shabdaansh sthaanaantaran

bhaashaavijnyaaan mein shabdaansh sthaanaantaran (angreji: metathesis metaatheesis) us prakriya ko kehte hain jisse kisi bhi shabd ke shabdaansh ya varn apna shabd mein sthaan badal lete hain. aksar jab shabd ek bhaasha se doosari bhaasha mein jaate hain to shabdaansh sthaanaantaran dekha jaata hai. udaaharan ke liye sanskrut ka shabd 'laghuk' shabdaansh sthaanaantaran ke jriye pehle to praakrut mein 'lahuk' aur fir hindi mein 'haluk' se dheere-dheere 'halka' ban gaya - yaani 'l' aur 'h' ne apne sthaan ek-doosare ke saath badal liye.

anukram

udahaaran

hindi

kain hindeebhaashiyon mein shabdaansh sthaanaantaran ke kaaran bolachaal mein uchchaaran ki glatiyaaain dekhanein ko milteen hain. inmein se bahut si glatiyaaain dehaati kshetron mein zyaada nazar aati hain, lekin kuchh to aam ho gain hain -

  • bandook → dambook
  • braahman → braamhan
  • jihva → jeehb → jeebh

Kashmiri, dogari aur punjabi

Kashmiri, dogari aur punjabi mein sthaanaantaran aksar 'r' ke varn ke ird-gird hota hai -

  • shri → shir (is vajah se 'shreenagar/sreenagar' ko bahut se Kashmiri log 'shirnagar/sirnagar' kehte hain aur punjabi log 'shri guru naanak' ka uchchaaran 'shir guru naanak' karte hain)
  • darakht → drakht
  • sartifiket (certificate) → sarfeetiket (cerfiticate)
  • barf → braf

angreji

angreji maatrubhaashiyon mein bhi sthaanaantaran ki glatiyaaain aam hain -

  • nyookliar (nuclear) → nyukular (nucular)
  • priti (pretty) → parati (purty)
  • introdyoos (introduce) → intaradyoos (interduce)
  • aaeran (iron) → aayarn (iern)

inhein bhi dekhein

  • shabdaansh