shankar dayaal Singh

shankar dayaal Singh
Shankar Dayal Singh.jpg
saahityakaar raajaneta shankar dayaal Singh (1937-1995)

kaaryakaal
1971-1977
chunaav-kshetr chatara lok sabha kshetr

kaaryakaal
1990-1995

janm 27 December 1937
Aurangabad, Bihar
mrutyu November 26, 1995(1995-11-26) (umr 57)
toondala (yaatra ke dauraan rel ke dibbe mein)
raajaneetik dal Congress evam janta dal
jeevan sangi kaanan baala Singh
bachche ranjan Kumar Singh (putr)
raajesh Kumar Singh (putr)
rashmi Singh (putri)
shaikshik sambaddhata banaaras hindu vishvavidyaalaya evam
Patna vishvavidyaalaya
vyavasaaya raajaneeti
pesha lekhan

shankar dayaal Singh (27 December,1937 - 27 November 1995) Bhaarat ke raajaneta tatha hindi saahityakaar the. ve raajaneeti va saahitya donon kshetron mein samaan roop se lokapriya the. unki asaadhaaran hindi seva ke liye unhein sadaiv smaran kiya jaata rahega. unke sadaabahaar bahuaayaami vyaktitv mein oorja aur aanand ka ajasr srot chhipa hua tha.[1] unka adhikaansh jeevan yaatraaon mein hi beeta aur yeh bhi ek vichitr sanyog hi hai ki unki mrutyu yaatra ke dauraan us samay hui jab ve apne nivaas sthaan Patna se bhaarateeya sansad ke sheetakaaleen adhiveshan mein apni bhaageedaari sunishchit karne Delhi aa rahe the. nai-Delhi railway station par 27 November 1995[2] ki subah train se kahakahe lagaate hue shankar dayaal Singh to naheen utare, apitu bojhil man se unke parijanon ne unke shav ko utaara.

anukram

janm aur jeevan

Bihar ke Aurangabad jile ke bhavaaneepur gaaainv mein 27 December 1937 ko prasiddh svatantrata senaani, saahityakaar va Bihar vidhaan parishad ke sadasya sva0 kaamataaprasaad Singh ke yahaaain janme baalak ke maata-pita ne apne aaraadhya Dave shankar ki daya ka prasaad samajh kar usaka naam shankar dayaal rakha jo jaati soochak shabd ke sanyog se shankar dayaal Singh ho gaya. chhoti umr mein hi maata ka saaya sir se uth gaya at: daadi ne unka paalan poshan kiya. banaaras hindu vishvavidyaalaya se snaatak (bee0e0) tatha Patna vishvavidyaalaya se snaatakottar (ema0e0) ki upaadhi (degree) lene ke pashchaat 1966 mein vah akhil bhaarateeya Congress committee ke sadasya bane aur 1971 mein saansad chune gaye. ek paaainv raajaneeti ke daladal mein sanata raha to doosra saahitya ke kamal ki paankhuriyon ko kured-kured kar usaka saurabh lutaata raha. shreemati kaanan baala jaisi susheela praadhyaapika patni, do putr - ranjan va raajesh tatha ek putri - rashmi; aur kya chaahiye sab kuchh to unhein apne jeete ji mil gaya tha tis par mrutyu bhi mili to itni neerav, itni shaant ki shareer ko ek pal ka bhi kasht naheen hone diya. 27 November 1995 ki bhor mein Patna se nai Delhi jaate hue rel yaatra mein toondala railway station par hrudaya gati ruk jaane ke kaaran unka praanaant ho gaya.

vividhi kaarya

samaachaar bhaarati ke nideshak pad se praarambh hui shankar dayaal Singh ki jeevan-yaatra sansadeeya raajabhaasha samiti, Delhi pablik laaibreri, bhaarateeya rel paraamarsh samiti, bhaarateeya anuvaad parishad, kendreeya hindi salaahakaar samiti jaise anek padaavon ko paar karti hui desh-videsh ki yaatraaon ka bhi aanand leti rahi aur apne sahayaatriyon ke saath unmukt thahaake lagaakar unka raktavardhan bhi karti rahi. aur ant mein unki yeh yaatra railway ke vaataanukoolit shayanayaan mein gahari neend sote hue 27 November 1995 ko us samay samaapt ho gayi jab unke janm din ki shashtipoorti mein maatr ek maas shesh rah gaya tha. yadi 27 December 1995 ke baad bhi unki yaatra jaari rahati to ve apna 58vaaain janm-din unheen thahaakon ke beech manaate jiske liye ve apne mitron ke beech jaane jaate the. unki ek visheshata yeh bhi rahi ki unhonne jeevan paryant bhaarateeya jeevan moolyon ki raksha ke saath-saath bhaarateeya sanskruti ka poshan kiya bhale hi iske liye unhein kai baar ulajhana bhi pada kintu apne vishisht vyavahaar ke kaaran ve un tamaam vaadhaaon par ek aparaajeya yoddha ki tarah vijay paate rahe.

