seeta


seeta raamaayan aur raamakatha par aadhaarit anya raamaayan granth, jaise raamacharitmaanas, ki mukhya paatr hai. seeta [ mithila ke nepaali raaja janak ki jyeshth putri thi. inka vivaah ayodhya ke raaja dasharath ke jyeshth putr Ram se svayanvar mein shivdhanush ko bhang karne ke uparaant hua tha. inki stri va pativrata dharm ke kaaran inka naam aadar se liya jaata hai| tretaayug mein inhe saubhaagya ki devi lakshmi ka avataar maanate hai.

anukram

janm va naam

raamaayan ke anusaar mithila ke raaja janak ka kheton mein hal jotate samay ek peti se ataka. inhein us janakapurake peti mein paaya tha. hal ko nepaali aur maithili bhaashaame 'seet' kehne ke kaaran inka naam seeta pada. raaja janak aur raani sunayana ne inka paravarish kiya.

raaja janak ki putri hone ke kaaran inhe jaanki, janakaatmaja athva janakasuta bhi kehte the. mithila ki Rajkumari hone ke kaaran yein maithili naam se bhi prasiddh hai. bhoomi me paaye jaane ke kaaran inhe bhoomiputri ya bhoosuta bhi kaha jaata hai.

vivaah

rishi vishvaamitr ka yagya Ram va Lakshman ki raksha me safalataapoorvak sampann hua. iske uparaant mahaaraaj janak ne seeta svayanvar ki ghoshana kiya aur rishi vishvaamitr ki upasthiti hetu nimantran bheja. aashram mein Ram va Lakshman upasthit ke kaaran ve unhein bhi mithiplapuri saath le gaye. mahaaraaj janak ne upasthit rishimuniyon ke aashirvaad se svayanvar ke liye shivdhanush uthaane ke niyam ki ghoshana ki. sabha mein upasthit koi Rajkumar, raaja va mahaaraaja dhanush uthaanemein vifal rahe. shreeraamaji ne dhanush ko uthaaya aur usaka bhang kiya. is tarah seeta ka vivaah shreeraamaji se nishchaya hua.

isi ke saath oormila ka vivaah Lakshman se, maandavi ka bharat se tatha shrutikeerti ka shatrughn se nishchaya hua. kanyaadaan ke samay raaja janak ne shreeraamaji se kaha "he kaushalyaanandan Ram! ye meri putri seeta hai. iska paaneegrahan kar apni ke patni ke roop me sveekar karo. yeh sada tumhaare saath rahegi." is tarah seeta va raamaji ka vivaah atyant vaibhavapoorn sampann hua. vivaahoparaant seeta ayodhya I aur unka daanpatya jeevan sukhamaya tha.

vanavaas

raaja dasharath apni patni kaikeyi ko diye vachan ke kaaran shreeraamaji ko chaudah varsh ka vanavaas hua. shreeraamaji va anya badon ki salaah na maankar apne pati se kaha "mere pita ke vachan ke anusaar mujhe aap ke saath hi rahana hoga. mujhe aap ke saath vanagaman is raajamahal ke sabhi sukhon se adhik priya hain." is prakaar Ram va Lakshman ke saath vanavaas chali gayi.

ve chitrakoot parvat sthit mandaakini tat par apna vanavaas kiya. isi samay bharat apne bade bhaai shreeraamaji ko manaakar ayodhya le jaane aaye. antame ve shreeraamaji ki paaduka lekar laut gaye. iske baad ve sabhi rishi atri ke aashram gaye. seeta ne devi anasooya ki pooja ki. devi anasooya ne seeta ko pativrata dharm ka vistaarapoorvak upadesh ke saath chandan, vastr, aabhooshanaadi pradaan kiya. iske baad kai rishi va muni ke aashram gaye, darshan va aashirvaad paakar ve pavitra nadi godaavari tat par panchavati me vaas kiya.

apaharan

Rawana approaches Sita in the garb of mendicant

panchavati me Lakshman se apamaanit shoorpanakha ne apne bhaai raavan se apni vyatha sunaai aur uske kaan bharate kaha "seeta atyant sundar hai aur vah tumhaari patni banane ke sarvatha yogya hai." raavan ne apne maama maareech ke saath milkar seeta apaharan ki yojana rachi. iske anusaar maareech sone ke hiran ka roop dhar Ram va Lakshman ko van me le jaayega aur unki anupasthiti me raavan seeta ka apaharan karega. apaharan ke baad aakaash maarg se jaate samay paksheeraaj jataayu ke rokane par raavan ne uske pankh kaat diye.

