sanpoornaanand

dau॰ sanpoornaanand

sanpoornaanand ek bhaarateeya raajaneta hai aur uttar pradesh ke mukhyamantri rah chuke hai. dau॰ sanpoornaanand (1 January 1890 - 10 January 1969) kushal tatha nirbheek raajaneta evam sarvatomukhi pratibhaavaale saahityakaar evam adhyaapak the.

anukram

jeevani

sanpoornaanand ka janm vaaraanaasi mein 1 January san 1890 ko ek kaayasth parivaar mein hua. vaheen ke kveens kaalej se bi.S.si. ki pareeksha utteern kar prayaag chale gaye aur vahaaain se L.ti. ki upaadhi praapt ki. iske baad aap prem mahaavidyaalaya (vrundaavan) tatha baad mein doongar kaalej (Bikaner) mein pradhaanaadhyaapak ke pad par niyukt hue. desh ki pukaar par aapne yeh naukri chhod di aur fir kaashi ke sukhyaat deshbhakt (svargeeya) babu shivprasaad gupt ke aamantran par jnyaaanamandal sanstha mein kaam karne lage. yaheen rahakar aapne "antarraashtreeya vidhaan" likhi aur "maryaada" ka sanpaadanabhaar bhi sanbhaal liya. iske baad jab is sanstha se "tude" naamak angreji dainik bhi nikaalne ka nishchaya kiya gaya to iska sanpaadan bhi aapko hi saunpa gaya jise aapne badi yogyata ke saath sampann kiya.

shri sanpoornaanand mein shuroo se hi raashtraseva ki lagan thi aur aap mahaatma Gandhi dvaara sanchaalit svaadheenata sangraam mein hissa lene ko aatur rahate the. isi se sarkaari vidyaalayon ka bahishkaar kar aae hue vidyaarthiyon ko raashtreeya shiksha pradaan karne ke uddeshya se sthaapit kaashi vidyaapeeth mein sevaakaarya ke liye jab aapko aamantrit kiya gaya to aapne saharsh use sveekaar kar liya. vahaaain adhyaapan kaarya karte hue aapne kai baar satyaagrah aandolan mein hissa liya aur jail gaye. san 1926 mein aap pratham baar Congress ki or se khade hokar vidhaanasabha ke sadasya nirvaachit hue. san 1937 mein Congress mantrimandal ki sthaapana hone par shikshaamantri pyaarelaal sharma ke tyaagapatr de dene par aap uttar pradesh ke shikshaamantri bane aur apni adbhut kaaryakshamata evam kushalata ka parichay diya. aapne gruh, arth tatha soochana vibhaag ke mantri ke roop mein bhi kaarya kiya. san 1955 mein shri govindavallabh pant ke keindreeya mantrimandal mein sammilit ho jaane ke baad do baar aap uttar pradesh ke mukhya mantri niyukt hue. san 1962 mein aap Rajasthan ke raajyapaal banaae gaye jahaaain se san 1967 mein aapne avakaash grahan kiya.

shri sampoornaanand bhaarateeya sanskruti evam bhaarateeyata ke ananya samarthak the. yog aur darshan unke priya vishay the. ve niyamit roop se poojaapaath aur sandhya karte the tatha maathe par tilk lagaate the. raajaneeti mein ve samaajavaad ke anuyaayi the kintu unka samaajavaad uske videshi pratiroop se bhinn Bhaarat ki paristhitiyon evam bhaarateeya vichaaraparanpara ke anuroop tha. hindi tatha sanskrut se unhein vishesh prem tha par ve angreji ke atirikt urdoo, faarasi ke bhi achhe jnyaaata tatha bhautiki, jyotish aur darshan shaastr ke bhi pandit the. vibhinn vishyon ki prabhoot pustakein ve nirantar padhte rahate the aur apni maanas manjoosha mein jin amoolya jnyaaanaratnon ka sangrah kiya karte the, lokahit ke liye unke dvaara unka daan aur utsarg bhi hota rahata tha. hindi mein vaigyaanik upanyaas unhonne hi sarvapratham likha. is prakaar unhonne adhyayan, manan se jo kuchh bhi ikattha kiya usaka bahulaansh "aadaanan hi visgaarth sataan vaarimuchaamiv" is ukti ke anusaar apni praudh lekhani dvaara janta mein pun: vitrit kar diya. aapki kuchh pramukh hindi rachanaaeain ye hain : antaaraashtriya vidhaan, samaajavaad, chidvilaas, ganesh, jyotirvinod, kuchh smrutiyaaain, kuchh sfut vichaar, hindu Dave parivaar ka vikaas, grahanakshatr. inke atirikt saamayik patron mein aapne jo bahusankhyak lekh likhe ve bhi hindi saahitya ki amoolya nidhi hain. inke kuchh sangrah prakaashit bhi ho chuke hain.

uttar pradesh mein unmukt kaaraagaar ka adbhut prayog aapne praarambh kiya jo yathesht roop se safal hua. naineetaal mein vedhashaala sthaapit karaane ka shreya bhi aapko hi hai. vaaraanaseya sanskrut vishvavidyaalaya aur uttar pradesh sarakar dvaara sanchaalit hind samiti ki sthaapana mein aapka mahatvapoorn yogadaan raha hai. ye donon sansthaaeain aapki utkrusht sanskrutanishtha evam hind prem ke adviteeya smaarak hain. kala ke kshetr mein Lucknow ke mairis myoojik college ko aapne vishvavidyaalaya star ka bana diya. kalaakaaron aur saahityakaaron ko shaasakeeya anudaan dene ka aarambh desh mein pratham baar aapne hi kiya. vruddhaavastha ki peinshan bhi aapne aarambh ki. aapko desh ke anek vishvavidyaalayon ne "Doctor" ki sammaanit upaadhi se vibhooshit kiya tha. hindi saahitya sammelan ki sarvochch upaadhi "saahityavaachaspati" bhi aapko mili thi tatha hindi saahitya ka sarvochch puraskaar "mangalaaprasaad puraskaar" bhi aap praapt kar chuke the.

aapka nidhan 10 January 1969 ko Varanasi mein hua.

inhein bhi dekhein

sandarbh

baahari kadiyaaain