shikokoo

Japan ka shikokoo dweep (laal rang mein)
"88 mandiron ki teerthayaatra" ke liye shikokoo I ek shraddhaalu ladki
shikokoo ka naksha (jismein 88 mandiron ke sthal dikhaae gaye hain)

shikokoo (Japani: 四aa国, "chaar praant") Japan ke chaaron mukhya dveepon mein se sab se chhota aur sab se kam aabaadi wala dweep hai. yeh 225 kimi lamba hai aur iski chaudaai 50 aur 150 kimi ke beech (jagah-jagah par alag) hai. kul milkar shikokoo ka kshetrafal 18,800 varg kimi hai aur iski janasainkhya san 2005 mein 41,41,955 thi. yeh honshoo dweep ke dakshin mein aur kyooshoo ke poorv mein sthit hai.

anukram

bhoogol

shikokoo kshetr mein chaar praant aate hain: ehime, kaagaava, kochi aur tokushima. 18,800 varg kimi ke kshetrafal ke saath shikokoo vishv ka 50va sab se bada dweep hai. ispar ek parvat shrunkhala hai jo poorv aur pashchim chalti hai aur dweep ko do hisson mein baantati hai - ek chhota sa uttari bhaag jo seto bheetari saagar ke chhor par hai aur ek bada dakshini bhaag jo prashaant mahaasaagar se lagta hai. shikokoo ke jyaadaatar nivaasi uttari bhaag mein rahate hain aur (sivaaya ek ke) dweep ke saare mukhya shahar bhi isi uttari bhaag mein hain.

shikokoo ka sab se ooncha pahaad ishijoochi pahaad hai jo 1,982 meter (6,503 fut) ooncha hai. isi ishijuchi pahaad ke paas se shikokoo ki sab se lambi nadi, yoshino nadi, shuroo hoti hai aur poorv ki or chalti hai. 196 kimi ka safr tay karne ke baad yeh tokushima ke shahar ke paas samudra mein ja milti hai.

is uttari ilaake mein udyog kaafi viksit hai aur ek taambe ki Khan bhi maujood hai. iske poorvi bhaag mein upajaaoo maidaan hain jahaaain chaaval, gehoon aur jau ugaaya jaata hai. poore uttari ilaake mein fal bhi ugaaye jaate hain, jaise ki neenboo, santare, teindoo (parsimman), aadoo aur angoor. shikokoo ka dakshini bhaag pahaadi ilaaka hai aur yahaaain kam log rahate hain. dakshini hisse mein sirf ek chhota maidaani ilaaka hai jahaaain kochi shahar basa hua hai. is kshetr mein sardiyon mein zyaada thand naheen padti isliye gair-mausami sabjiyaaain ugaai jaati hain. yahaaain ke vanon ko bhi kaagj banaane ke kaam laaya jaata hai.

Japan ke chaaron bade dveepon mein se shikokoo akela hai jispar koi jvaalaamukhi sthit naheen hai.[1]

sanskruti

shikokoo apne "88 mandiron ki teerthayaatra" ke liye Japan-bhar mein mashahoor hai, jo kookaae (空aa海) naamak praacheen baudh sant ke saath sambandhit hai. puraane jmaane mein shraddhaalu pairon par chalakar in mandiron ke darshan kiya karte the, lekin aajkal bason mein mandir-se-mandir jaate hain. shikokoo mein yeh teerthayaatri apni safed jaikiton se pahachaane ja sakte hain, jinpar Japani mein "dogyo ninin" likha hota hai (jiska arth hai "do log jo ikaththe safr kar rahe hon").

tokushima praant mein August ke maheene mein obon (おaa盆) tyauhaar manaaya jaata hai, jiska maksad apne poorvajon ko smaran karna aur shraddhaanjali dena hai. iska ek aayojan "aava odori" naach hai jismein sainkadon shraddhaalu naachakar shahar ki sadkon par chalte hain. is dekhne Japan ke anya ilaakon aur videsh se har varsh 13 lakh paryatak aate hain.

inhein bhi dekhein

sandarbh