shailachitr

chitraankan aur reinkhaankan manushya jaati ki sabse praacheen kalaaen hain. aadi maanav gufaaon ki deevaaron ka prayog kainavaas ke rup mein kiya karta tha. usane rekhaankan aur chitraankan shaayad apne prativesh ko chitrit karne athva apne jeevan ki mahatvapoorn ghatnaaon ka drushya rikaard karne ke liye bhi kiya ho. gufaaon ki chattaanon par apne itihaas ko chitrit karne ka usaka prayaas shaayad vaisa hi tha jaiseki ham apni dainik daayari likhte hain.

vaigyaanik aisa maanate hain ki paashaanayug (vah samay jabki vah patthar ke hathiyaaron ka prayog karta tha) ka manushya gufaaon mein rahata tha aur shilaaon ke in aashray sthalon ka prayog varsha, bijli, thand aur chamachamaati garmi se apni raksha karne ke liye kiya karta tha. ve yeh bhi maanate hain aur unhonne yeh pramaanit karne ke saakshya bhi dhoondh liye hain ki gufaaon mein rahane vaale ye log lambe, balavaan the aur praakrutik khataron se nibatne aur saath hi vishaalakaaya jangali gainde, daayanosor athva jangali sooaron ke samooh ke beech apne jeevan ki daud daudte rahane ke liye uske paas anek vahashiyon ki tulana mein kaheen achhe dimaag hote the. renadiyr, jangali ghode, saand athva bhainse ka shikaar karte-karte kabhi-kabhi vah aaspaas rahane vaale bhaaluon, sheron tatha anya jangali pashuon ka graas ban jaata tha.

haan, in aadi maanavon ke paas kuchh uttam chitr rekhaankit aur chitraankit karne ka samay rahata tha. saare vi mein anek gufaaon ka deevaarein jin pashuon ka kandaraavaasi shikaar kiya karte the, unke baareeki se utkeern aur range hue chitron se bhari hui hain. ye log maanaveeya aakrutiyon, anya maanaveeya kriyaakalaapon, jyaamiti ke dijaainon aur prateekon ke chitr bhi banaate the.

vaigyaaniko ne praacheen gufa aashray sthalon ki khoj karke manushya ke praacheen itihaas ke sambandh mein bahut kuchh jaan liya hai. ye vaigyaanik praacheen kaal ki daladal aur nameedaar deevaaron ki ret ke kaaran dafan hue shavon ki khudaai karte hain aur gahari khudaai karne par unhein haddiyon aur hathiyaaron ki ek aur parat milti hai, jo aur bhi praacheen manushyon ka parichay deti hai. in paraton mein unhein un pashuon ke avashesh (asthiyaan) bhi milte hain jinka ab in pruthvi par koi naamon-nishaan naheen bach raha hai. in avasheshon aur manushyon ne gufaaon ki deevaaron par jo chitr banaae the unke sahaare adhyavasaayi vaigyaanik us yug ke manushya ki kahaani ko kan-kan karke jodte hain aur prakaash mein laate hain.

aadim maanav ne shila par apni kala ke kai nishaan chhode hain jo ki kachche koyale se kheenchi gayi aakrutiyon athva hemetaait naamak patthaऱ se taiyaar kiye gaye athva paudhon se nikaale gaye rang se banaae gaye chitron athva patthar par utkeern nakkaashi ke rup mein maujood hain. kachche koyale athva rangon se banaae gaye chitr (chitralekh) piktograaf kahalaate hain jabki apagharshit chitr (praacheen manushya in arthon mein kushaagr buddhi tha ki vah aakrutiyon ki bahi:rekhaaen kheenchata tha aur doosare patthar se chitraankan kiye hue hisse se mita deta tha, jisse ki vah chitraankanon ke liye prushthabhoomi ke rup mein prayukt patthar par aakrutiyaan ubhaar sakein) (sheelotkeernan) paitroglif kahalaate hain.