sharatachandr chattopaadhyaaya

sharatachandr chattopaadhyaaya
Sharat Chandra Chatterji.jpg
janm: 15 September, 1876
devaanandapur, devaanandapur, pashchim Bengal
mrutyu: 16 January, 1938
kaaryakshetr: kahaaneekaar, upanyaasakaar
raashtreeyata: bhaarateeya
bhaasha: hindi, baangla
upanyaas:pandit moshaaya, baikunther bill,
mej deedi, darpachoorn, shreekaant, arakshaneeya, nishkruti,
maamalaar fal, gruhadaah, shesh prashn, datta, devadaas,
baamhan ki ladki, vipradaas, dena paavana
anya saahitya:yahaan dekhein

sharatachandr chattopaadhyaaya (15 September, 1876 - 16 January, 1938) baangla ke suprasiddh upanyaasakaar the. unka janm hugali jile ke devaanandapur mein hua. ve apne maata-pita ki nau santaanon mein se ek the. athaarah saal ki avastha mein unhonne intreins paas kiya. inheen dinon unhonne "baasa" (ghar) naam se ek upanyaas likh daala, par yeh rachana prakaashit naheen hui. raveendranaath thaakur aur bankimchandr chattopaadhyaaya ka un par gahra prabhaav pada. sharatachandr lalit kala ke chhaatr the lekin aarthik tangi ke chalte vah is vishay ki padhaai naheen kar sake. rojagaar ke talaash mein sharatachandr barma gaye aur lok nirmaan vibhaag mein klark ke roop mein kaam kiya. kuchh samay barma rahakar Calcutta lautane ke baad unhonne gambheerta ke saath lekhan shuroo kar diya. barma se lautane ke baad unhonne apna prasiddh upanyaas shreekaant likhna shuroo kiya.[1] barma mein unka sampark bangachandr naamak ek vyakti se hua jo tha to bada vidvaan par sharaabi aur uchhrunkhal tha. yaheen se charitraheen ka beej pada, jismein mes jeevan ke varnan ke saath mes ki naukaraani se prem ki kahaani hai. jab vah ek baar barma se Calcutta aae to apni kuchh rachanaaeain kalakatte mein ek mitr ke paas chhod gaye. sharat ko bina bataae unamein se ek rachana "badi deedi" ka 1907 mein dhaaraavaahik prakaashan shuru ho gaya. do ek kisht nikalte hi logon mein sanasani fail gayi aur ve kehne lage ki shaayad raveendranaath naam badalkar likh rahe hain. sharat ko iski khabar saadhe paaainch saal baad mili. kuchh bhi ho khyaati to ho hi gayi, fir bhi "charitraheen" ke chhapane mein badi dikkat hui. bhaaratavarsh ke sampaadak kavivr dvijeindralaal rai ne ise yeh kehkar chhaapane se inkaar kar diya kiya ki yeh sadaachaar ke viruddh hai. vishnu prabhaakar dvaara aavaara maseeha sheershak rachit se unka praamaanik jeevan parichay bahut prasiddh hai.[2]

anukram

pramukh krutiyaaain

sharatchandr chattopaadhyaaya ka Patrick ghar

sharatchandr ne anek upanyaas likhe jinmein pandit moshaaya, baikunther bill, mej deedi, darpachoorn, shreekaant, arakshaneeya, nishkruti, maamalaar fal, gruhadaah, shesh prashn, datta, devadaas, baamhan ki ladki, vipradaas, dena paavana aadi pramukh hain. Bengal ke kraantikaari aandolan ko lekar "pather daavi" upanyaas likha gaya. pehle yeh "bang vaani" mein dhaaraavaahik roop se nikaala, fir pustakaakaar chhapa to teen hajaar ka sanskaran teen maheene mein samaapt ho gaya. iske baad british sarkaar ne ise jabt kar liya. sharat ke upanyaason ke kai bhaarateeya bhaashaaon mein anuvaad hue hain. kaha jaata hai ki unke purush paatron se unki naayikaaeain adhik balishth hain. sharatchandr ki janapriyta unki kalaatmak rachana aur nape tule shabdon ya jeevan se otaprot ghatanaavaliyon ke kaaran naheen hai balki unke upanyaason mein naari jis prakaar paramparaagat bandhanon se chhatapataati drushtigochar hoti hai, jis prakaar purush aur stri ke sambandhon ko ek nae aadhaar par sthaapit karne ke liye paksh prastut kiya gaya hai, usi se sharat ko janapriyta mili. unki rachana hrudaya ko bahut adhik sparsh karti hai. par sharatsaahitya mein hrudaya ke saare tatv hone par bhi usamein samaaj ke sangharsh, shoshan aadi par kam prakaash padta hai. palli samaaj mein samaaj ka chitr kuchh kuchh saamane aata hai. mahesh aadi kuchh kahaaniyon mein shoshan ka prashn ubharakar aata hai. unke kuchh upanyaason par aadhaarit hindi filmein bhi kai baar bani hain. inke upanyaas charitraheen par aadhaarit 1974 mein isi naam se film bani thi. uske baad devadaas ko aadhaar banaakar devadaas film ka nirmaan teen baar ho chuka hai. pehli devadaas kundan laal sahagal dvaara abhineet, doosari devadaas dileep Kumar, vaijayanti maala dvaara abhineet tatha teesari devadaas shaaharukh Khan, maadhuri Dixit, Aishwarya rai dvaara abhineet. iske atirikt 1974 mein charitraheen, parineeta-1953 aur 2005 mein bhi, badi deedi (1969) tatha mainjhali bahan, aadi par bhi chalachitron ke nirmaan hue hain.

krutiyon ki soochi

prakaashit granth

upanyaas

  • baddidi, 1913
  • biraajabau, 1914
  • parineeta, 1914
  • baikunther uil, 1915
  • palleesamaaj, 1916
  • chandranaath, 1916
  • arakshaneeya, 1916
  • panditmashaai, 1917
  • debadaas, 1917
  • charitraheen, 1917
  • shreekaant 1, 1917
  • nishkruti, 1917
  • shreekaant 2, 1918
  • datta, 1918
  • gruhadaah, 1920
  • baamuner meye, 1920
  • dena paaona, 1923
  • nababidhaan, 1924
  • pather daabi, 1926
  • shreekaant 3, 1927
  • shesh prashn, 1931
  • bipradaas, 1935
  • shreekaant 4, 1933
  • shubhada, 1938
  • shesher parichay, 1939

naatak

sharatchandr chattopaadhyaaya aur surendranaath rai 91927)
  • shodshi, 1928
  • rama, 1928
  • biraaj bau, 1934
  • bijya, 1935

galp

  • raamer sumati, 1914
  • bindur chhele, 1914
  • path-nirdesh, 1914
  • mejadidi, 1915
  • aadhaaainre aalo, 1915
  • darpachoorn, 1915
  • kaasheenaath, 1917
  • chhabi, 1920
  • bilaasi, 1920
  • maamalaar fal, 1920
  • harilkshi, 1926
  • mahesh, 1926
  • abhaageer sbarg, 1926
  • anuraadha, 1934
  • sati, 1936
  • paresh, 1936

nibndh

  • naareer moolya
  • taruner bidroh, 1919
  • sbadesh O saahitya, 1932
  • sbaraaj saadhanaaya naari
  • shikshaar birodh
  • smrutiktha
  • abhinndan
  • bhabishyat baङag-saahitya
  • guru-shishya sanbaad
  • saahitya O neeti
  • saahitye Art O durneeti
  • bhaarateeya uchch saङageet

sandarbh

baahyasootr