saur ghadi

kshaitij saur ghadi minesota mein. 17 June 12:21 baje, 44°aa51′aa39.3″aau, 93°aa36′aa58.4″aap.

saur ghadi (angreji:san daayal) ka prayog soorya ki disha se samay ka gyaan karne ke liye kiya jaata tha. in ghadiyon ki kaaryashaili aur kshamata din ke samay tak seemit hoti thi kyonki yeh raat ke samay kaam naheen kar paati theen. iske fir bhi vishv mein samay jaanane hetu sabse pehle inka prayog kiya gaya tha. inheen ghadiyon ko aadhaar banaakar samay bataane waali anya ghadiyon ka aavishkaar hua tha.[1] Bhaarat mein praacheen vaidik kaal se saur ghadiyon ka prayog hota raha hai. soorya siddhaant mein saur ghadi dvaara samay maapan ke shuddh tareeke adhyaaya 3 aur 13 mein varnit hain.

anukram

itihaas

aaranbhik saur ghadiyaan subah aur dopahar mein hi kaam karti theen. in ghadiyon ki nirmaan vidhi mein ek bade stambh ko ek sire se baandhakar jameen mein gaad diya jaata tha aur soorya ke ghoomane ke saath-saath jameen par padi stambh ki chhaaya se samay ka anumaan lagaaya jaata tha. madhyaanh ke samay stambh ki chhaaya sabse chhoti hoti thi jisse pata chalta tha ki soorya theek aakaash ke beech mein sthit hai. pashchimi Asia aur misr ki sabhyataaon mein aisi ghadiyon ka bahut prayog kiya jaata tha.[1] iske baad aavishkaarakartaaon ne aur kai prakaar ki ghadiyon ka nirmaan kiya jisse din ke samay ko kai praharon mein baanta ja sakta tha, haalaanki, vah prahar aaj ke ghanton se kuchh lambe hote the. kai sabhyataaon mein rituon ke anusaar saur ghadiyaan samay bataane lagi aur kai sthaanon par to ve din aur raat ki baraabar lanbaaiyon jaise durlabh dinon ka bhi gyaan karaati theen.

kai sanskrutiyon mein maanaveeya saur ghadiyaan bhi bani jismein ek vyakti ek nishchit sthaan par khada hota tha aur apni parachhaain ke badalate aakaar se samay ka pata lagaata tha. saur ghadiyon ke sahi kaam karne ke liye yeh aavashyak hota tha ki unhein sahi sthaanon par sthaapit kiya jaae. vishv ke alag-alag sthaanon par ek hi samay par soorya bhinn dishaaon mein hota tha, isliye soorya ki disha ke anusaar ghadiyon ko sthaapit karna hota tha.[1] iska ek tareeka yeh hai ki saur ghadi ko is tarah sthaapit kiya jaae ki soorya ke theek aakaash ke beech mein hone par parachhaai bilkul seedhi dikhe.

chitr deergha

sandarbh

  1. a aa i saur ghadi. Hindustan live. 28 March

baahari sootr