shankar baalakrushn Dixit

shankar baalakrushn Dixit (janm 24 July 1853 - mrutyu 20 April 1898) Bhaarat ke prasiddh jyotishi the. maraathi mein likhit "bhaarateeya jyotishshaastr" aapka amoolya granth hai.

jeevani

aapka janm Maharashtra ke ratnaagiri jile mein daapoli ke paas murud gaaainv mein hua tha. aapki praathamik shiksha murud mein hi hui. ganit mein aapki ruchi bachapan se hi thi. visaaji Krishna lele ke saayanavaad sambandhi lekhon ko padhkar jyotish mein bhi aapki ruchi hui. thaana ke janaardan Balaji modak, jinhein aap guru maanate the, ke sneh ne aapki yeh ruchi aur bhi adhik badha di.

dau॰ fleet mahodaya ne apni pustak "gupt inskripshans" mein gupton ke kaalanirnaya mein aapki sahaayata li thi. isi prakaar seevel ki pustak "Indian calendar" aapke sahalekhakatv mein hi likhi ja saki. ismein aapne apne maulik vichaaron ko nirbheekata ke saath rakha hai. apni pustak "bhaarateeya jyotishshaastr" ki prastaavana mein aapne bhaarateeya vidvaanon par paashchaatya vidvaanon ke prabhaav ka ullekh karte hue hamamein aatmavishvaas ki aavashyakta par jor diya.

bhaarateeya jyotishshaastr aapka amoolya granth hai. keval yahi granth aapki keerti ko oopar karne ke liye paryaapt hai. vaidik kaal se lekar apne samay tak jyotish sambandhi saamagri ekatrit kar usapar aadhaarit anumaanon ki aitihaasik drushtikon se aapne vivechana ki hai. iske liye 500 se adhik sanskrut granthon ka adhyayan aapne kiya. iske kaaran aaryabhatt, varaahamihir, brahmagupt, bhaaskaraachaarya aadi granthakaaron ka parichay maraathi mein sulabh ho saka. panchaang sanshodhan se sambandhit saamagri tatha paksh aur vipaksh ke vibhinn tarkon ka sangrah ismein dekhne ko milta hai. isi granth mein saayan panchaang ki graahyata, vedon ki praacheenata tatha jyotishshaastr mein ganit ki bhaarateeyata aadi vishyon mein inke mat bhi dekhne ko milte hain. theebo, barges aadi Europeeya vidvaanon ke un bhramon ka jismein bhaarateeya jyotish par grees aur rom ka prabhaav dekha jaata tha aapne apne tarkon se niraakaran kiya (bhaarateeya jyotish, prusht 513)

paashchaatya aur paurvaatya jyotish ka aapka adhyayan gambhir tha. iseeliye jyotish se sambandhit vishyon par aap adhikaar ke saath bolte the. "dakshin prize committee" tatha gaayakavaad sarkaar ne aapke is grantharaaj ko puraskrut kar gaurav ka anubhav kiya. aapke is granth ko padhne ke liye anek desh-videsh ke vidvaanon ko maraathi padhne ki sfoorti mili thi. vaidik vaaङamaya ki sampoorn aalochna, vedaangakaaleen jyotish ki vivechana aur vidvaanon ko kanthit karanevaale anek maulik tarkon ke kaaran is pustak ki upaadeyata mahaneeya hai.

baahari kadiyaaain