shankaradayaal sharma

shankaradayaal sharma
शंकरदयाल शर्मा

kaarya kaal
25 July 199225 July 1997
up raashtrapati kochcheri raaman Narayanan
poorvavarti raamasvaami Venkatraman
uttaraavarti kochcheri raaman Narayanan

janm 19 August 1918
Bhopal, Madhya Pradesh, Bhaarat
mrutyu 26 December 1999
nai Delhi, Bhaarat
raajanaitik party bhaarateeya raashtreeya Congress
jeevanasangi vimla sharma
dharm hindu

Dr shankaradayaal sharma (19 August 1918- 26 December 1999) Bhaarat ke navein raashtrapati the. inka kaaryakaal 25 July 1992 se 25 July 1997 tak raha. raashtrapati banane se poorv aap Bhaarat ke aathave uparaashtrapati bhi the, aap Bhopal raajya ke mukhyamantri (1952-1956) rahe tatha Madhya Pradesh raajya mein cabinet star ke mantri ke roop mein unhonne shiksha, vidhi, saarvajanik nirmaan kaarya, udyog tatha vaanijya mantraalaya ka kaamkaaj sambhaala tha. kendra sarkaar mein ve sanchaar mantri ke roop mein (1974-1977) padabhaar sambhaala. is dauraan bhaarateeya raashtreeya Congress ke adhyaksh (1972-1974) bhi rahe.

anukram

shiksha tatha praarambhik jeevan

Doctor sharma ne seint jaans college Agra, Agra college, Allahabad vishvavidyaalaya, Lucknow vishvavidyaalaya, fitjvilyam college, Cambridge vishvavidyaalaya, linkon in tatha haaravard la school se shiksha praapt ki. inhonne hindi, angreji, sanskrut saahitya mein M.A. ki degree vishvavidyaalaya mein pratham sthaan ke saath praapt ki, aapne L.L.M. ki degree bhi Lucknow vishv vidyaalaya se pratham sthaan ke saath praapt ki thi, vidhi mein pi.H.di. ki degree Cambridge se praapt ki, aapko Lucknow vishvidyaalaya se samaaj seva mein chakravarti svarn padak bhi praapt hua tha. inhonne Lucknow vishvidyaalaya tatha Cambridge mein vidhi ka adhyaapan kaarya bhi kiya, Cambridge mein rahate samay aap Tagore society tatha Cambridge majalis ke koshaadhyaksh rahe, aapne linkon in se bairistar eight la ki degree li, aapko vahaan par maanad beinchar tatha master chuna gaya tha, aap fitjvilyam college ke maanad failo rahe. Cambridge vishv vidyaalaya ne aapko maanad Doctor of la ki degree de kar sammaanit kiya. aapka vivaah vimla sharma ke saath hua tha.

raajanaitik shurooaat

1940 ke dashak mein ve Bhaarat ke svatantrata aandolan mein shaamil ho gaye, is hetu unhonne Congress party ki sadasyata le li, 1952 mein Bhopal ke mukhyamantri ban gaye, is pad par 1956 tak rahe jab Bhopal ka vilay anya raajyon mein kar Madhya Pradesh ki rachana hui.

sakriya raajanaitik jeevan

1960 ke dashak mein unhonne indira Gandhi ko Congress party ka netrutv praapt karne mein sahaayata di. indira cabinet mein ve sanchaar mantri (1974-1977) rahe, 1971 tatha 1980 mein unhonne Bhopal se lok sabha ki seat jeeti, iske baad unhonne kai bhooshnaatmak padon par kaarya kiya, 1984 se ve raajyapaal ke roop mein Andhra Pradesh mein niyukti ke dauraan Delhi mein unki putri geetaanjali tatha daamaad lalit maakan ki hatya sikh charampanthiyon ne kar di, 1985 se 1986 tak ve Punjab ke raajyapaal rahe, antim raajyapaal daayitv unhonne 1986 se 1987 tak Maharashtra mein nibhaaya. iske baad unhein up raashtrapati tatha raajya sabha ke sabhaapati ke roop mein chun liya gaya gaya is pad par ve 1992 mein raashtrapati banane tak rahe.

sharma sansadeeya maanako ka sakhti se paalan karte the, raajya sabha mein ek mauke par ve isliye ro pade the ki kyonki raajya sabha ke sadasyon ne ek raajanaitik mudde par sadan ko jaam kar diya tha. raashtrapati chunaav unhonne George svel ko hara ke jeeta tha isame unhein 66% mat mile the. apne antim kaarya varsh mein unhonne teen pradhaanamantriyo ko shapath dilaai.

beemaari tatha mrutyu

apne jeevan ke antim paaainch varsho mein ve beemaar rahe, 9 October 1999 ko unhein dil ka daura padne par Delhi ke ek aspataal mein bharti karavaaya gaya, jahaaain unki mrutyu ho gayi.

sandarbh

baahari kadiyaaain

inhe bhi dekhe