raajaneeti ki dhoop

shankar dayaal Singh Loksabha va Rajyasabha donon ke sadasya rahe kintu chooainki moolat: ve ek saahityakaar the at: raajaneeti mein hone vaale daav peinch unhein raas naheen aate the aur ve usaki tej dhoop se bachane ke liye bahudha saahitya ka chhaata taan liya karte the. kehne ka taatparya yeh hai ki ve apne lekhon mein un sabki bakhiya udhed kar rakh dete the jo unke shuddh ant:karan ko neeti viruddh lagte the. jaise sarkaar ki graamotthaan ke prati tatasthata ka bhaav unhein saalata tha to vah sansad ki charchaaon mein to apni baat rakhate hi the vividh patra-patrikaaon mein lekh bhi likhte the jinhein padhakar virodhi-paksh khush aur satta-paksh (Congress), jiske ve swayam saansad hua karte the, naakhush rahata tha. dekha jaaye to raajaneeti mein, aaj jahaaain pratyek party ne keval chaatukaaron ki chandaal-chaukadi ka majama jama kar rakkha hai jiske kaaran raajaneeti ke taalaab mein svachh jal ki jagah keechad hi keechad najar aa rahi hai; vahaaain ke pradooshit vaataavaran mein shankaradayaal Singh sareekhe kamal ki kami vaastav mein khalati hai. unhonne lagbhag 25 lekh raajaneetik uthaapatak ko lekar hi likhe jo tatkaaleen samaachaaron ki surkhiyaaain to bane hi, pustakaakaar roop mein pustakaalayon mein upalabdh bhi hain.

saahitya ki chhaaainv

jeevan ko dhoop-chhaaainv ka khel maanane vaale shankar dayaal Singh ka yeh maanana ek dam sahi tha ki jis prakaar prakruti apna santulan apne aap kar leti hai usi prakaar raajaneeti mein kaam karne vaale pratyek vyakti ko saahityakaar hona pehli yogyata ka maapadand hona chaahiye. ve apne se poorvavarti sabhi diggaj raajaneetik vyaktiyon ka udaaharan praaya: diya karte the aur bataate the ki ve sabhi diggaj log saahityakaar pehle the baad mein raajaneetikaar ya kuchh bhi; jiske kaaran unke jeevan mein nirntar santulan bana raha aur ve desh ke saath kabhi dhokha naheen kar paaye. aaj jise dekho vahi raajaneeti ko vyavasaaya ki tarah samajhta hai seva ki tarah naheen; yahi kaaran hai ki sarvatr ashaanti ka saamraajya hai. haalaat yeh hain ki aajkal raajaneeti ki dhoop mein netaaon ke paaainv kam, janta ke adhik jhulas rahe hain. unheen ke shabdon mein - "mainne swayam raajaneeti se aasav grahan kar usaki masti saahitya mein bikheri hai. anubhav vahaaain se liye, anubhooti yahaaain se. maran vahaaain se varan kiya jeevan yahaaain se. vahaaain ki dhoop mein jab-jab jhulasa, chhaaainv ke liye is or bhaaga. lekin yeh sahi hai ki dhoop-chhaaainv ka aanand leta raha, aaainkh-michauni khelta raha."[3]

bhaasha ki bhainvar mein

bhaaratavarsh ko svatantrata ke pashchaat yadi koi ek neeti ekajut rakh sakti thi to vah keval ek bhaashaagat raashtreeya-neeti hi rakh sakti thi kintu hamaare desh ke karnadhaaron ne is or koi vishesh dhyaan naheen diya apitu ek ke bajaay anek bhaashaaon ke bhainvar-jaal mein ulajhaakar doob marne ke liye vivsh kar diya hai. jab bhaarateeya svatantrata sangraam athva hamaari aajaadi ka yuddh ek bhaasha hindi ke maadhyam se lada gaya, usamein kisi bhi praant-bhaasha-bhaashi ne yeh adanga naheen lagaaya ki pehle unki bhaasha seekho tabhi ve ekajut hokar tumhaara saath deinge anyatha naheen deinge. is tarah yadi karte to kya kabhi 1947 mein Hindustan aajaad ho sakta tha? kadaapi naheen. raashtrabhaasha to ek hi ho sakti hai anek to naheen ho sakateen. yadi raashtra-bhaashaayein ek ke sthaan par 15 ya 20 kar di jaayeingi to nishchit maaniye praanteeyata ka bhaav pratyek ke man mein paida hoga aur usaka dushparinaam yeh hoga ki yeh raashtra vikhndan ki or agrasar hoga, ekta ki or naheen.

