shilp sangrahaalaya, nai Delhi

raashtreeya hastashilp evam hathakaragha sangrahaalaya

shilp sangrahaalaya, pravesh dwaar
sthaapit 21 December 1991
sthaan pragati maidaan, nai Delhi
prakaar kala sangrahaalaya
sangrah aakaar 33,000[1]
website http://nationalcraftsmuseum.nic.in/
sangrahaalaya ka ek manoram drushya
sangrahaalaya pravesh


shilp sangrahaalaya, jiska aupachaarik naam raashtreeya hastashilp evam hathakaragha sangrahaalaya hai, nai Delhi mein puraana kila ke saamane bhairon maarg par pragati maidaan parisar mein sthit hai.[2] yeh Delhi ke pramukh paryatak sthalon mein se ek hai. yahaaain ki prabandhak dau॰ ruchira ghosh hain.[3] yeh sangrahaalaya lagbhag 8 ekad ke kshetr mein faila hua hai. 21 December 1991 ko Bhaarat ke raashtrapati raamasvaami Venkatraman ne vidhivt iska udghaatan kiya tha. aaj vishv ke pramukh paryatan sthalon mein iski ganana hoti hai. vishv bhar ke laakhon paryatak yahaaain Bhaarat ki paramparaagat shilp evam kalaaon ka sajeev avlokan karne aate hain.

is sangrahaalaya mein Bhaarat ki satat evam jeevant hastashilp evam hathakaragha paramparaao ko pradarshit kiya gaya hai. desh ke vibhinn raajyon ki saanskrutik jhalak yahaaain dekhi ja sakti hai. is jagah desh ke vibhinn bhaagon se aae shilpkaar apni kala ka pradarshan karte hain. is sangrahaalaya mein desh bhar se ekatrit kiye gaye durlabh kalaakrutiyon aur hast shilp evam hathakaragha ka vistrut sangrah hai. yahaaain paaainch sthaai pradarshani deerghaaeain aur ek vishesh deergha hain. is mein jo ek vishesh deergha hai us mein samay samay par kaaryakram prastut kiye jaate hai. is samay vishesh deergha ke andar shilp vyaakhya pradarshani ka kaaryakram chal raha hai.

sangrahaalaya veethi pravesh dwaar
bhitti chitran

anukram

samay

  • July se September subah 9.30-shaam 5 baje tak
  • October se June subah 9.30-shaam 6 baje tak
  • avakaash: somvaar aur raashtreeya avakaash ke din band rahata hai.

deergha

shilp sangrahaalaya mein aadivaasi aur graameen shilp, vastron, mrun-shilp, lauh shilp aadi se sambandhit kul 7 deerghaaeain hain. in me se paaainch sthaai pradarshani deerghaaeain hain aur do vishesh pradarshani deerghaaeain hain. in deerghaaon ke naam hain: bhoota veethi, lok evam aadivaasi kala veethi, aanooshthaanik veethi, vaibhavashaali veethi aur vastr vithi.[4]

shilp sangrahaalaya mein pravesh karte hi hamaara svaagat vibhinn vithiyon se hota hai. sarvapratham ham bhoota veethi mein pravesh karte hain. yahaaain sabhi kalaakrutiyaaain katahal ke vrukshon ke tanon se taraash kar banaai gayi hain. yahaaain pradarshit sabhi kaashth pratimaaeain dakshin Bhaarat se laai gayi hain tatha vahaaain ke aadivaaseeya janajaati ke logon mein prachalit dhaarmik anushthaanon mein prayog mein laai jaane waali pratimaaeain ati vishishth hain. isi veethi ke saath hi lok evam aadivaaseeya kala veethi hai jinmein Bhaarat ki vibhinn pradeshon ki aadivaasi evam janajaatiyon ke logon dvaara banaai gayi kalaakrutiyaan paryatakon ka man moh leti hain.

bhoota veethi

bhoota veethi mein katahal ki lakadiyon se bani moortiya hain. yeh lokaadivaasiyo ke devi-devata (kul Dave) ki pratima hain. aisi maanyata hai ki yeh pratimaaen inke kul ki raksha karti hain. yeh maanyata rahi hai ki apne poorvajon ki aatma ki santushti ke liye vibhinn dhaarmik anushthaan logon dvaara kiye jaaen. isi prakriya ko dhyaan mein rakhate hue Karnataka ke aadivaaseeya janajaati ke log apne poorvajon ke liye is prakaar ki kaashth pratimaaen banaate the va inki pooja aadi karte the.

