shekh mujeeburrahamaan

bangabandhu shekh mujeebur Rahman (1950 mein)

shekh mujeebur Rahman (bangala: শaaেaaখ মaaুaaজaaিaaবaaুaaর রaaহaaমaaাaaন) (17 March 1920 - 15 August 1975) Bangladesh ke sansthaapak neta, mahaan aguaa evam pratham raashtrapati the. unhein saamaanyat: bangalaadesh ka janak kaha jaata hai. ve avaami league ke adhyaksh the. Pakistan ke khilaaf sashastr sangraam ki aguvaai karte hue Bangladesh ko mukti dilaai. Bangladesh ke pratham raashtrapati bane aur baad mein pradhaanamantri bhi bane. ve 'shekh mujeeb' ke naam se bhi prasiddh the. unhein 'bangabandhu' ki padavi se sammaanit kiya gaya.

15 August 1975 ko sainik takhtaapalat ke dvaara unki hatya kar di gayi.

hatya

15 August 1975 ki subah Bangladesh ki sena ke kuchh baagi yuva afsaron ke hathiyaarband daste ne dhaaka sthit raashtrapati aavaas par pahunch kar raashtrapati shekh mujeeb-ur-Rahman ki hatya kar di. hamlaavar tank lekar gaye the. pehle un logon ne bangabandhu mujeeb-ur-Rahman ke bete shekh kamaal ko maara aur baad mein mujeeb aur unke anya parijanon ko.

mujeeb ke sabhi teen bete aur unki patni ki baari-baari se hatya kar di gayi. hamle mein kul 20 log maare gaye the. mujeeb shaasan se bagaavati sena ke javaan hamle ke samay kai daston mein bante the. apratyaashit hamle mein mujeeb parivaar ka koi purush sadasya naheen bacha. unki do betiyaan sanyogavash bach gayeen, jo ghatna ke samay Germany mein theen. unamein ek shekh haseena aur doosari shekh rehaana theen. shekh haseena abhi Bangladesh ki pradhaanamantri hain. apne pita ki hatya ke baad shekh haseena Britain mein rahane lagi theen. vaheen se unhonne Bangladesh ke naye shaasakon ke khilaaf abhiyaan chalaaya. 1981 mein vah Bangladesh lauteen aur sarvasammati se avaami league ki adhyaksh chun li gayeen.

baahari kadiyaaain