shankaradev

shreemant shankaradev asamiya bhaasha ke atyant prasiddh kavi, naatakakaar tatha hindu samaajasudhaarak the.

anukram

jeevanacharit

shreemant shankaradev ka janm asam ke naugaaainv jile ki baradauva ke sameep alipukhuri mein hua. inki janmatithi ab bhi vivaadaaspad hai, yadyapi praaya: yeh 1371 shak maani jaati hai. janm ke kuchh din pashchaat inki maata satyasandhya ka nidhan ho gaya. 21 varsh ki umr mein sooryavati ke saath inka vivaah hua. manu kanya ke janm ke pashchaat sooryavati paralokagaamini hui.

shankaradev ne 32 varsh ki umr mein virkt hokar pratham teerthayaatra aarambh ki aur uttar Bhaarat ke samast teerthon ka darshan kiya. roop aur sanaatan Goswami se bhi shankar ka saakshaatkaar hua tha. teerthayaatra se lautane ke pashchaat shankaradev ne 54 varsh ki umr mein kaalindi se vivaah kiya. tirhutiya braahman jagadeesh mishr ne baradauva jaakar shankaradev ko Bhagwat sunaai tatha yeh granth unhein bheint kiya. shankaradev ne jagadeesh mishr ke svaagataarth "mahaanaat" ke abhinay ka aayojan kiya. iske poorv "chihlayaatra" ki prashansa ho chuki thi. shankaradev ne 1438 shak mein bhuiyaaain raajya ka tyaag kar ahom raajya mein pravesh kiya. karmakaandi vipron ne shankaradev ke bhakti prachaar ka ghor virodh kiya. dihigiya raaja se braahmanon ne praarthana ki ki shankar vedaviruddh mat ka prachaar kar raha hai. katipya prashnottar ke pashchaat raaja ne inhein nirdosh ghoshit kiya. haatheedhara kaand ke pashchaat shankaradev ne ahom raajya ko bhi chhod diya. paatavaausi mein 18 varsh nivaas karke inhonne anek pustakon ki rachana ki. 67 varsh ki avastha mein inhonne anek pustakon ki rachana ki. 97 varsh ki avastha mein inhonne doosari baar teerthayaatra aarambh ki. unhonne kabeer ke math ka darshan kiya tatha apni shraddhaanjali arpit ki. is yaatra ke pashchaat ve barapeta vaapas chale aae. coach raaja naranaaraayan ne shankaradev ko aamantrit kiya. koochabihaar mein 1490 shak mein ve vaikunthagaami hue.

shankaradev ke vaishnav sanpradaaya ka mat ek sharan hai. is dharm mein moortipooja ki pradhaanata naheen hai. dhaarmik utsavon ke samay keval ek pavitra granth chauki par rakh diya jaata hai, ise hi naivedya tatha bhakti nivedit ki jaati hai. is sanpradaaya mein deeksha ki vyavastha naheen hai.

rachanaaeain

  • maarkadeyapuraan ke aadhaar par shankaradev ne 615 chhandon ka harishchandr upaakhyaan likha.
  • bhaktipradeep mein bhaktiprak 308 chhand hain. iski rachana ka aadhaar garudpuraan hai.
  • vaamanapuraan tatha Bhagwat ke prasangon dvaara anaadiptanan ki rachana hui.
  • anjaamilopaakhyaan 426 chhandon ki rachana hai.
  • amrutamanthan tatha balichhlan ka nirmaan ashtam skandh ki do kathaaon se hua hai.
  • aadidsham kavi ki atyant lokapriya rachana hai jisein Krishna ki baalaleela ke vividh prasang chitrit hue hain.
  • kurukshetr tatha nimimnasiddhasanvaad aur gunamaala unki anya rachanaaeain hain.
  • uttarakaand raamaayan ka chhandobaddh anuvaad unhonne kiya.
  • viprapatneeprasaad, kaalidmanayaatra, keligopaal, rukmineeharan naatak, paarijaat haran, raamavijya aadi naatakon ka nirmaan shankaradev ne kiya.
  • asamiya vaishnavon ke pavitra granth bhaktirtnaakar ki rachana inhonne sanskrut mein ki. ismein sanpradaaya ke dhaarmik siddhaanton ka niroopan hua hai.

inhein bhi dekhein

baahari kadiyaaain