saraguja jila

saraguja
jila
mahaamaaya mandir, ambikaapur
samay mandal: IST (UTC+5:30)
desh Flag of India.svg Bhaarat
raajya Chhattisgarh
jila saraguja
jilaadheesh
nagar paalika adhyaksh
janasankhya
ghanatv
19,72,094 (2001 tak )
kshetrafal
ooainchaai (AMSL)
16,359 ki.mee²
• 609 meter (1,998 fee॰)
aadhikaarik jaalasthal: http://www.surguja.gov.in

Erioll world.svgnirdeshaank: 23°a22′aN 84°a00′aE / 23.37°aN 84.0°aE / 23.37; 84.0


saraguja bhaarateeya raajya Chhattisgarh ka ek jila hai. jile ka mukhyaalaya ambikaapur hai. Bhaarat desh ke chhatteesagadh raajya ke uttar-purv bhaag mein aadivaasi bahul jila saraguja sthit hai. is jile ke uttar mein uttarapradesh raajya ki seema hai, jabaki poorv mein Jharkhand raajya hai. jile ke dakshini kshetr mein chhatteesagadh ka raayagadh, koraba evam jashapur jila hai, jabaki iske pashchim mein Korea jila hai.

anukram

sthiti

is jile ka akshaanshiya vistaar 230 37' 25" se 240 6' 17" uttari akshaansh aur deshaantariya vistaar 810 37' 25" se 840 4' 40" poorv deshaantar tak hai. yeh jila bhautik sanrachana ke rup se vindhyaachal-baghelakhand aur chhota Nagpur ka abhinn ang hai. is jile ki samudra satah se unchaai lagbhag 609 meter hai.

saraguja ka maanachitr

sthaapana

chitr:Surguja throne.jpg
saraguja riyaasat ka sinhaasan

is jile ki sthaapana 1 January 1948 ko hua tha jo 1 November 1956 ko Madhya Pradesh raajya ke nirmaan ke tahat Madhya Pradesh mein shaamil kar diya gaya. uske baad 25 May 1998 ko is jile ka pratham prashaasanik vibhaajan karke Korea jila banaaya gaya. jiske baad vartamaan saraguja jila ka kshetrafal 16359 varg kilometer hai. 1 November 2000 jab chhatteesagadh raajya Madhya Pradesh se alag hua tab saraguja jile ko chhatteesagadh raajya me shaamil kar diya gaya. vartamaan me saraguja jila pun: do aur bhaago me vibhkt ho gaya hai jisme naye jile ke rup me jila surajapur aur jila balaraamapur ka nirmaan hua hai.

naamakaran

saraguja ke itihaas se hame yeh pata chalta hai ki saraguja kain naamon se jaana jaata raha hai ek or jahaan raamaayan yug mein ise dandakaaranya kehte the vaheen dusari or dashaveen shataabdi mein ise daandor ke naam se jaana jaata tha. yeh kehna kathin hai ki is anchal ka naam saraguja kab aur kyon pada. vaastav mein saraguja kisi ek sthaan vishesh ka naam naheen hai balki jile ke samooche bhoo-bhaag ko hi saraguja kaha jaata hai.

praachin maanyataao ke anusaar poorv kaal mein saraguja ko niche diye gaye naam se jaana jaata tha:

  • suraguja - sur + gaja - arthaat devataaon evam haathiyon waali dharati.
  • svargaja - svarg + ja - svarg ke samaan bhoo-pradesh
  • suragunja - sur + gunja - aadivaasiyon ke lokageeton ka madhur gunjan.

vartamaan mein is jile ko saraguja naam se hi jaana jaata hai. jiska angreji bhaasha mein uchchaaran aaj bhi SURGUJA hi ho raha hai.

jalavaayu

jalavaayu vah bhaugolik avastha hai jo samast sthaaniya dashaaon ko prabhaavit karti hai. saraguja jila Bhaarat ke madhya bhaag mein sthit hai jiske kaaran yahaan ki jalavaayu ushn-maanasuni hai. saraguja jile mein jalavaayu mukhyat: teen ritu avasthaaon ka hota hai jo nimnaankit hai.

