sarojini Naidu

sarojini Naidu
Sarojini Naidu in Bombay 1946.jpg
shreemati sarojini Naidu
janm sarojini chattopaadhyaaya
13 fravari 1879
Hyderabad, Andhra pradesh, Bhaarat
mrutyu March 2, 1949(1949-03-02) (umr 70)
Allahabad, uttar pradesh, Bhaarat
jeevanasaathi shri.muttayala govindaraajulu naayadu
bachche jayasoorya, padmaja, ranadheer aur leelaamani
mahaatma Gandhi ke saath sarojini Naidu

sarojini Naidu (13 February 1879 - 2 March 1949) ka janm Bhaarat ke Hyderabad nagar mein hua tha. inke pita aghoranaath chattopaadhyaaya ek naami vidvaan tatha maaain kavayitri theen aur baangla mein likhti theen. bachapan se hi kushaagr-buddhi hone ke kaaran unhonne 12 varsh ki alpaayu mein hi 12haveen ki pareeksha achhe ankon ke saath utteern ki aur 13 varsh ki aayu mein ledi of di lek naamak kavita rachi. ve 1895 mein uchch shiksha praapt karne ke liye England gain aur padhaai ke saath-saath kavitaaeain bhi likhti raheen. golden thraishold unka pehla kavita sangrah tha. unke doosare tatha teesare kavita sangrah bird of time tatha brokan ving ne unhein ek suprasiddh kavayitri bana diya.

1898 mein sarojini Naidu, dau॰ govindaraajuloo Naidu ki jeevan-sangini bani. 1914 mein England mein ve pehli baar gaaaindheeji se mileen aur unke vichaaron se prabhaavit hokar desh ke liye samarpit ho gayeen. ek kushal senaapati ki bhaaainti unhonne apni pratibha ka parichay har kshetr (satyaagrah ho ya sangathan ki baat) mein diya. unhonne anek raashtreeya aandolanon ka netrutv kiya aur jail bhi gayeen. sankaton se na ghabaraate hue ve ek dheer veeraangana ki bhaaainti gaaainv-gaaainv ghoomkar ye desh-prem ka alakh jagaati raheen aur deshvaasiyon ko unke kartavya ki yaad dilaati raheen. unke vaktavya janta ke hrudaya ko jhakajhor dete the aur desh ke liye apna sarvasv nyochhaavar karne ke liye prerit kar dete the. ve bahubhaashaavid thi aur kshetraanusaar apna bhaashan angreji, hindi, bangala ya gujaraati mein deti theen. London ki sabha mein angreji mein bolakar inhonne vahaaain upasthit sabhi shrotaaon ko mantramugdh kar diya tha.[1]

apni lokapriyta aur pratibha ke kaaran 1925 mein Kanpur mein hue Congress adhiveshan ki ve adhyaksha bani aur 1932 mein Bhaarat ki pratinidhi bankar dakshin Africa bhi gain. Bhaarat ki svatantrata-praapti ke baad ve uttarapradesh ki pehli raajyapaal bani. shreemati eni besent ki priya mitr aur gaaaindheeji ki is priya shishya ne apna saara jeevan desh ke liye arpan kar diya. 2 March 1949 ko unka dehaant hua. 13 February 1964 ko Bhaarat sarkaar ne unki jayanti ke avsar par unke sammaan mein 15 nae paise ka ek daakatikt bhi jaari kiya.

raajyapaal

svaadheenata ki praapti ke baad, desh ko us lakshya tak pahuainchaane vaale netaaon ke saamane ab doosra hi kaarya tha. aaj tak unhonne sangharsh kiya tha. kintu ab raashtra nirmaan ka uttaradaayitv unke kandhon par aa gaya. kuchh netaaon ko sarkaari tantr aur prashaasan mein naukri de di gayi thi. unamein sarojini Naidu bhi ek theen. unhein uttar pradesh ka raajyapaal niyukt kar diya gaya. vah vistaar aur janasankhya ki drushti se desh ka sabse bada praant tha. us pad ko sveekaar karte hue unhonne kaha, 'main apne ko 'kaid kar diye gaye jungle ke pakshi' ki tarah anubhav kar rahi hooain.' lekin vah pradhaanamantri Jawahar laal Nehru ki ichha ko taal na sakeen jinke prati unke man mein gahan prem va sneh tha. isliye vah Lucknow mein jaakar bas gain aur vahaaain saujanya aur gauravapoorn vyavahaar ke dvaara apne raajaneetik kartavyon ko nibhaaya.


sandarbh