raat pehle, kehte hain ek vikt brahmaraakshas svapn mein gosvaameeji ke saamane upasthit hua- jisne unase shaastraarth karne ki chunauti is soochana ke saath di ki pehle ke paanch kaashi-pandit shaastraarth mein usase paraajit ho kar hi usaka graas ban chuke the| gosvaameeji ne brahmaraakshas ki is chunauti ko sveekaar kiya aur use shaastraarth mein hara kar vaajapeya-yagya poornaahuti ke saath vidhivt sampann karaaya|

jalamahal, aamer road, Jaipur, jahaaain mahaaraaja bishnasinh ke vaajapeya-yagya ki poornaahuti gosvaameeji ne karavaai

par raaja dvaara is tathya ko chhipaane ke liye ki pehle ke paanch kaashi-pandit shaastraarth mein brahmaraakshas se paraajit ho kar usaka nivaala ban chuke the, khinn shivaanandaji, aamer mahaaraaja se bina daan-dakshina liye aamer se mahaapura laut aaye| kehte hain jab maharaaja vishnusinh ko shivaanandaji ki naaraajagi ki bhanak lagi to unhein manaane khud vah apne putr savaai jayasinh ke saath mahaapura pahunche| shivaanandaji ne savaai jayasinh ke baare mein kuchh behad sateek bhavishyavaaniyaan karte hue mahaaraaja ko nirdesh diya ki brahmaraakshas ki 'pretamukti' ke liye vah kisi jaane-maane karmakaandi pandit ko gaya aur kaashi bhijvaaen| unhonne kinchit aprasannataapoorvak mahaaraaja ko paanch-panditon ke vadh ka uttaradaayi maanate, unhein kai praacheen shaastron ka havaala dete hue prayaashchittsvaroop ashvamedh yagya karavaane ki salaah bhi tabhi di hogi | nirdosh braahmanon ki mrutyu se vyathit hone ke kaaran unhonne mahaaraaja ke saamane mahaapura mein aur rahane mein anichha bhi badi vinmrata se prakat ki| antat: apne chhote bhaai [janaardan bhatt] ke paas paanch gaanvon ki jaageer aur akoot-sampatti ka parityaag kar gosvaameeji kuchh samay baad Bikaner ke raajaguru ke roop mein mahaaraaja anoopasinh[16] ke yahaaain chale gaye"[17]- jinka Bikaner kulaguru-raajaguru hone ka aamantran/anurodh kab se inke paas lambit tha|

shivaanand ji ke vanshaj aur unki krutiyaaain

yeh shubh hai ki chhah sau saal baad bhi shivaanand Goswami ki praacheen saahityik rachana-parampara uttar Bhaarat ke pravaasi aandhr aatreya parivaaron mein aaj bhi nirbaadh nirantar jaari hai! kalaanaath shaastri evam ghanashyaam Goswami aur pandit kanthamani shaastri ne shivaanandaji ke baad ki peedhi ke vidvaan tailang braahmanon dvaara samay-samay par likhe sanskrut/ vrujabhaasha granthon ki soochi[18]prakaashit ki hai, jismein shri niketan ji ki 'aaryaasaptashati, chakrapaani bhatt ki 'panchaayatan-prakaash' ramanaji (raadhaaraman Goswami) ki kruti 'vanshaavali', kanhaiyaalaalaji ki pustak 'kanishth poornaabhishek stotr', ishvareedatt ke 31 granth aur janaardan Goswami, aanandi devi, deveedatt Goswami, mandan kavi, padmaakar, gadaadhar bhatt, raamaprasaad bhatt 'prabhaakar', lakshmeedhar bhatt'shreedhar', bansheedhar bhatt, ambuj bhatt, miheelaal, gaureeshankar sudhaakar, govind kaveeshvar, guru kamalaakar 'kamal' bhaalachandr Rao jaise anek vidvaanon ki pustakein shaamil hain. isi aatreya vansh mein janme reetikaal ke yashasvi mahaakavi padmaakar ka naam kisne naheen suna?