greeshm ritu

yeh ritu March se jun maah tak hoti hai chunki kark rekha jila ke madhya mein prataapapur se hokar gujarati hai is liye garmeeyon mein surya ki kirnein yahaan seedhe padti hai is liye yahaan ka taapamaan garmeeyon mein uchch rahata hai. is ritu mein jile ke pathaari ilaakon mein garmeeyaan sheetal evam suhaavani hoti hai. is dauraan saraguja jile ke mainapaat jise chhtteeshagadh ke Shimla ke naam se bhi jaana jaata hai, ka taapamaan apekshaakrut kam hota hai jisse vahaan ka mausam bhi suhaavana hota hai

varshaaritu

yeh ritu July se aktubar tak hoti hai jile mein July va August mein sarvaadhik varsha hoti hai. jile ke daksheeni kshetr mein varsha sarvaadhik hoti hai. yahaan ki varsha maanasuni pravruti ki hoti hai

sheetaritu

is ritu ki shuruvaat November mein hoti hai aur February maah tak rahati hai January yahaan ka sabse thand ka mahina hota hai jile ke pahaadi ilaakon jaise mainapaat, saamareepaat mein taapamaan 5 0 se kam chala jata hai. kabhi kabhi in ilaakon mein paala bhi padata hai.

jila prashaasan

saraguja jile mein:

  • 19 tahaseel hain
  • 7 block
  • 296 patavaari halaka
  • 977 gram panchaayat
  • 1772 raajasv gram
  • 27 police reserve center
  • 27 raajasv circle
  • 3 police jila
  • 7 vikaasakhand
  • 8 vidhaanasabha kshetr
  • 2 abhyaaranya

darshaneeya sthal

yahaan anek jal prapaat hain:-

chendra gram

ambikaapur- raayagadh raajamaarg par 15 kimi ki duri par chendra gram sthit hain. is gram se uttar disha mein teen ki॰mee॰ ki duri par yeh jal prapaat sthit hain. is jalaprapaat ke paas hi van vibhaag ka ek nursery hain, jahaan vibhinn prakaar ke ped-paudhon ko ropit kiya gaya hain. is jal prapaat mein varsh bhar paryatak praakrutik saundarya ka aanand lene jaate hain. yahaan par ek titli park bhi viksit kiya ja raha hai.

rakasaganda jal prapaat

odagi vikaasakhand mein bihaarapur ke nikat balangi naamak sthaan ke sameep sthit reinhad nadi parvat shrrukhala ki unchaai se girkar rakasaganda jal prapaat ka nirmaan karti hai jisse vahaan ek sankare kund ka nirmaan hota hain yeh kund atyant gahra hai.

bhediya patthar jal prapaat

kusami chaando maarg par tees kimi ki duri par idari gram hai. idari gram se teen kimi jungle ke beech bhediya patthar naamak jalaprapaat hai.

benaganga jal prapaat

kusami- saamari maarg par saamareepaat ke jameera gram ke poorv -dakshin kon par parvateeya shrrunkhala ke beech benaganga nadi ka udagam sthaan hai. yaha saal vruksho ke samooh me ek shivling bhi sthaapit hai.

sedam jal prapaat

ambikaapur- raayagadh maarg par ambikaapur se 45 ki.mi ki doori par sedam naam ka gaanv hai. iske dakshin disha mein do ki॰ami॰ ki doori par pahaadiyon ke beech ek sundar jharana pravaahit hota hai.

kai anya rochak sthal bhi hain
-

mainapaat

mainapaat ambikaapur se 75 kilometer duri par hai ise chhatteesagadh ka Shimla kaha jaata hai. mainnapaat vindh parvat maala par sthit hai jiski samudra satah se oonchaai 3781 feet hai iski lambaai 28 kilometer aur chaudaai 10 se 13 kilometer h.

thinthini patthar

ambikaapur nagar se 12 kimi. ki duri par darima havaai adda hain. darima havaai adda ke paas bade - bade pattharo ka samuh hai. in pattharo ko kisi thos cheej se thokane par aavaaje aati hai.

