shishodiya raajavansh

chitr:Maharana Fateh Singh of Udaipur.jpg
shishodiya raajavansh

guhil ya gehalot ya sisodiya raajavansh ka Rajasthan ke itihaas mein mahatvapoorn sthaan hai. yeh sooryavanshi rajput the.

'guhil' ya 'gehalot' 'guhilputr' shabd ka apabhrasht roop hai. kuchh vidvaan unhein moolat: braahman maanate hain, kintu ve swayam apne ko sooryavanshi kshatriya kehte hain jiski pushti pruthveeraaj vijay kaavya se hoti hai. mevaad ke dakshini-pashchimi bhaag se unke sabse praacheen abhilekh mile hai. at: vaheen se mevaad ke anya bhaagon mein unki vistaar hua hoga. guh ke baad bhoj, maheindranaath, sheel or aparaajit gaddi par baithe. kai vidvaan sheel ya sheelaaditya ko hi bappa maanate hain. aparaajit ke baad maheindrabhat aur uske baad kaalabhoj raaja hue. gaureeshankar heeraachand ojha ne kaalabhoj ko chittaud durg ka vijeta bappa maana hai. kintu yeh nishchit karna kathin hai ki vaastav mein bappa kaun tha. kaalabhoj ke putr khommaan ke samay arab aakraanta mevaad tak pahunche. arab aakraantaaon ko peechhe hataanevaale in raaja ko devadatt raamakrushn bhaandaarakar ne bapp maanane ka sujhaav diya hai.

kuchh samay tak chittaud pratihaaron ke adhikaar mein raha aur guhil unke adheen rahe. bhartru patt dviteeya ke samay guhil fir sashakt hue aur unke putr allat (vikram sanvat 1024) ne raaja devapaal ko haraaya jo da. ojha ke mataanusaar isi naam ka pratihaar samraat raha hoga. saaraneshvar ke shilaalekh se siddh hai ki mevaad raajya iske samay mein khoob samruddh tha. iska prapautr shaktikumaar samvat 1034 mein vartamaan tha. iska antim raaja anbaaprasaad saaainbhar ke chauhaan raaja vaakpati dviteeya ke haathon maara gaya aur kuchh samay ke liye mevaad mein kuchh araajakata si rahi.

san 1116 mein vijyasinh gaddi par vartamaan tha. usane maalavaraaj udayaaditya ki ladki se vivaah kiya aur apni ladki alhanadevi ka vivaah kalachuri raaja gayakarn se kiya. usase teen peedhi baad ranasinh hua jiske ek putr kshemasinh ke vanshaj raaval aur doosare putr raahap ke vanshaj raana kahalaae. kshemasinh ke jyeshth putr saamantasinh ne Gujarat ke raaja ajayapaal ko haraaya, kintu kuchh samay ke baad saamanton ke virodh aur keertipaal chauhaan ke aakramanon ke kaaran use mevaad chhodna pada. uske chhote bhaai kumaarasinh ne keertipaal ko mevaad se nikaalkar apne raajya ka punarudvaar kiya. kumaarasinh ka prapautr jaitrasinh bhi achha raaja tha. iske samay iltutmish ne naagada nagar ko dhvast kiya kintu anyatr sab jagah use safalta mili. usane Gujarat ke chaalukyon, naadol ke chauhaanon aur maalave ke paramaaron ko yuddh mein haraaya, aur san 1248 mein Delhi ke sultaan naasiruddeen ke viruddh uske bhaai jalaaluddeen ko sharan di. jaitrasinh ka dehaant samvat 1317 ke aaspaas hua.

jaitrasinh ke pautr ratnasinh ke samay alaauddeen khilji ne 26 August, san 1303 ko chittod ka kila fatah kiya. prachalit kathaanakon mein yahi ratnasinh padmini ka pati tha. padmini ki katha mein idhar udhar ki jod tod paryaapt hai. kintu ab nishchit roop se yeh kaha ja sakta hai ki vah jaayasi ke dimaag ki upaj naheen hai jaisa ki anek vidvaan maanate hain.

san 1325 tak chittaud pehle khaljiyon aur fir maaladev sonigr ke haathon mein raha. maaladev ke putr jaisa ke samay chhal ya bal se raana shaakha ke hammeer ne chittaud par adhikaar kar liya. hammeer seesode ka jaageeradaar tha. isliye uske vanshaj 'seesodiya' kahalaae.

hammeer ke putr kshetrasinh (kheta) ke samay bhi mevaad ki shakti khoob badhi. laakha aur mokal ke samay yeh sthir rahi aur mahaaraana kunbha ke samay fir teevr gati se badhi. usane maalave aur Gujarat ke sultaanon ko haraaya, aur jo sthaan dheere-dheere musalmaanon ke haathon mein ja rahe the unhein swayam hastagat kar rakshit kiya. booaindi, maandalagadh, shaagaron, saarangapur, chaatasoo, ranathanbhaur, khaatoo, Ajmer, naagor aadi par usane adhikaar kiya aur anek nae durg banaakar desh ko surakshit kiya. chittaud ka keerti stambh usaki amarakeerti hai. vah anek shaastron aur kalaaon ka jnyaaata, sangeetaraaj, rasikpriyaadi granthon ka nirmaata aur mandan sootradhaar tatha mahesh kavi jaise vidvaanon ka aadar karanevaala tha.

