sharaab

safed madira
laal madira

madira, sura ya sharaab alkohaleeya peya padaarth hai.

ram, viski, choolaiya, mahuaa, braandi, jeen, beer, handiya, aadi sabhi ek hai kyonki sabamein alkohal hota hai. haaain, inmein elakohal ki maatra aur nasha laane ki apekshit kshamata alag-alag jaroor hoti hai parantu sabhi ko ham 'sharaab' hi kehte hai. kabhi-kabhi log hadiya ya beer ko sharaab se alag samajhte hain jo ki bilkul galat hai. donon mein elkohal to hota hi hai.

sharaab aksar hamaare samaaj mein aanand ke liye pi jaati hai. jyaadaatar shurooaat doston ke prabhaav ya dabaav ke kaaran hota hai aur baad mein bhi kai anya kaaranon se log iska sevan jaari rakhate hai. jaise- boriyt mitaane ke liye, khushi manaane ke liye, avasaad mein, chinta mein, teevr krodh ya aaveg aane par, aatmaavishvaas laane ke liye ya mood banaane ke liye aadi. iske atirikt sharaab ke sevan ko kai samaaj mein dhaarmik va anya saamaajik anushthaanon se bhi joda jaata hai. parantu koi bhi samaaj ya dharm iske durupyog ki sveekruti naheen deta hai.

anukram

sharaab sevan ke lakshan

sharaab ke lagaataar sevan se kuchh vishesh lakshan dikhaai dene lagte hain, jiske aadhaar par bhi iske aadi hone ko pahachaana ja sakta hai. jaise-[1]

  • hamesha sharaab sevan karne ki prabal ichha ya talab.
  • asaradaar (taulareins) nasha ke liye sharaab ki maatra mein badhotari.
  • sharaab chhodne par shareer mein kampan hona, raktachaap aniyamit ho jaana, ghabaraahat, bechaini hona, kaanon mein aavaaj sunaai padna, aaainkho ke saamane keede-makode chalte najar aana, bhayabheet hona, neend na aana aadi. dubaara sevan karte hi in lakshanein mein sudhaar hona paaya jaata hai.
  • lambe samay tak adhik maatra mein sevan karna.
  • roochikr kaaryo se vimukh hone aur adhiktar samay sharaab ki talaash mein bitaana ya nashe ke prabhaav mein rahana.
  • shaareerik va maanasik dushprabhaavon ke baavajood sevan band nahi rakhana ya koshish karne ke baavajood sevan band nahi kar paana.
  • saamaajik, vyavasaayik, paarivaarik kshetro mein hanan.

sharaab ka aadi hona

jab log sharaab ka sevan jaari rakhate hai to dheere-dheere aisi aadat ban jaati hai ki use chhod paana mushkil ho jaata hai. vah vyakti ke jeevan ka abhinn ang ban jaata hai. chhodne ki koshish karne par naana prakaar ke shaareerik va maanasik pareshaaniyaaain hoti hai aur vyakti iska lagaataar sevan karne ke liye baadhya ho jaata hai.

sharaab ke aadi vyakti ki pehchaan

jab vyakti lagaataar sharaab peene lagta hai tab samasyaaon ki nirantar badhti hui sthitiyaaain aati hai tatha shaareerik samasyaaeain vishesh roop se pet ki beemaariyaaain, yakrut (leevar) ki beemaari visheshat: sirosis, snaayu tantr ki kamajoriyaaain, Cancer aadi. yadi aadaton ka shikanja bahut majaboot ho chuka hai to aap apne aap se chaar savaal poochhein-

  • kya aapne sharaab ko kam karne ya band karne ki koshish ki hai?
  • kya aapke sharaab peene par kisi ne kabhi kuchh kaha jisse aap krodhit ho gaye?
  • kya aapko aisa lagta hai ki sharaab peene se aap kisi doshabhaav se peedit hai?
  • kya subah uthate hi aapko sharaab peeni padti hai taaki aapke shareer mein sthirta aaye?

yadi inmein se do savaal ke bhi uttar haaain mein hai to aap sharaab ke aadi ho chuke hai aur aapko turant chikitsa vyavastha karavaani chaahiye varana aapka jeevan kharaab ho sakta hai.

sharaab se shaareerik kshati

sharaab shareer ke lagbhag sabhi ango par apna bura prabhaav chhodta hai air shareer ka shaayad hi koi ang iske dushprabhaav se vanchit rahata hai. sharaab se pet sambandhi bimaariyaaain jaise- apach, pet ke dhaav (alsar), yakrut ki beemaari jaise-sirosis, livr ka poori tarah se kshatigrast hona, snaayu tantr ki kamajoriyaaain, hrudaya sambandhi rog visheshat: raktachaap, yaadaast ki beemaari, Cancer aadi. is tarah se ham dekhte hai ki shareer to kharaab hota hi hai, mastisk ki koshikaaeain bhi marne lagti hai. maanasik rog utpann hote hai tatha vyakti mein parivartan aa jaata hai.

vyakti ke jeevan par anya prabhaav sharaab vyakti ke jeevan mein kai staron par apna prabhaav daalati hai. jaise-maanasik star par uttejana, chidchidaapan, udaasi, aadi. vyavasaayik kshetr mein kaarya dakshata aur kshamata mein giraavat. saamaajik star par dheere-dheere samaajik gatividhiyon se vimukh hona aur doosaro ki najar mein girna aadi.

sharaab chhodane ke upaaya

sabse pehle sharaab peene vaale khud yeh tay kare ki ab main sharaab nahi peeuainga to chikitsak inki madad kar sakte hai. dekha jaata hai ki parivaar vaale to unke ilaaj ke liye taiyaar rahate hai kintu vyakti swayam ilaaj naheen karaana chaahata. aisi haalat mein chikitsak ka prayaas saarthak ho hi naheen sakta.

manashchikitsa kendron mein nasha vimukti kendra hote hai jahaaain di-tokseefikeshan dvaara sharaab chhudaane tatha uske uparaant motiveshan thairapi, fijiyothairapi tatha group thairapi dvaara isse nijaat paane ki koshish ki jaati hai. swayam vyakti ke prabal ichhaashakti tatha parivaar ke sahayog tatha chikitsakon ke satat prayaas se safalta poorvak iska ilaaj sambhav hai.

sandarbh

yeh bhi dekhein

baahari kadiyaaain

  • madira gyaan - vibhinn madiraaon ke baare mein moolabhoot jaankaari ; madiraaon ke prakaar, unhein banaane ki vidhi, kuchh madira braands ki sameeksha aur madira se sambandhit dheron anya rochak tathya.