Kailash gufa

ambikaapur nagar se poorv disha mein 60 kimi. par sthit saamarabaar naamak sthaan hai, jahaan par praakrutik van Sushma ke beech Kailash gufa sthit hai.

taataapaani

ambikaapur-raamaanujaganj maarg par ambikaapur se lagbhag 80 kimi. dur raajamaarg se do falaang pashchim disha me ek garm jal strot hai. is sthaan se aath se das garm jal ke kund hai.

saaraasaur

ambikaapur - banaaras road par 40 kimi. par bhainsaamuda sthaan hain. bhainsaamuda se bhaiyaathaan road par 15 kimi. ki doori par mahaan nadi ke tat par saaraasaur naamak sthaan hain.

baank jal kund

ambikaapur se bhaiyaathaan se assi ki.mi ki doori par odagi vikaasakhand hai, yahaan se 15 kimi. ki duri par pahaadiyon ki talahati mein baank gram basa hai. isi gram ke paas rihnd nadi van vibhaag ke vishraam gruh ke paas arddh chandraakaar bahti hui ek vishaal jal kund ka nirmaan karti hai. ise hi baank jal kund kaha jaata hai. yeh jal kund atyant gahra hai, jismein machhaliyaan pai jaati hai. yahaan varsh bhar paryatak machhaliyon ka shikaar karne evam ghumanein aate hain.

puraataatvik sthal

raamagadh

yeh saraguja ke etihaasik sthalo mein sabse praachin hai. yeh ambikaapur- bilaasapur maarg mein sthit hai. ise raamagiri bhi kaha jaata hai.

lakshmanagadh

ambikaapur se 40 kimi. ki doori par lakshmanagadh sthit hai. yeh sthaan ambikaapur - bilaasapur maarg par maheshapur se 03 kimi. ki doori par hai.

kandari praacheen mandir

ambikaapur- kusami- saamari maarg par 140 kimi. ki doori par kandari gram sthit hai. yahaan puraataatvik mahatva ka ek vishaal praacheen mandir hai. anek parvo par yahaan mele ka aayojan hota rahata hai.

arjunagadh

arjunnagadh sthaan shankaragadh vikaasakhand ke jokaapaat ke beehad jungle mein sthit hai. yahaan praacheen keele ka bhagnaavesh dikhaai padta hai. ek sthaan par praacheen lambi into ka gheraav hai.

seeta lekhani

surajapur tahaseel ke gram mahuli ke paas ek pahaadi par shail chitron ke saath hi saath aspasht shankh lipi ki bhi jaankaari mili hai. graameen janta is praacheenatam lipi ko "seeta lekhani" kehti hai.

dipaadeeh

dipaadeeh kanahar, soorya tatha galafula nadiyon ke sangam ke kinaare basa hua hai. yeh chaaron or pahaadiyon se ghira manoram sthaan hai. yahaan chaar paanch kilometer ke kshetrafal mein kai mandiron ke tile hai.

maheshapur

maheshpur, Udaipur se uttari disha mein 08 kimi. ki doori par sthit hai. Udaipur se kedama maarg par jaana padta hai. iske darshaneeya sthal praacheen Shiv mandir (dasveen shataabdi), chherika deur ke vishnu mandir (10veen shataabdi), teerthakar vrushabh naath prateema (8veen shataabdi), sinhaasan par viraajaman tapasvi, Bhagwan vishnu-lakshmi moorti, narasinh avataar, hirnyakashyap ko cheerana, mund teela (prahalaad ko god me liye), skandhamaata, ganga-jamuna ki moortiya, darpan dekhti naayika aur 18 vaakyo ka shilaalekh hain.