aayyannaar praangan

sangrahaalaya ke pravesh dwaar par Rajasthan ke chitrakaaron dvaara manobhaavan rangon se chitrit kala ka avlokan hota hai, jo sabhi ko aakarshit karta hai. ismein praakrutik rangon ka prayog kiya gaya hai. pravesh dwaar se aage chalte hi Tamil Nadu ka aayyannaar mrun-shilp ka praangan hai.

drushya-shravya kaksh

drushya-shravya kaksh

sangrahaalaya mein lok evam aadivaaseeya kala veethi ke theek saamane hi drushya-shravya kaksh hai jismein jila saragooja, Chhattisgarh ke kenaapara gaaainv ki suprasiddh lok chitrakaar svargeeya shreemati sona baai dvaara deevaaron par ati manoram mitti ka kaam kiya gaya hai. is kaksh ka prayog vibhinn baithakon, chitrapat pradarshan evam kaaryashaalaaon hetu kiya jaata hai.

asthaai veethi

asthaai veethi ka prayog sangrahaalaya mein aayojit ki jaane waali vibhinn deshi va videshi pradarshaniyon ke liye kiya jaata hai. is samay asthaai veethi ke andar shilp vyaakhya pradarshani ka kaaryakram chal raha hai.

asthaayi veethi mein aayojit pradarshani ka avlokan

aanushthaanik veethi

aanushthaanik veethi mein Bhaarat ke vibhinn dhaarmik anushthaanon mein prayog ki jaane waali peetal, kaashth aadi ki pratimaaon va kalaakrutiyon ka anmol va bejod sangrah hai. is veethi mein ganeshaji, raadha-Krishna ki peetal ki pratimaaen, narasinh ki do vishaal kaashth pratimaaen va dakshin Bhaarat ki svarn patra chitrakaari, kalamakaari aadi mukhyat: dekhne yogya hain.

vaibhavashaali veethi

vastr veethi

vaibhavashaali veethi ke saath hi vastr veethi ka praveshadvaar hai. is veethi mein Bhaarat ke vibhinn praaainton ke anekon paaramparik vastr pradarshit kiye gaye hain. vastr veethi ke aarambh mein anekon prakaar ki paaramparik saadiyaan pradarshit ki gayi hain. yahaan vibhinn paaramparik saadiyon ka pradarshan bahut hi naayaab dhang se kiya gaya hai. is veethi mein chhaatron evam darshakon ko yahaan pradarshit vastron ki gahan jaankaari praapt karne ke liye vibhinn prakaar ki khaddiyaan bhi rakhi gayi hain tatha in sabhi ka vistrut vivran dene ke liye ek raashtreeya puraskaar praapt bunakar bhi upalabdh rahate hain. is veethi mein lagbhag 600 vibhinn paaramparik saadiyon, shaulon, dushaalon jo ki sooti va reshami dhaagon se banaai gayi hain, ka sajeev pradarshan kiya gaya hai. vastr veethi mein Bhaarat ke poorv pradhaanamantri kosh se daan mein praapt vibhinn pradeshon ke vastr bhi sangraheet kiye gaye hain.

gram jhaaainki

sangrahaalaya ke andar ek gram jhaaainki parisar bhi hai, jo lagbhag chaar ekad bhoomi par faila hua hai. is parisar mein Bhaarat ke vibhinn pradeshon yatha arunaachal pradesh, Himachal pradesh, madhya pradesh, Gujarat, Rajasthan, pashchim Bengal, Tamil Nadu, udeesa aur andamaan va nikobaar dweep samooh aadi ki kuteeron ko darshaaya gaya hai, jisko dekh kar ham vahaaain ke rahan-sahan ka anumaan laga sakte hain.

pustakaalaya

shilp sangrahaalaya pustakaalaya

sangrahaalaya ke andar, aadivaaseeya kala veethi ke sameep ek pustakaalaya hai jahaaain vibhinn shilpakalaao se sambandhit jaankaari ke liye sahaayata li ja sakti hai. prati varsh is pustakaalaya mein anekon chhaatr-chhaatraaen, paryatak, snaatak, vidvaan va kalaakaar aakar laabh uthaate hain aur vibhinn shilpon aadi ke baare mein adhik jaankaari praapt kar sakte hain.

