sheetanishkriyta

samasheetoshn aur sheetapradhaan deshon mein rahanevaale jeevon ki us nishkriya tatha avasann avastha ko sheetanishkriyta (hybernation) kehte hain jismein vahaaain ke anek praani jaade ki ritu bitaate hain. is avastha mein shaareerik kriyaaeain ruk jaati hain ya bahut ksheen ho jaati hai, tatha vah jeev deerghakaal tak poorn nishkriya hokar pada rahata hai. yeh avastha niytataapi (warm blooded) tatha aniytataapi (coldblooded), donon prakaar ke praaniyon mein pai jaati hai.

anukram

niytataapi praani

chidiyon mein sheetanishkriyta naheen hoti. stanapaayi jeevon mein se yeh keetabhakshi chamagaadadon, kai jaati ke mooshon tatha anya kruntakon aadi ke shaareerik taap ka sheetanishkriya avastha mein, niyantran naheen ho paata. is avastha mein ho jaane par ve aniytataapi ho jaate hain, kintu bhaaloo, skank (skunk) aur raikoon (racoon) mein yeh naheen hota. ye niytataapi hi bane rahate hain. dhruv pradesheeya maada bhaaloo to isi avastha mein bachche deti hai.

mooshon, gilhariyon tatha chamagaadadon mein shaareerik taap girkar, vaataavaran se keval kuchh ansh adhik bana rahata hai. nishkriyta ki avadhi tatha avasannaavastha ki gaharaai mein bhi bhed hota hai. mausim tatha jeev ki jaati ke anusaar avadhi bhinn hoti hai.

aniytataapi praani

akasheruki praaniyon mein se anek, nishkriya athva puteebhoot avastha mein, sheetakaal bitaate hain. titliyaaain tatha makkhiyaaain yahi karti hain. saadhaaran ghongha niraapad sthaan mein jaakar, apne kavach ke muainh ko kailsiymi prachhad se dhaink leta hai aur avasann ho pada rahata hai.

nimn varg ke anya aniytataapi praaniyon ki tatha akasherukon ki sheetanishkriyta mein adhik bhed naheen hota. anek machhaliyaaain aur medhk mitti, keechad aadi mein ghuskar baith jaate hain. saaainp, chhipkali aadi pattharon ya lakdi ke kundon aadi ke neeche sheetakaal mein nishkriya pade rahate hain. inke shareer ka taap vaataavaran ke taap se keval ek ya do degree adhik bana rahata hai. paale se jama denevaale sheet mein medhk tatha in anya jeevon ki mrutyu ho jaati hai.

shaareeriki

sheetanishkriyta ka kaaran keval sheet se nishkriya honevaale jeevon ki dasha atyushn vaataavaran mein bhi vaisi hi ho jaati hai tatha sheetanishkriya stanapaayi jeev, sheet bahut badh jaane par, adhik gahari neend mein ho jaane ke badle jag jaate hain. saamaanyat: 12di-15di sein. taap ho jaane par, sheetanishkriyta vyaapane lagti hai, kintu ek hi jaati ke anya jeev adhik sheet padne par bhi adhik kaal tak kriyaasheel bane rah sakte hain.

nishkriyta ka aagaman motaape se sambaddh jaan padta hai. kriyaasheelata ke kaal ke ant mein jantu bada mota ho jaata hai aur nishkriyta ke kaal mein usaki charbi hi shareer ke aahaar ke kaam aati hai. jo jeev yathesht charbi naheen ekatrit kar paate, ve jaldi nishkriya naheen hote. nishkriya avastha mein honevaale jantuon ka shaareerik taap, anya jantuon ki apeksha, adhik parivrtanasheel hota hai aur poornat: nishkriya hone par vah 2di-4di sein. hi rah ja sakta hai. hrudayagati mand ho jaati hai aur jaagane par ekaaek badh jaati hai. shvasan dheema ho jaata hai. him moosh (marmots) to teen miniton mein keval ek baar saaains lene lagta hai. avashoshit okseejan aur utsarjit kaarban daaioksaaid ka anupaat, jaagrat avastha ki tulana mein, kam ho jaata hai. sparsh ki anubhooti yadyapi kam ho jaati hai, tathaapi tantrika tantr poorn nishkriya naheen hota.

yadi shareer ka taap 14di-16di sein. ho jaata hai, to jantu praaya: jaag jaate hain. kuchh jantuon ke jaagane mein kai ghante jagate hain, kintu kuchh, jaise chamagaadad, kuchh minton mein hi hosh mein aa jaate hain. baahya taap ki vruddhi ke atirikt, hilaane dulaane tatha ati sheet padne par bhi nishkriya jantu jaag jaate hain.

is baat ke pramaan hain ki nishkriyta ka niyantran mastishk, sambhavat: madhya mastishk, ke keindron tatha ant:sraavi tantr dvaara hota hai, kintu at:sraavi parivrtanon ka theek pata naheen hai. isliye ant:sraavi granthiyon waali maanyata ko poornat: siddh naheen kaha ja sakta hai.

baahari kadiyaaain