satamahala

ambikaapur ke dakshin mein lakhanapur se lagbhag das ki॰mee॰ ki doori par kalacha gram sthit hai, yaheen par satamahala naamak sthaan hai. yahaan saat sthaanon par bhagnaavashesh hai.

dhaarmik sthal

mahaamaaya mandir

saraguja jile ke mukhyaalaya ambikaapur ke poorvi pahaadi par praachin mahaamaaya devi ka mandir sthit hai. inhi mahaamaaya ya ambika devi ke naam par jila mukhyaalaya ka naamakaran ambikaapur hua. ek maanyata ke anusaar ambikaapur sthit mahaamaaya mandir mein mahaamaaya devi ka dhad sthit hai. mahaamaya mandir sa‍aaguja ka sabse prasiddh mandir hai.

takiya, saraguja

ambikaapur nagar ke utar-poorv chhor par takiya gram sthit hai isi gram mein Baba muraad shaah, Baba muhammad shaah aur unhi ke pair ki or ek chhoti majaar unke tote ki hai. har varsh May-June maheene me yahaan urs ka aayojan hota hai, jisme desh bhar ke jaanemaane kavvaal bulaaye jaate hain. yahaan par sabhi dharm ke evam sampradaaya ke log ek jut hote hain majaar par chaadar chadhaate hain.

kudaragadh

kudaragadh saraguja jile ke bhaiyaathaan ke nikat ek pahaadi ke shikhar par sthit hai. yahaan par bhagavati devi ka ek prasiddh mandir hai, is mandir ke nikat taalaabon aur ek kile ka khandahar hai

paaradeshvar Shiv mandir, saraguja

paaradeshvar Shiv mandir prataapapur vikaas khand se dedh kimi. dakshin ki or banakheta mein mission school ke nikat nadi kinaare sthaapit hai. is Shiv mandir mein lagbhag 21 kilo shuddh paare ki ek maatr anokhi "paarad shivling" sthaapit hai.

shivpur, saraguja

ambikaapur se prataapapur ki doori 45 kimi. hai. prataapapur se 04 kimi. doori par shivpur gram ke paas ek pahaadi ki talahati mein atyant manoram praakrutik vaataavaran mein ek praacheen Shiv mandir hai.

bildvaar gufa, saraguja

yeh gufa shivpur ke nikat ambikaapur se 30 min ki doori par hai| ismein anek praacheen moortiyaan hain| ismein mahaan naamak ek nadi ka paani niklata rahata hai, vaheen is nadi ka udgam bhi hai| is gufa ka doosra chhor mahaamaaya mandir ke nikat niklata hai|

devagadh, saraguja

ambikaapur se lakhannapur 28 kimi. ki doori par hai evam lakhannapur se 10 kimi. ki doori par devagadh sthit hai. devagadh praacheen kaal mein rishi yamadagni ki saadhana sthali rahi hai.

abhayaaranya

semarasot abhayaaranya

1978 mein sthaapit semarasot abhyaaranya saraguja jilein ke poorvi vanamandal mein sthit hai. iska kshetrafal 430.361 varg ki. mi. hai. jila mukhyaalaya ambikaapur se 58 ki॰ami॰ ki doori par yeh balaraamapur, raajapur, prataapapur vikaas khandon mein vistrut hai. abhyaaranya mein seindur, semarasot, chetna, tatha saasoo nadiyon ka jal pravaahit hota hai. abhyaaranya ke adhikaansh kshetr mein semar sot nadi bahti hai is liye iska naam semarasot pada. iska vistaar poorv se pashchim 115 ki॰ami॰ aur uttar se dakshin mein 20 ki॰ami॰ hai. yahaan par sher, tenduaa, saanbhar, cheetal, neelagaaya, vaarkigdiyr, chausinha, chinkara, kotari jangali kutta, jangali suar, bhaaloo, mor, bandar, bhediyaan aadi paaye jaate hain.