isi mahaaraana ka yashasvi pautr mahaaraana sangraam ya mahaaraana saaainga tha, jisne Gujarat ke sultaan mujaffr aur Delhi ke sultaan ibraaheem lodi ko badhne se roka aur maalave ke sultaan Mehmood ko haraakar teen maheene tak chittaud mein kaid rakha. Rajasthan ke praaya: sabhi raana saaainga ka prabhutv sveekaar karte the. baabar se yeh 13 March, 1527 ko khaanava ke yuddh mein paraast aur buri tarah se ghaayal hua. is paraajaya se raajapooton ka prataap, jo mahaaraana kunbha ke samay bahut badha aur is samay tak apne shikhar par pahuainch chuka tha, ekdam kam ho gaya. san 1528 mein mahaaraana ki mrutyu hui. meeraabaai, raana saaainga ki putravadhoo thi.

san 1540 mein saaainga ka chhota putr udayasinh apne Patrick raajya ka svaami bana. Udaipur ko sainik drushti se adhik niraapad sthaan samajh kar vaheen par usane apni rajdhani basaai. san 1567 mein Akbar ne chittaud par aakraman kiya. bhojan ki kami padne par udayasinh ke durgapaal jayamal medtiye ne jauhar kar durg ka dwaar khol diya. musalmaan itihaasakaaron ke anusaar surang mein baarood bharakar kile ki ek deevaar kuchh uda di gayi. tadanantar dhaava karke mugal sena kile mein ghus padi. raajapooton ne bhayankar yuddh kar sada ke liye apne veeratv ki katha amar kar di. ranathanbhaur ke durg ko surjan haada ne Akbar ko de daala. 28 February, san 1572 ko mahaaraana ka dehaant hua aur mahaaraana prataap sabhi saamanton ki sammati se sinhaasan par baithe. san 1576 mein haldeeghaati ke yuddh mein mahaaraana prataap, Akbar ki vishaal sena se paraast hue, kintu mugal sena bhi itni kshat vikshat hui ki use aage badhne ki himmat na hui. svatantrata ko dhan aur aishvarya se kaheen adhik samajhanevaale mahaaraana ne ghor sankat sahakar bhi Akbar ke viruddh yuddh jaari rakha aur san 1586 tak maandalagadh aur chittaud ko chhodkar samast mevaad par fir adhikaar kar liya. san 1597 mein mahaaraana ka svargavaas hua.

sisodiyon ko mahaaraana ki mrutyu ke baad kisi ansh mein Delhi ki adheenata sveekaar karni padi, kintu unhonne apna sammaan aur apni kuleenata banaae rakhi. samay padne par auraganjeb jaise virodhi raajaaon se unhonne yuddh bhi kiya. san 1818 mein mevaad ne british raajya ki adheenata sveekaar ki aur ab mevaad Rajasthan raajya ka ang hai.

doongarapur ka raajya raaval saamantasinh ne sthaapit kiya tha. baaainsavaada aur prataapagadh ke raaja bhi isi raajavansh ke the. Nepal ke raaja bhi apne ko sisodiya maanate, aur chhatrapati shivaaji ke vanshaj bhi mevaad se apna sambandh maanate hain. pratihaar kaal mein chaarasoo (Rajasthan) mein guhilon ka achha raajya tha. Saurashtra mein guhilon ke anek raajya aur thikaane the. guhilon ki anek shaakhaaeain hain jo mukhyat: Saurashtra, Gujarat aur Rajasthan mein vartamaan hai.

mevaad ke shishodiya shaasak

mahaaraana prataap (raaja ravi varma dvaara chitrit)
  • raana hammeer Singh (1326-1364)
  • raana kshetr Singh (1364-1382)
  • raana lakha (1382-1421)
  • raana mokal (1421-1433)
  • raana kumbh (1433-1468)
  • raana udaya Singh (1468-1473)
  • raana raimaal (1473-1509)
  • raana saanga (sangraam Singh) (1509-1527)
  • raana ratan Singh (1527-1531)
  • raana vikramaaditya Singh (1531-1537)
  • raana udaya Singh 2 (1537-1572)
  • mahaaraana prataap Singh (1572-1596)
  • raana amar Singh (1596-1607)
  • raana sugr (1607-1615)
  • raana karan (1620-1628)
  • raana jagat Singh (1628-1652)
  • raana raaj Singh (1652-1680)
  • raana jaya Singh (1680-1699)
  • raana amar Singh 2 (1699-1711)
  • raana sangraam Singh 2 (1711-1734)
  • raana jagat Singh 2 (1734-1752)
  • raana prataap Singh 2 (1752-1754)
  • raana raaj Singh 2 (1754-1761)
  • raana ari Singh (1761-1771)
  • raana hammeer 2 (1771-1777)
  • mahaaraana bheem Singh (1777-1828)
  • mahaaraana javaan Singh (1828-1838)
  • mahaaraana sardaar Singh (1838-1842)
  • mahaaraana saroop Singh (1842-1861)
  • mahaaraana shambhoo (1861-1874)
  • mahaaraana sujjan Singh (1874-1884)
  • mahaaraana fateh Singh (1884-1930)
  • mahaaraana bhoopaal Singh (1930-1955).
  • mahaaraana Bhagwat Singh (1955-1985)
  • mahaaraana Mahendra Singh (1984 -)