yaayaavari ke anubhav

shankar dayaal Singh chooainki saansad bhi rahe aur sansadeeya kaarya-samitiyon mein unki paith bhi baraabar bani rahi ataev unhein sarkaari sansaadhanon ke sahaare vibhinn deshon va sthaanon ki yaatraayein karne ka sukh bhi upalabdh hua. parantu unhonne vah sukh akele na uthaakar apne saahityik mitron ko bhi upalabdh karaaya tatha lekhon ke maadhyam se apne paathakon ko bhi pahuainchaaya. soviyt sangh ki rajdhani Moscow se lekar sooreenaam aur Trinidad tak ki mahatvapoorn yaatraaon ke vrutaant padhakar hamein yeh lagta hi naheen ki shankar dayaal Singh hamaare beech naheen hain. apitu kabhi-kabhi to aisa aabhaas-sa hota hai jaise vah hamaare ird-gird ghoomate hue lattoo ki bhaaainti gatimaan is bhoomandal ke chakkar abhi bhi laga rahe hain. paarijaat prakaashan, Patna se pratham baar san 1992 mein prakaashit pustak raajaneeti ki dhoop : saahitya ki chhaaainv mein[4] diye gaye unki yaayaavari (ghumakkadi vrutti) ke anubhav bade hi rochak hain.

rachana sansaar

san 1977 se 'soshalist Bhaarat' mein unke lekh prakashit hone praarambh hue jo san 1992 tak anvarat roop se chhapate hi rahe aisa ullekh unki bahucharchit pustak raajaneeti ki dhoop : saahitya ki chhaaainv mein[5] milta hai. isi ullekh ke aage di gayi shankar dayaal Singh ki prakaashit pustakon ki soochi is prakaar hai:

  1. raajaneeti ki dhoop : saahitya ki chhaaainv
  2. imarjensi : kya sach, kya jhooth
  3. parivesh ka sukh
  4. maine inhein jaana
  5. yada-kada
  6. bheegi dharati ki sondhi gandh
  7. apne aapse kuchh baatein
  8. aaiye kuchh door ham saath chalein
  9. kaheen subah : kaheen chhaaainv
  10. janatantr ke kathaghare mein
  11. jo saath chhod gaye
  12. bhaasha aur saahitya
  13. meri priya kahaaniyaaain
  14. ek din apna bhi
  15. kuchh baatein : kuchh log
  16. kitna kya anakaha
  17. pahli baaris ki chhitkati booaindein
  18. baat jo bolegi
  19. murajhaaye fool : pankhaheen
  20. samay-sandarbh aur gaandhi
  21. samay-asamaya
  22. yaadon ki pagadandiyaaain
  23. kuchh khyaalon mein : kuchh khvaabon mein
  24. paas-pados ki kahaaniyaaain
  25. Bhaarat chhodo aandolan

sammaan va puraskaar

raashtrabhaasha hindi ke liye shankar dayaal Singh ne aajeevan aagrah bhi kiya, yuddh bhi lada aur yada-kada aahat bhi hue. is sabke baavajood unhein san 1993 mein hindi seva ke liye anantagopaal shevade hindi sammaan tatha san 1995 mein gaadagil raashtreeya sammaan se navaaja gaya parantu isse ve maanasik roop se poornat: santusht kabhi naheen hue. nissandeh shankar dayaal Singh puraskaar ya sammaan paakar apni bolti band rakhane vaalon ki shreni ke vyakti naheen, apitu aur adhik prakharata se mukhar hone vaalon ki shreni ke vyakti the. yahi kaaran tha ki pratishthit lekhak ke roop mein kendra sarkaar ne bhale hi koi puraskaar ya sammaan na diya ho, jiske ve vaastavik roop se adhikaari the; parantu poore bhaaratavarsh se kai sansthaaon, sangathanon va raajya-sarkaaron se unhein anekon puraskaar praapt hue.

sandarbh

  1. vhora aasha raani mere ye aadaraneeya aur aatmeeya prushth 146
  2. vhora aasha raani mere ye aadaraneeya aur aatmeeya prushth 154
  3. Singh shankar dayaal raajaneeti ki dhoop : saahitya ki chhaaainv prushth 117
  4. Singh shankar dayaal raajaneeti ki dhoop : saahitya ki chhaaainv prushth 301 se 331 tak
  5. Singh shankar dayaal raajaneeti ki dhoop : saahitya ki chhaaainv prushth 344-345
  1. shankar dayaal Singh raajaneeti ki dhoop : saahitya ki chhaaainv 1992 Patna paarijaat prakaashan
  2. aashaaraani vhora mere ye aadaraneeya aur aatmeeya 2002 nai Delhi naman prakaashan ISBN 81-87368-07-1

inhein bhi dekhein

  • shankar dayaal Singh janabhaasha sammaan

baahari kadiyaaain