tamor pingala abhayaaranya

1978 mein sthaapit ambikaapur-Varanasi raajamaarg ke 72 ki. mi. par tamor pingala abhyaaranya hai jahaan par daandakaravaan bas staap hai. 22 ki॰ami॰ pashchim mein ramakola abhyaaranya parikshetr ka mukhyaalaya hai. yeh abhyaaranya 608.52 varg ki॰ami॰ kshetrafal par banaaya gaya hai jo vaadrafanagar kshetr uttari saraguja vanamandal mein sthit hai. iski sthaapana 1978 mein ki gayi. ismein mukhyat: sher tenduaa, saanbhar, cheetal, neelagaaya, varkidiyr, chinkaara, gaur, jangali suar, bhaaloo, sonakutta, bandar, kharagosh, ginlahari, siyaar, nevala, lomadi, teetar, bater, chamagaadad, aadi milte hain.

prasiddh vyakti

sva0 raajamohani devi (samaaj sudhaarak)

inka janm saraguja jilein ke prataapapur vikaasakhand ke shaaradaapur gram mein san 1914 ko hua tha. inka jeevan sangharshamaya tha. inka vaastavik naam rajaman baai tha. mahaatma Gandhi se prerit hokar inhonein saraguja jilein evam dusare raajyon jaise Bihar tatha uttarapradesh ke seemaavarti graamon mein samaaj sudhaar ke liye apna sandesh logo tak pahunchaaya. unka sandesh tha- " jeev hinsa mat karon, sharaab peena chhod do, maans bhakshan mat karon, sanmaarg par chalon, isi mein jeevan ka saar hai." inhein san 1986 mein indira Gandhi raashtreeya samaaj seva puruskaar tatha 1989 me raashtrapati dvaara "padm shri" puruskaar se sammaanit kiya gaya tha. 6 January 1994 ko raajamohani devi ne duniya ko alvida kaha.

shreemati sonaabaai rajavaar (siddhahasth shilpi)

saraguja jilein ke mukhyaalaya ambikaapur se lagbhag 28 kimi ki duri par ambikaapur-bilaasapur maarg par lakhanapur sthit hai. iske paas gram puhaputara mein antarraashtreeya khyaati praapt siddhahasth shilpi shreemati sonaabaai rajavaar ka nivaas hai. mitti shilp ke liye inhein raashtrapati puruskaar, ma0 pra0 shaasan ka tulasi sammaan evam shilp guru award se sammaanit kiya gaya hai. inke dvaara banaai gayi mitti ki anek kalaakrutiyon ka pradarshan desh evam videshon me aayojit kai pradarshaniyon mein kiya ja chuka hai.

shri Ram Kumar varma ji (suprasiddh saahityakaar vyangyakaar aur haasya kavi)

saraguja (surguja) jile ke anbikaapur (Ambikapur) naamak shahar ke nivaasi saahitya ratn shri Ram Kumar varma ji ne 19 April 1998 ko sarvottam rachana ke tahat dooradarshan Bhopal dvaara pratham puraskaar svaroop gold medal va pramaan patra, mahaamahim raashtrapati mahodaya shri ke aar Narayanan ji, mahaamahim raashtrapati mahodaya daaktar A pi J abdul kalaam ji, maananeeya pradhaanamantri mahodaya shri atal bihaari Vajpayee ji, maananeeya pradhaanamantri mahodaya shri Manmohan Singh ji sahit Bhaarat varsh ke chaaro dishaao ke mahaamahim raajyapaal mahodaya aur mukhyamantreeji se likhit me shubhakaamana aur prashansa patra praapt kar jile ka maan badhaaya hai. aapne saraguja ke saahitya ko vishv patal par ankit karne me mahattvapurn yogadaan diya hai. aapko desh videsh ki naami aur pratishthit sansthaao ne sammaanit karte hue vibhinn alankaran aur sammaanopaadhi se sammaanit kiya hai.