aadhaar

  • Madras Presidency Library Catalog
  • ashok aatreya : 'kesar kyaari' : stambh : dainik navajyoti mein prakaashit aalekh
  • ashok aatreya : 'shahar savaaya ' : saaptaahik stambh : dainik navajyoti mein prakaashit aalekh
  • naagrik (nand kishor paareek) 'nagar-parikrama' dainik stanbhalekh:'Rajasthan patrika mein prakaashit aalekh
  • 'Jaipur-darshan': Jaipur adhaai shati samaaroh samiti: sampaadak : dau॰ prabhudayaal sharma 'sahrudaya' naatyaachaarya evam hari maharshi tatha anya : 1978 mein prakaashit aalekh
  • dau॰ si. kunhanaraaja prejeinteshan volyoom, adyaar laaibreri, Madras, Tamil Nadu, 1946 jisne pehle pahal 'Singh-siddhaant-sindhu' ke pratham das 'tarangon' mein Goswami ji dvaara ullikhit sahaayak-granthon ki soochi prakaashit ki hai [6]

inhein bhi dekhein

padmaakar mahaapura mahaaraaja bishnasinh bhatt mathuraanaath shaastri Goswami harikrushn shaastree‎ kalaanaath shaastri

sandarbh

  1. 1. ashok aatreya : 'kesar kyaari' : saaptaahik stambh : dainik navajyoti
  2. 2. naagrik (nand kishor paareek) 'nagar-parikrama' dainik stanbhalekh:'Rajasthan patrika
  3. 3.ashok aatreya : 'shahar savaaya ' : saaptaahik stambh : dainik navajyoti
  4. 4. sankshipt monograaf : 'saaksheenaatyashiromani Goswami shivaanand' prakaash pariml : smruti-prakaashan, di-39, devanagar, Jaipur-302018
  5. 5.hemant shesh : sampaadak' samavet' ka aalekh 'uttar Bhaarat ke aandhr' (1977)
  6. 6. 'uttar bhaarateeya aandhr-tailang-bhatt-vanshavruksh' (bhaag-2) sampaadak sv. potakoorchi kanthamani shaastri aur karanji gokulaanand tailang dvaara 'shuddhaadvait vaishnav vellanaateeya yuvak-mandal', naathadvaara se vi. san. 2007 mein prakaashit
  7. 7.'sanskrut-kalpataru' : sampaadak kalaanaath shaastri evam ghanashyaam Goswami : manjunaath shodh sansthaan, si-8, pruthveeraaj road, si-skeem, Jaipur-302001
  8. 8.hemant shesh:'samavet' praveshaank : uttar-desheeya-aandhr-sangati dvaara 1970 mein prakaashit maasik: si-8, pruthveeraaj road, si-skeem, Jaipur-302001
  9. 9.praachya vidya pratishthaan, raataanaada, Jodhpur
  10. monograaf: 'saaksheenaatyashiromani Goswami shivaanand' prakaash pariml : smruti-prakaashan, di-39, devanagar, Jaipur-302018 prushth 4
  11. 10.anoop sanskrut laaibreri, Bikaner
  12. 11.'saakshi naatya shiromani : Goswami shivaanand
  13. 12. Bikaner Gazetteer, 1946
  14. 13. pariml : ukt
  15. 14. The Biography of Rulers, Nobles,Gentlemen of Bikaner : Volume III : Page 134 by R.D. Sodhi, Hukum Singh, Extra Assistant Commissioner in Punjab and Vice-resident of the Regency Council, Bikaner
  16. 15.http://www.realbikaner.com/history/rulers/anupsingh.html
  17. 16.sankshipt monograaf : 'saaksheenaatyashiromani Goswami shivaanand' prakaash pariml
  18. 17.'sanskrut-kalpataru' : sampaadak kalaanaath shaastri evam ghanashyaam Goswami : manjunaath shodh sansthaan, si-8, pruthveeraaj road, si-skeem, Jaipur-302001


baahari kadiyaaain

[7] [8] [9] [10] [11]