sarasvati devi

sarasvati
राजा रवि वर्मा द्वारा कल्पित चतुर्भुज देवी सरस्वती
raaja ravi varma dvaara kalpit chaturbhuj devi sarasvati
vidya, sangeet, kala ki devi
devanaagari sarasvati, shaarada, veenaavaadini, veenaapaani
sahabaddhata hindu devi
aavaas satyalok
mantra Om en sarasvatyai nam:
shastr veena, japamaala
patni brahma
vaahan hans, mor

sarasvati hindu dharm ki pramukh deviyon mein se ek hain. ve brahma ki maanasaputri hain jo vidya ki adhishthaatri devi maani gayi hain. inka naamaantar 'shataroopa' bhi hai. iske anya paryaaya hain, vaani, vaagdevi, bhaarati, shaarada, vaageshvari ityaadi. ye shuklavarn, shvet vastradhaarini, veenaavaadanatatpara tatha shvetapadmaasana kahi gayi hain. inki upaasana karne se moorkh bhi vidvaan ban sakta hai. maagh shukl panchami ko inki pooja ki paripaati chali aa rahi hai. devi Bhagwat ke anusaar ye brahma ki stri hain.

sarasvati maaain ke anya naamon mein shaarada, shataroopa, vaani, vaagdevi, vaageshvari, bhaarati aadi kai naamon se jaana jaata hai. [1]

anukram

parichay

sarasvati ko saahitya, sangeet, kala ki devi maana jaata hai. usamein vichaarana, bhaavana evam samvedna ka trividh samanvaya hai. veena sangeet ki, pustak vichaarana ki aur mayoor vaahan kala ki abhivyakti hai. lok charcha mein sarasvati ko shiksha ki devi maana gaya hai. shiksha sansthaaon mein vasant panchami ko sarasvati ka janm din samaaroh poorvak manaaya jaata hai. pashu ko manushya banaane ka - andhe ko netr milne ka shreya shiksha ko diya jaata hai. manan se manushya banta hai. manan buddhi ka vishay hai. bhautik pragati ka shreya buddhi-varchas ko diya jaana aur use sarasvati ka anugrah maana jaana uchit bhi hai. is upalabdhi ke bina manushya ko nar-vaanaron ki tarah vanamaanush jaisa jeevan bitaana padta hai. shiksha ki garima-bauddhik vikaas ki aavashyakta jan-jan ko samajhaane ke liye sarasvati pooja ki parampara hai. ise prakaaraantar se gaayatri mahaashakti ke antagart buddhi paksh ki aaraadhana kehna chaahiye.

poojakagan

baali dweep mein sarasvati ki pratima

kehte hain ki mahaakavi kaalidaas, varadaraajaachaarya, vopadev aadi mand buddhi ke log sarasvati upaasana ke sahaare uchch koti ke vidvaan bane the. iska saamaanya taatparya to itna hi hai ki ye log adhik manoyog evam utsaah ke saath adhyayan mein ruchipoovark sanlagn ho gaye aur anutsaah ki man:sthiti mein prasupt pade rahane waali mastishkeeya kshamata ko suviksit kar sakane mein safal hue honge. iska ek rahasya yeh bhi ho sakta hai ki kaaranavash durbalata ki sthiti mein rah rahe buddhi-sansthaan ko sajag-saksham banaane ke liye ve upaaya-upachaar kiye gaye jinhein 'sarasvati aaraadhana' kaha jaata hai. upaasana ki prakriya bhaav-vigyaan ka mahattvapoorn ang hai. shraddha aur tanmayata ke samanvaya se ki jaane waali saadhana-prakriya ek vishisht shakti hai. man:shaastr ke rahasyon ko jaanane vaale sveekaar karte hain ki vyaayaam, adhyayan, kala, abhyaas ki tarah saadhana bhi ek samarth prakriya hai, jo chetna kshetr ki anekaanek rahasyamayi kshamataaon ko ubhaarane tatha badhaane mein poonartaya samarth hai. sarasvati upaasana ke sambandh mein bhi yahi baat hai. use shaastreeya vidhi se kiya jaaya to vah anya maanasik upachaaron ki tulana mein bauddhik kshamata viksit karne mein kam naheen, adhik hi safal hoti hai.

fal

mandabuddhi logon ke liye gaayatri mahaashakti ka sarasvati tattv adhik hitkar sidgh hota hai. bauddhik kshamata viksit karne, chitt ki chanchalata evam asvasthata door karne ke liye sarasvati saadhana ki vishesh upayogita hai. mastishk-tantr se sambandhit anidra, sir dard, tanaav, jukaam jaise rogon mein gaayatri ke is ansh-sarasvati saadhana ka laabh milta hai. kalpana shakti ki kami, samay par uchit ninrya na kar sakana, vismruti, pramaad, deegharsootrata, aruchi jaise kaaranon se bhi manushya maanasik drushti se apang, asamarth jaisa bana rahata hai aur moorkh kahalaata hai. us abhaav ko door karne ke liye sarasvati saadhana ek upayogi aadhyaatmik upachaar hai.