shri shravan sharma (chitrakaar)

saraguja jilein ke mukhyaalaya ambikaapur ke nivaasi chitrakaar shri shravan sharma ne apni manamohak chitrakaari se is jilein ko gauravaanvit kiya hain. inke dvaara saraguja jilein ke praakrutik saundarya, graameenon ka jeevan ityaadi vishyon par kai chitr banaaya gaya hai. ab tak inke dvaara hajaaron peintigs evam rekhaachitron ka srujan kiya ja chuka hai. "akaal aur roti" chitr ke liye inhein Bhaarat sarkaar se sammaanit bhi kiya ja chuka hai.

saraguja jilein ko gauravaanvit karne vaale aur bhi kai vyakti hain jinhonein apni pratibha se kuchh aisa kaarya kiya jisse is jile ka naam roshan hua.

kaise pahunchein

prakruti ne saraguja jilein ko vibhinn prakaar ke vanon, sarovaron, nadiyon, pahaad ityaadi se is prakaar paripoorn kiya hai ki aap is paavan dharati par jarur aana chaaheinge. isi dharati par jahaan ek or mahaakavi kaaleedaas nein apne suprasidh mahaakaavya 'meghadut' ki rachana ki thi, vaheen dusari or Bhagwan Ram, seeta maata aur bhaai Lakshman sahit yahaan vanavaas ke kuchh din kaate the. saraguja jila sadak evam rel maarg se seedhe juda hua hai.

sadak maarg

chhatteesagadh raajya mein :

  • Raipur se ambikaapur (jila mukhyaalaya) - 358 kimi
  • bilaasapur se ambikaapur- 230 kimi
  • raayagadh se ambikaapur- 210 kimi
  • Madhya Pradesh raajya mein: anupapur se ambikaapur - 205 kimi
  • uttarapradesh raajya mein: Varanasi se ambikaapur - 350 kimi
  • Jharkhand raajya mein: Ranchi se ambikaapur - 368 kimi
  • udeesa raajya mein: jhaarasuguda se ambikaapur- 415 kimi
rel maarg

saraguja jila mukhyaalaya ambikaapur 03 June 2006 se rel maarg se jud gaya hai. ambikaapur shahar ke mukhya maarg deveeganj road par sthit Gandhi chauk se relve station ki duri lagbhag 5 kimi hai. yahaan se tempo, taxi ityaadi se ambikaapur shahar aaya ja sakta hai. aap nimn treinn rut ka prayog ambikaapur aane ke liye kar sakte hai:

  • nai Delhi se anupapur >> anupapur se ambikaapur
  • Mumbai se bilaasapur >> bilaasapur se ambikaapur
  • chennai se bilaasapur >> bilaasapur se ambikaapur
  • Kolkata se raayagadh >> raayagadh se ambikaapur

bilaasapur se ambikaapur aane ke liye bas aur treinn dono ka prayog kiya ja sakta hai. bas ambikaapur tak seedhe aati hai jabaki treinn anupapur (Madhya Pradesh) hotein huye ambikaapur tak aati hai. raayagadh se ambikaapur aane ke liye bas ki suvidha hi upalabdh hai.

  • vaayu maarg:

ambikaapur seedhe aane ke liye vaayu maarg upalabdh naheen hai, aap Raipur tak desh ke nimn sthaanon se vaayu maarg se aa sakte hai, uske baad Raipur se ambikaapur aane ke liye bas ka prayog karna hoga:

  • nai Delhi se Raipur
  • Mumbai se Raipur
  • chennai se Raipur
  • Kolkata se Raipur
  • Nagpur se Raipur
  • Ranchi se Raipur

baahari kadiyaaain

da.sanjaya alang-Chhattisgarh ki riyaasatein aur jameendaariyaaain (vaibhav prakaashan, raayapura1, ISBN 81-89244-96-5) da.sanjaya alang-Chhattisgarh ki janajaatiyaaain/Tribes aur jaatiyaaain/Castes (maanasi pableekeshan, dillee6, ISBN 978-81-89559-32-8)