sardaar sarovar pariyojana

सरदार सरोवर बांध

sardaar sarovar duniya ka doosra sabse bada baandh hai. yeh narmada nadi par bana 800 meter ooaincha hai. narmada nadi par banane vaale 30 baandhon mein sardaar sarovar aur maheshvar do sabse badi baandh pariyojanaaen hain aur inka lagaataar virodh hota raha hai. in pariyojanaaon ka uddeshya Gujarat ke sookhaagrast ilaakon mein paani pahunchaana aur madhya pradesh ke liye bijli paida karna hai lekin ye pariyojanaaen apni anumaanit laagat se kaafi oopar chali gayi hain.

narmada aandolan- kab kya hua?

July 1993 - tata samaaj vigyaan sansthaan ne saat varshon ke adhyayan ke baad narmada ghaati mein banane vaale sabse bade sardaar sarovar baandh ke visthaapiton ke baare mein apna shodhapatr prastut kiya. ismein kaha gaya ki punarvaas ek gambhir samasya rahi hai. is report mein ye sujhaav bhi diya gaya ki baandh nirmaan ka kaam rok diya jaae aur is par nae sire se vichaar kiya jaae.

August 1993- pariyojana ke aakalan ke liye Bhaarat sarkaar ne yojana aayog ke sinchaai maamalon ke salaahakaar ke netrutv mein ek paanch sadasyeeya samiti ka gathan kiya.

December 1993- keindreeya van aur paryaavaran mantraalaya ne kaha ki sardaar sarovar pariyojana ne paryaavaran sambandhi niyamon ka paalan naheen kiya hai.

January 1994- bhaari virodh ko dekhte hue pradhaanamantri ne pariyojana ka kaam rokane ki ghoshana ki.

March 1994- madhya pradesh ke mukhyamantri ne pradhaanamantri ko patra likhkar maamale mein hastakshep karne ka anurodh kiya. madhya pradesh ke mukhyamantri ne is patra mein kaha ki raajya sarkaar ke paas itni badi sankhya mein logon ke punarvaas ke saadhan naheen hain.

April 1994- vishv bank ne apni pariyojanaaon ki vaarshik report mein kaha ki sardaar sarovar pariyojana mein punarvaas ka kaam theek se naheen ho raha hai.

July 1994- kendra sarkaar ki paanch sadasyeeya samiti ne apni report saunpi lekin adaalat ke aadesh ke kaaran ise jaari naheen kiya ja saka. isi maheene mein kai punarvaas keindron mein pradooshit paani peene se das logon ki maut hui.

November-December 1994- baandh banaane ke kaam dobaara shuroo karne ke virodh mein narmada bachaao aandolan ne Bhopal mein dharana dena shuroo kiya.

December 1994- madhya pradesh sarkaar ne vidhaanasabha ke sadasyon ki ek samiti banaai jisne punarvaas ke kaam ka jaayaja lene ke baad kaha ki bhaari gadbadiyaan hui hain.

January 1995- sarvochch nyaayaalaya ne aadesh diya ki paanch sadasyon waali sarkaari samiti ki report ko jaari kiya jaae. saath hi, Supreme court ne baandh ki upayukt oonchaai tay karne ke liye adhyayan ke aadesh diye.

March 1995- vishv bank ne apni ek report mein sveekaar kiya ki sardaar sarovar pariyojana gambhir samasyaaon mein ghiri hai.

June 1995- Gujarat sarkaar ne ek narmada nadi par ek nai vishaal pariyojana-kalpasar shuroo karne ki ghoshana ki.

November 1995- Supreme court ne sardaar sarovar baandh ki oonchaai badhaane ki anumati di.

1996- uchit punarvaas aur jameen dene ki maang ko lekar medha paatakar ke netrutv mein alag-alag baandh sthalon par dharana aur pradarshan jaari raha.

April 1997- maheshvar ke visthaapiton ne mandaleshvar mein ek juloos nikaala jismein dhaai hajaar log shaamil hue. in logon ne sarkaar aur baandh banaane waali company S kumaars ki punarvaas yojanaaon par savaal uthaae.

October 1997- baandh banaane vaalon ne apna kaam tej kiya jabki virodh jaari raha.

January 1998- sarkaar ne maheshvar aur usase judi pariyojanaaon ki sameeksha ki ghoshana ki aur kaam roka gaya.

April 1998- dobaara baandh ka kaam shuroo hua, sthaaneeya logon ne nishedhaagya ko todkar baandhasthal par pradarshan kiya, police ne laathiyaan chalaain aur aansoo gas ke gole chhode.

May-July 1998- logon ne jagah-jagah par naakaabandi karke nirmaan saamagri ko baandhasthal tak pahunchane se roka.

November 1998- Baba aamate ke netrutv mein ek vishaal janasabha hui aur April 1999 tak ye silsila jaari raha.

December 1999- Delhi mein ek vishaal sabha hui jismein narmada ghaati ke hajaaron visthaapiton ne hissa liya.

March 2000- bahuraashtreeya oorja company ogaden enarji ne maheshvar baandh mein 49 pratishat hissedaari ke ek samjhaute par hastaakshar kiye.

baahari kadiyaaain