sanrakshan prayogashaala

sanrakshan prayogashaala

shilp sangrahaalaya mein ek sanrakshan prayogashaala hai jismein ki sangrahaalaya ki vibhinn kshatigrast kalaakrutiyon ke sanrakshan hetu rasaayan aadi prayog karke sangrahaalaya sangrah bhandaar mein rakhe jaate hain. is prayogashaala mein sangrahaalaya ke vibhinn kaashth, lauh, mrun, chaandi, chitrapaton, vastron aadi kalaakrutiyon ke sanrakshan aadi hetu anekon upaaya samay-samay par kiye jaate hain.

sangrah bhandaar

sangrahaalaya sangrah bhandaar

sangrahaalaya sangrah bhandaar shilp sangrahaalaya ka ek abhinn ang hai. yahaan lagbhag 35,000 se bhi adhik praacheen va durlabh kalaakrutiyon ka sangrah hai. inmein hastashilp evam hathakaragha ki vibhinn kalaakrutiyaan hain tatha yeh sabhi is bhandaar ki panjikaaon mein unke poorn vivran ke saath surakshit rakhi gayi hain. is bhandaar se sangrahaalaya mein aayojit ki jaane waali vibhinn pradarshaniyon mein pradarshan ke liye preshit karne hetu kiya jaata hai. yahaan se videshon mein aayojit ki jaane waali pradarshaniyon hetu kalaakrutiyon ka bhi preshan kiya jaata hai.

myujiym shaup

shilp sangrahaalaya ke andar ek myoojiym shaup bhi hai jahaaain par hastashilp va hathakaragha se sambandhit shilpakaaron dvaara nirmit kalaakrutiyaaain va pustakein aadi khareedi ja sakti hain. yahaan ki myujiym shaup mein vibhinn prakaar ke hastashilp va hathakaradha se sambandhit kalaakrutiyaaain hai, jo mukhyat: peetal, mitti, loha, lakdi, patthar ityaadi se nirmit hoti hain, tatha vibhinn prakaar ke resham aur sooti dhaagon se bane vastr bhi yahaaain upalabdh hain. iska prabandhan hastashilp evam hathakaragha niryaat kaunsil dvaara kiya jaata hai.

shilp kala kaushal kaaryakram

yahaan prati maah lagbhag pachaas kalaakaar apni kalaaon ka sajeev pradarshan karte hain. yeh shilp kala kaushal kaaryakram ke naam se jaana jaata hai, jo ki varsh bhar chalta rahata hai. is kaaryakram mein anekon paaramparik evam siddhahast kalaakaar amantrit kiye jaate hain tatha keval unhi kalaakaaron ka hi chayan kiya jaata hai jo ki Bhaarat sarkaar ke vastr mantraalaya ke vikaas aayukt (hathakaragha evam hastashilp) kaaryaalaya mein panjeekrut hote hain. yahaan sammilit hone vaale kalaakaaron ko Bhaarat sarkaar ke vastr mantraalaya dvaara yaatra va dainik bhatta diya jaata hai tatha ni:shulk aavaas ki suvidha pradaan ki jaati hai. in kalaakaaron ko apni suvidhaanusaar apni kalaakrutiyaan ko bechne ka adhikaar diya gaya hai, tatha in kalaakaaron dvaara beche jaane waali vastu ka mulya vah apne paas hi rakhate hai. inhi kalaakaaron mein nrutya evam gaayan aadi mein paarangat kalaakaaron dvaara sajeev pradarshan bhi kiya jaata hai. prati maah yahaaain aane vaale darshak va paryatak gotipuaa nrutya, gaddi nrutya, chhaau nrutya va kathaputali nrutya va baaul sangeet aadi ke pradarshan ka aanand utha sakte hain.

shilp sangrahaalaya mein shilp kala kaushal mein bhaag lene aae shilpakaaron ke rahane hetu shilp-kuteer naamak bhavan ka nirmaan kiya gaya hai. is kuteer mein shilpakaaron hetu palang, bistar, bijli-paanni ke atirikt ek rasoighar bhi hai tatha snaan aadi hetu snaanagruh, shauchaalaya bhi hai.

sandarbh