saptarshi taaraamandal

saptarshi mandal
aaindheri raat mein aakaash mein saptarshi taaraamandal ke saat taare
dhaarmik granthon mein pruthvi ke oopar ke sabhi lok

saptarshi taaraamandal pruthvi ke uttari golaardh (hemeesfeyar) ke aakaash mein nazar aane wala ek taaraamandal hai. ise faalgun-chait maheene se shraavan-bhaadr maheene tak aakaash mein saat taaron ke samooh ke roop mein dekha ja sakta hai. ismein chaar taarein chaukor tatha teen tirchhi lakeer mein rahate hain. in taaron ko kaalpanik rekhaaon se milaane par ek prashn chinh ka aakaar prateet hota hai. in taaron ke naam praacheen kaal ke saat rishiyon ke naam par rakhe gaye hain. ye kramash: kratu, pulah, pulastya, atri, angirs, vaashishth tatha maareechi hain. ise ek patang ka aakaar bhi maana ja sakta hai jo ki aakaash mein dor ke saath ud rahi ho. yadi aage ke do taaron ko jodne waali pankti ko seedhe uttar disha mein badhaayein to yeh dhruv taare par pahunchati hai. doosari shataabdi isavi mein taulami ne jin 48 taaraamandalon ki soochi banaai thi yeh taaraamandal unamein bhi shaamil tha.

anukram

anya bhaashaaoain mein

angreji mein saptarshi taaraamandal ko "arasa major" (Ursa Major), "great beyar" (Great Bear) ya "big beyar" (Big Bear) kaha jaata hai - in sab ka arth "bada bhaaloo" hota hai. ise America aur Canada mein "big dippar" (yaani bada chamacha) bhi kaha jaata hai.

taare

kul milkar saptarshi taaraamandal mein 93 taaron ko baayar naam diye ja chuke hain, jinmein se 13 ke ird-gird gair-saureeya grah parikrama karte hue paae gaye hain. is taaraamandal ke saat mukhya taare is prakaar hain -

naam angreji naam baayar naam chamak
(maigneetyood)
doori
(pra॰ava॰)
kratu Dubhe α UMa 1.8 124
pulah Merak β UMa 2.4 79
pulastya Phecda γ UMa 2.4 84
atri Megrez δ UMa 3.3 81
angirs Alioth ε UMa 1.8 81
vashishth Mizar ζ UMa 2.1 78
maareechi Alkaid η UMa 1.9 101

gaileksiyaaain

saptarshi taaraamandal mein kai gaileksiyaaain bhi pai gayi hain. inmein maisiye 81 naamak sarpil galaxy hai, jo aakaash mein sabse roshan gaileksiyon mein se ek hai. is taaraamandal ke kshetr mein maisiye 82 naamak galaxy bhi hai jise apne aakaar ki vajah se sigaar galaxy bhi kaha jaata hai. yahaaain hamse 2.5 karod prakaash-varsh door sthit chakari galaxy (pinvheel galaxy) bhi sthit hai. kul milkar saptarshi taaraamandal mein lagbhag 50 gaileksiyaaain dekhi ja chuki hain.

dhaarmik granthon ke saptarshi mandal

hindu dharm mein vishnu puraan ke anusaar, krutak trailokya -- bhoo:, bhuv: aur sv: – ye teenon lok milkar krutak trailokya kahalaate hain. saptarshi mandal shani mandal se ek lakh yojan oopar ka mandal hai.

inhein bhi dekhein

baahari kadiyaaain