sharkara
kaarbohaaidrets, kaarbanik padaarth hain jismein kaarban, haaidrojan va aakseejan hote hai. ismein haaidrojan va aakseejan ka anupaat jal ke samaan hota hai. kuchh kaarbohaaidrets sajeevon ke shareer ke rachanaatmak tatvon ka nirmaan karte hain jaise ki selyooloj, hemeeselyooloj, kaaitin tatha pektin. jabki kuchh kaarbohaaidrets urja pradaan karte hain, jaise ki mand, sharkara, glookoj, glaaikojen. kaarbohaaidrets svaad mein meetha hote hain. yeh shareer me shakti utpann karne ka pramukh srot hai. shareer ko shakti aur garmi pradaan karne ke liye charbi ki bhaanti yeh kaarya karta hai. kaarbohaaidrets charbi ki apeksha shareer me jaldi pach jaate hai. shareer ko kaarbohaaidrets do prakaar se praapt hote hai, pehla maadi arthaat staarch tatha doosra cheeni arthaat shugar. gehoon, jvaar, makka, baajara, mote anaaj tatha chaaval aur daal tatha jado waali sabjiyo me paae jaane vaale kaarbohaaidrets ko maadi kaha jaata hai. kela, amarood, ganna, chukandar, khajoor, chhuaara, munakka, anjeer, shakkar, shahad, meethi sabjiya, sabhi meethi khaadya se praapt hone vaale kaarbohaaidrets atyadhik shaktishaali aur svaasthya ke liya laabhadaayak hote hai parantu inki adhikta anek khatarnaak jaanleva rogo ko bhi janm deti hai jisme pramukh roop se ajeern, madhumeh, atisaar rog hote hai. isame atyadhik vajan badh jaane se bhi jeevan ko khatra utpann ho jaata hai.