shailaputri

shailaputri
शैलपुत्री- नवदुर्गाओं में प्रथम
shailaputri- navadurgaaon mein pratham
sambandhit hindu devi
astr-shastr trishool
jeevanasaathi Shiv
vaahan gaaya

devi durga ke nau roop hote hain. durgaaji pehle svaroop mein 'shailaputri' ke naam se jaani jaati hain.[1] ye hi navadurgaaon mein pratham durga hain. parvataraaj himaalaya ke ghar putri roop mein utpann hone ke kaaran inka naam 'shailaputri' pada. navaraatr-poojan mein pratham diwas inheen ki pooja aur upaasana ki jaati hai. is pratham din ki upaasana mein yogi apne man ko 'moolaadhaar' chakr mein sthit karte hain. yaheen se unki yog saadhana ka praarambh hota hai.

anukram

shobha

vrushabh-sthita in maataaji ke daahine haath mein trishool aur baaeain haath mein kamal-pushp sushobhit hai. apne poorv janm mein ye prajaapati daksh ki kanya ke roop mein utpann hui theen. tab inka naam 'sati' tha. inka vivaah Bhagwan shankaraji se hua tha.

katha

ek baar prajaapati daksh ne ek bahut bada yagya kiya. ismein unhonne saare devataaon ko apna-apna yagya-bhaag praapt karne ke liye nimantrit kiya, kintu shankaraji ko unhonne is yagya mein nimantrit naheen kiya. sati ne jab suna ki unke pita ek atyant vishaal yagya ka anushthaan kar rahe hain, tab vahaaain jaane ke liye unka man vikl ho utha.

apni yeh ichha unhonne shankaraji ko bataai. saari baaton par vichaar karne ke baad unhonne kaha- prajaapati daksh kisi kaaranavash hamse rusht hain. apne yagya mein unhonne saare devataaon ko nimantrit kiya hai. unke yagya-bhaag bhi unhein samarpit kiye hain, kintu hamein jaan-boojhakar naheen bulaaya hai. koi soochana tak naheen bheji hai. aisi sthiti mein tumhaara vahaaain jaana kisi prakaar bhi shreyaskar naheen hoga.'

shankaraji ke is upadesh se sati ka prabodh naheen hua. pita ka yagya dekhne, vahaaain jaakar maata aur bahanon se milne ki unki vyagrata kisi prakaar bhi kam na ho saki. unka prabal aagrah dekhkar Bhagwan shankaraji ne unhein vahaaain jaane ki anumati de di.

sati ne pita ke ghar pahuainchakar dekha ki koi bhi unase aadar aur prem ke saath baatcheet naheen kar raha hai. saare log muainh fere hue hain. keval unki maata ne sneh se unhein gale lagaaya. bahanon ki baaton mein vyangya aur upahaas ke bhaav bhare hue the.

parijanon ke is vyavahaar se unke man ko bahut klesh pahuaincha. unhonne yeh bhi dekha ki vahaaain chaturdik Bhagwan shankaraji ke prati tirskaar ka bhaav bhara hua hai. daksh ne unke prati kuchh apamaanajanak vachan bhi kahe. yeh sab dekhkar sati ka hrudaya kshobh, glaani aur krodh se santapt ho utha. unhonne socha Bhagwan shankaraji ki baat na maan, yahaaain aakar mainne bahut badi galati ki hai.

ve apne pati Bhagwan shankar ke is apamaan ko sah na sakeen. unhonne apne us roop ko tatkshan vaheen yogaagni dvaara jalaakar bhasm kar diya. vajrapaat ke samaan is daarun-du:khad ghatna ko sunakar shankaraji ne kruddh hoapane ganon ko bhejkar daksh ke us yagya ka poornat: vidhvans kara diya.

sati ne yogaagni dvaara apne shareer ko bhasm kar agale janm mein shailaraaj himaalaya ki putri ke roop mein janm liya. is baar ve 'shailaputri' naam se vikhyaat hurin. paarvati, haimavati bhi unheen ke naam hain. upanishd ki ek katha ke anusaar inheen ne haimavati svaroop se devataaon ka garv-bhanjan kiya tha.

upasanhaar

'shailaputri' devi ka vivaah bhi shankaraji se hi hua. poorvajanm ki bhaaainti is janm mein bhi ve shivji ki hi arddhaangini bani. navadurgaaon mein pratham shailaputri durga ka mahatva aur shaktiyaaain anant hain.[2]

sandarbh

baahari kadiyaaain