shaileevijnyaaan

shaileevijnyaaan (stylistics) shabd do shabdo se milkar bana hai- shaili aur vigyaan jiska shaabdik arth hai 'shaili ka vigyaan' arthaata‌a‌a‌a‌ jis vigyaan mein shaili ka vaigyaanik evam vyavasthit roop sein adhyayan kiya jaae vah shaileevijnyaaan hai. 'shaili' shabd angreji ke style (Style) shabd ka hindi roopaantar hai. usi prakaar 'shaileevijnyaaan' angreji ke staailistiks (Stylistics) hai.

shaileevijnyaaan bhaashaavijnyaaan evam saahityashaastr donon ki sahaayata leta hua bhi donon se alag svatantr vigyaan hai. shaileevijnyaaan ek or bhaashaashaili ka adhyayan saahityashaastr ke siddhaanton ke aadhaar par karta hai, jismein ras, alankaar, vakrokti, dhvani, reeti, vrutti, pravrutti, shabd-shakti, gun, dosh, binb, prateek aadi aate hain. doosari or shaileevijnyaaan ke antargat bhaasha-shaili ka adhyayan bhaashaavijnyaaan ke siddhaanton ke aadhaar par kiya jaata hai, jismein bhaasha ki prakruti aur sanrachana ke anusheelan ko mahattv diya jaata hai.

shaileevijnyaaan ke adhyayan ki mukhyat: do dishaaeain prachalit hai:

  • saahityashaastr ke aadhaar par
  • bhaashaavijnyaaan ke aadhaar par

saahityashaastr ke aadhaar par kisi kavi, lekhak, kruti ka shaileevaijnyaaanik adhyayan kiya jaata hai arthaat ras, alankaar, vakrokti, reeti, dhvani, gun, dosh, vrutti, pravrutti, binb, chhand aadi ke aadhaar par dekha jaata hai ki lekhak ya kavi ne saahityashaastr ke siddhaanton ka anusaran uchit roop mein kahaaain tak kiya hai evam kruti ya rachana ki shaili mein saahityashaastr ke niyamon ka paalan vyavasthit dhang se kahaaain tak hua hai. is prakaar ka adhyayan saahityashaastr ke kshetr ki hi vastu maani jaaegi.

bhaashaavijnyaaan ke aadhaar par kisi kavi ya lekhak ki rachana mein prayukt bhaasha ki prakruti aur sanrachana ke tattvon ka vaigyaanik vishleshan karte hain. prakruti aur sanrachana ke aadhaar par bhaasha ke paaainch tattv maane jaate hain- dhvani, shabd, roop, vaakya aur arth. iske aadhaar par dekha jaata hai ki kavi ki bhaasha mein kahaaain dhvani-vichlan, dhvani-chayan, dhvani-samaanaantar ka prayog hua, kahaaain shabd-vichlan, shabd -chayan, shabd-samaanaantar kiya gaya. isi prakaar roop-star, vaakya-star tatha arth-star par bhi adhyayan kiya jaata hai. vaakyon ke antargat muhaavare evam lokoktiyon ke vichlan aadi ka adhyayan bhi kiya jaata hai. is prakaar bhaashaavijnyaaan ke aadhaar par krutikaar ki bhaasha ka vishleshan atyant gaharaai ke saath kiya jaata hai.

Bhaarat mein shaileevijnyaaan

Bhaarat mein shaileevijnyaaan ka adhyayan aadhunik yug ki den hai. paashchaatya saahitya mein shaileevijnyaaan par bahut mahatvapoorn kaarya ho chuke hain. saath hi anekaanek granth bhi prakaashit hue hain, in grantho mein shaileevijnyaaan ke svaroop ko atyant vistaarapoorvak samajhaane ka prayaas kiya hai. bhaarateeya vidvaan inheen granthon ka anugaman kar shaileevijnyaaan ke svaroop ko samajhne evam samajhaane ka prayaas kar rahe hai. yahi kaaran hai ki kuchh vidvaan shaileevijnyaaan ko bhaashaavijnyaaan se jodte hain, kuchh saahitya shaastr se tatha kuchh bhaashaavijnyaaan tatha saahityashaastr dono se. kuchh vidvaan ise svatantr vishay ke rup mein sveekaar karte hain aur kuchh ise praayogik bhaashaavijnyaaan ka ang maanate hain.

jaise bhaashaavijnyaaan ke do roop hain- saiddhaantik bhaashaavijnyaaan evam praayogik bhaashaavijnyaaan; usi prakaar shaileevijnyaaan ke bhi do roop hain - saiddhaantik shaileevijnyaaan evam prayogik shaileevijnyaaan. saiddhaantik shaileevijnyaaan mein shaili ke siddhaaton ki vaigyaanik vyaakhya hoti hai aur prayogik shaileevijnyaaan mein siddhaant ke aadhaar par kisi granth ya granthakaar ki shaili ka vargeekaran, vivechan, tatha vishleshan kiya jaata hai.

baahari kadiyaaain