shiksha

shiksha ke prati jan-jan ke man-man mein adhik utsaah bharne-laukik adhyayan aur aatmik svaadhyaaya ki upayogita adhik gambheerata poovark samajhne ke liye bhi sarasvati poojan ki parampara hai. buddhimtta ko bahumoolya sampada samjha jaaya aur uske liye dhan kamaane, bal badhaane, saadhan jutaane, mod manaane se bhi adhik dhyaan diya jaaya. is lokopayogi prerana ko gaayatri mahaashakti ke antargat ek mahattvapoorn dhaara sarasvati ki maani gayi hai aur usase laabhaanvit hone ke liye protsaahit kiya gaya hai. sarasvati ke svaroop evam aasan aadi ka sankshipt taattvik vivechan is tarah hai-

svaroop

sarasvati ke ek mukh, chaar haath hain. muskaan se ullaas, do haathon mein veena-bhaav sanchaar evam kalaatmakata ki prateek hai. pustak se gyaan aur maala se ishanishtha-saattvikta ka bodh hota hai. vaahan mayoor-saundarya evam madhur svar ka prateek hai. inka vaahan hans maana jaata hai aur inke haathon mein veena, ved aur maala hoti hai. Bhaarat mein koi bhi shaikshanik kaarya ke pehle inki pooja ki jaati hain.

sarasvati vandana

sarasvati, vitrk mudra mein

ya kundendutushaarahaaradhavala ya shubhravastraavruta
ya veenaavaradandamanditkara ya shvetapadmaasana.
ya brahmaachyut shankaraprabhrutibhirdevai: sada vandita
sa maan paatu sarasvati bhagavati ni:sheshajaadyaapaha .1.

shuklaan brahmavichaar saar paramaamaadyaan jagadvyaapineen
veena-pustak-dhaarineemabhayadaan jaadyaandhakaaraapahaam‌.
haste sfatikmaalikaan viddhateen padmaasane sansthitaam‌
vande taan parameshvareen bhagavateen buddhipradaan shaaradaam‌.2.

jo vidya ki devi bhagavati sarasvati kund ke fool, chandrama, himraashi aur moti ke haar ki tarah dhaval varn ki hain aur jo shvet vastr dhaaran karti hain, jinke haath mein veena-dand shobhaayamaan hai, jinhonne shvet kamalon par aasan grahan kiya hai tatha brahma, vishnu evam shankar aadi devataaon dvaara jo sada poojit hain, vahi sampoorn jadta aur ajnyaaan ko door kar dene waali maaain sarasvati hamaari raksha karein.1.

shuklavarn waali, sampoorn charaachar jagat‌ mein vyaapt, aadishkti, parabrahm ke vishay mein kiye gaye vichaar evam chintan ke saar roop param utkarsh ko dhaaran karne waali, sabhi bhayon se bhayadaan dene waali, ajnyaaan ke aaindhere ko mitaane waali, haathon mein veena, pustak aur sfatik ki maala dhaaran karne waali aur padmaasan par viraajamaan‌ buddhi pradaan karne waali, sarvochch aishvarya se alankrut, bhagavati shaarada (sarasvati devi) ki main vandana karta hooain.2.

anya deshon mein sarasvati

Japan mein sarasvati ko 'beinjaaiten' kehte hain. Japan mein unka chitran haath mein ek sangeet vaadya liye hue kiya jaata hai. Japan mein ve gyaan, sangeet tatha 'pravaahit hone waali' vastuon ki devi ke roop mein poojit hain.

dakshin Asia ke alaava thaailaind, indoneshiya, Japan evam anya deshon mein bhi sarasvati ki pooja hoti hai.

anya bhaashaao/deshon mein sarasvati ke naam-
  • barma - thuyathadi (သaaူaaရaaဿaaတaaီa=soorassati, uchchaaran: [θaaùaaja̰aaðaaəaadì] ya [θaaùaaɹaaa̰aaðaaəaadì])
  • barma - tipitk meda Tipitaka Medaw (တaaိaaပaaိaaဋaaကaaမaaယaa်aaတaaေaaာaa်, uchchaaran: [tḭaapḭaatəaaka̰ mɛaàaadɔaà])
  • cheen - biyaanachaaityaan Biàancáaitiāan (辯aa才aa天)
  • Japan - beinjaaiten Benzaiten (弁aa才aa天/弁aa財aa天)
  • thaailaind - surasavadi Surasawadee (สaaุaaรaaัaaสaaวaaดaaี)

sandarbh

yeh bhi dekhein

baahari kadiyaaain