satyendranaath Bose

satyendr naath Bose

janm 01 January 1894
Calcutta, Bhaarat
aavaas Bhaarat
raashtreeyata bhaarateeya
kshetr bhautiki, baangla saahitya,
sansthaan presideinsi kaalej, Kolkata
shiksha Calcutta vishvavidyaalaya

satyendranaath Bose (1 January 1894 - 4 fravari 1974) bhaarateeya ganitjnya aur bhautik shaastri hain. bhautik shaastr mein do prakaar ke anu maane jaate hain - bosaan aur farmiyaan. iname se bosaan satyendr naath Bose ke naam par hi hain.

jeevani

satyendranaath Bose ka janm 1 January 1894 ko Kolkata mein hua tha. unki aaranbhik shiksha unke ghar ke paas hi sthit saadhaaran school mein hui thi. iske baad unhein new Indian school aur fir hindu school mein bharati karaaya gaya. schooli shiksha poori karke satyendranaath Bose ne Kolkata ke prasiddh preseedeinsi college mein pravesh liya. vah apni sabhi pareekshaaon mein sarvaadhik ank paate rahe aur unhein pratham sthaan milta raha. unki pratibha dekhkar kaha jaata tha ki vah ek din piyre Simon, leplaas aur aagasteen lui kaauthi jaise ganitjnya baneinge.

satyendranaath Bose ne san‌ 1915 mein ganit mein M.S.si. pareeksha pratham shreni mein sarvapratham aakar utteern ki. unki pratibha se prabhaavit hokar sar aashutosh mukharji ne unhein praadhyaapak ke pad par niyukt kar diya. un dinon bhautik vigyaan mein nai-nai khojein ho rahi theen. jarman bhautikshaastri maiks plaank ne kvaantam siddhaant ka pratipaadan kiya tha. usaka arth yeh tha ki oorja ko chhote-chhote hisson mein baaainta ja sakta hai. Germany mein hi albart aainsteen ne "saapekshata ka siddhaant" pratipaadit kiya tha. satyendranaath Bose in sabhi khojon ka adhyayan kar rahe the. Bose tatha aainsteen ne milkar Bose-aainsteen staitistiks ki khoj ki.

unhonne ek lekh likha- "plaanks law end laait kvaantam" ise Bhaarat mein kisi patrika ne naheen chhaapa to satyendranaath ne use seedhe aainsteen ko bhej diya. unhonne iska anuvaad jarman mein swayam kiya aur prakaashit kara diya. isse satyendranaath ko bahut prasiddhi mili. unhonne Europe yaatra ke dauraan aainsteen se mulaakaat bhi ki thi. san‌ 1926 mein satyendranaath Bose Bhaarat laute aur dhaaka vishvavidyaalaya mein 1950 tak kaam kiya. fir shaantiniketan mein vishv bhaarati vishvavidyaalaya ke kulapati bane. unka nidhan 4 fravari 1974 ko hua. apne vaigyaanik yogadaan ke liye vah sada yaad kiye jaaeainge.

sandarbh

baahari kadiyaaain