shatkhandaagam

shatkhandaagam (arth = chh: bhaagon wala dharmagranth) digmbar jain sanpradaaya ka sarvochch aur sabse praacheen pavitra dharmagranth hai. diganbar parampara ke anusaar mool dharmavaidhaanik shaastr mahaaveer Bhagwan ke nirvaan ke kuchh shataabdiyon ke baad hi lupt ho gaye the. at:, shatkhandaagam ko aagam ka darja diya gaya hai aur ise sabse shraddheya maana gaya hai. digmbaron ke liye shatkhandaagam ki ahamiyt is baat se lagaayi ja sakti hai, ki jis din shatkhandaagam par dhavala teeka ko poora kiya gaya tha, us din ko shrut panchami ke roop mein manaaya jaata hai.

anukram

utpatti

aisa kaha jaata ki shatkhandaagam diganbar saadhu aachaarya dharasen ke maukhik upadeshon par aadhaarit hai. maanyata anusaar, shaastron ke ghatate gyaan se chintit hokar unhonne do saadhuon, aachaarya pushpadant aur aachaarya bhootabali ko apne aashrayasthal, girnaar parvat, Gujarat mein sthit chandra gufa, mein bulaaya. aachaarya dharasen ne vruhad mool pavitra jain gyaan mein se unhein yaad gyaan ko donon saadhuon ko sanpreshit kiya. unhonne paaainchavein aur baarahavein angon ke kuchh bhaagon ka bhi gyaan diya. yeh saara gyaan donon saadhuon dvaara sootron ke roop mein lipibddh kar liya gaya. aachaarya pushpadant ne shuruvaat ke 177 sootr likhe aur aachaarya bhootabali ne baaki sootr likhe. kul lagbhag 6000 sootr likhe gaye.

vishay vastu

shatkhandaagama‎, jaisa ki naam se gyaat hota hai, chhah bhaagon mein vibhaajit shaastr hai. chhah bhaag hain-

  • 1. jeevasthaan
  • 2. kshudrakabandh
  • 3. bandhasvaamitv
  • 4. vedana
  • 5. vargana
  • 6. mahaabandh

pratham teen bhaag karm darshan ki vyaakhya aatma ke drushtikon se karte hain, jo ki bandhan ka kaarak hai evam antim teen bhaag karm ki prakruti aur seemaaon ki charcha karte hain.

shatkhandaagam mein ganit

shatkhandaagam mein samuchchaya (set) ka kaansept aaya hai. vibhinn samuchchayon par (log2) ke falanon se sankriya (operation) ismein dekhne ko milta hai.

inhein bhi dekhein

  • aagam (jain)
  • dhavala teeka - shatkhandaagam ke pratham paaainch khand ki teeka
  • mahaadhavala - shatkhandaagam ke chhathe khand ki teeka

baahari kadiyaaain