jab koi sahaayata naheen mili to seetaaji ne apne palloo se ek bhaag nikaalkar usamein apne aabhooshanon ko baandhakar neeche daal diya. neeche vaname kuchh vaanaron ne ise apne saath le gaye.

raavan ne seeta ko lankaanagari ke ashokavaatika mein rakha aur trijta ke netrutv me kuchh raakshasiyon ko usaki dekh-rekh ka bhaar diya.

hanumaanaji ki bheint

Hanuman Encounters Sita in Ashokavana

seetaaji se bichhdakar raamaji du:khi hue aur Lakshman sahit unki van-van khoj karte jataayu tak pahunche. jataayu unhein seetaaji ko raavan dakshin disha ki or liye jaane ki soochana dekar praan tyaag diya. Ram ne jataayu ki antim sanskaar kar Lakshman sahit dakshin disha mein chale. aage chalte ve donon hanumaanaji se mile jo unhein rishyamukh parvat par sthit apne raaja sugreev se milaaya. raamaji sang maitri ke baad sugreev ne seetaaji ke khojamein chaaron or vaanarasena ki tukadiyaaain bheji. vaanar Rajkumar angad ki netrutv me dakshin ki or gayi tukadi me hanumaan, neel, jaanbavant pramukh the aur ve dakshin sthit saagar tat pahunche. tatapar unhein jataayu ka bhaai sanpaati mila jo unhe soochana di ki seeta lanka sthit ek vaatika me hai.

hanumaanaji samudra laaainghakar lanka pahuainche, lankini ko paraast kar nagar mein pravesh kiya. vahaaain sabhi bhavan aur ant:pur mein seeta maata ko na paakar ve atyant du:khi hue. apne prabhu shreeraamaji ko smaran va naman kar ashokavaatika pahunche. vahaaain 'dhueain ke beech chingaari' ki tarah raakshasiyon ke beech ek tejasvini svaroopa ko dekh seetaaji ko pahachaana aur harshit hue.

usi samay raavan vahaaain pahuaincha aur seeta se vivaah ka prastaav kiya. seeta ne ghaas ke ek tukade ko apne aur raavan ke beech rakha aur kaha "he raavan! sooraj aur kiran ki tarah Ram-seeta abhinn hai. Ram va Lakshman ki anupasthiti me mera apaharan kar tumane apni kaayarata ka parichay aur rakshasajaati ki vinaash ko aamantran diya hai. raghuvansheeyon ki veerata se aparachit hokar tumane aisa dussaahas kiya hai. tumhaare shreeraamaji ki sharan me jaana is vinaash se bachane ka ek maatr upaaya hai. anyatha lanka vinaash nishchit hai." isse niraash raavan ne Ram ko lanka aakar seeta ko mukt karne ko do maah ki avadhi di. iske uparaant raavan va seeta ka vivaah nishchiya hai. raavan ke lautane par seetaaji bahut du:khi hui. trijta apne sapane ke baare me bataate dheeraj diya ki shreeraamaji raavan par vijay paakar unhein avashya mukt kareinge.

uske jaane ke baad hanumaan seetaaji ke darshan kar apne lanka aane ka kaaran bataate hai. seetaaji Ram va Lakshman ki kushalata par vichaaran karti hai. shreeraamaji ki mudrika dekar hanumaan kehte hai ki ve maata seeta ko apne saath shreeraamaji ke paas liye chalte hai. seetaaji hanumaan ko samajhaati hai ki yeh anuchit hai. raavan ne unka haran kar raghukul ka apamaan kiya hai. at: lanka se unhein mukt karna shreeraamaji ka kartavya hai. visheshat: raavan ke do maah ki avadhi ka shreeraamaji ko smaran karaane ki vinti karti hain.

hanumaanaji ne raavan ko apni dussaahas ke parinaam ki chetaavani di aur lanka jalaaya. maata seeta se choodaamani va apni yaatra ki anumati liye chale. saagaratat sthit angad va vaanarasena liye shreeraamaji ke paas pahuainche. maata seeta ki choodaamani diya aur apni lanka yaatra ki saari kahaani sunai. iske baad Ram va Lakshman sahit saari vaanarasena yuddh ke liye taiyaar hua.