sanpeedit praakrutik gas

uttari amareeka mein si.N.ji. ke liye prayukt neela int ka chinh

sanpeedit praakrutik gas (angreji - Compressed Natural Gas, sankshep mein CNG, CNG) praakrutik roop se paae jaane vaale jvalanasheel gas ko atyadhik dabaab ke andar rakhane se bane taral ko kehte hain. is gas ko vaahanon mein prayog karne ke liye 200 se 250 kilogram prati varg se.mi. tak dabaaya jaata hai. praakrutik gas ko dabaakar kam karne ka pramukh uddeshya yeh hai ki yeh aayatan kam ghere aur engine ke dahan prakoshth mein upayukt daab ke saath pravesh kare. choonki yeh praakrutik gas ka hi sanpeedit roop hai, isliye CNG ka raasaayanik sangathan bhi vahi hota hai, jo bagair dabaai gayi gas ka hota hai. praakrutik gas ki tarah si.N.ji ke avayav hain, methane, ithen aur propen. praakrutik gas ki tarah si.N.ji. bhi rangaheen, gandhaheen aur vishheen hoti hai.

nai Delhi mein si.N.ji par chalti ek taxi. yahaan nyaayaalaya ke aadeshaanusaar sabhi vaanijyik vaahan, jismein truck, taxi, basein aadi sammilit hain; si.N.ji par hi chaleinge.

yeh hava se maamooli si halki hoti hai. iska prayog indhan ki tarah aur kai deshon mein vaahanon ko chalaane ke liye oorja srot ki tarah kiya jaata hai. iska pramukh sanghatak mithen gas hoti hai, jo saamaanyat: 75-98% ki maatra mein rahati hai. isko praay: 200-220 'baar' (yaani 20-22 megaapaaskal) ke cylinderon mein bhandaarit kiya jaata hai. iska prayog diesel engine tatha petrol engine donon mein kiya jaata hai. pehle ise 220 'baar' se 5 'baar' par pratham charan vightak dvaara laaya jaata hai jiske baad is prayog ke liye (lagbhag 1.3 'baar') dviteeya charan vightak dvaara laaya jaata hai. iske baad ise prayog kiya jaata hai. vaayumandaleeya dabaab ke 200 guna adhik daab par rahane ke baavajood yeh gas ki avastha mein hi rahata hai. par atyadhik dabaav banaane se yeh drav ban jaata hai aur tab ise taraleekrut praakrutik gas (LNG) kehte hain. sanpeedn se haanikaarak gaison ka utsarjan kaafi kam ho jaata hai is kaaran paryaavaran ko bachaane ko utsuk kai desh-pradeshon ki sarkaaron ne iske prayog karne ko janta ko baadhya ya protsaahit kiya hai.

car mein bhandaarit CNG silindar

sanpeedit gas ke kai laabh hote hain. paryaavaran ke lihaaj se yeh gas behtar maani jaati hai. paitrol aur diesel ki tulana mein yeh kaarban daaioksaaid, naaitrojan oksaaid aur jaivik gaisein kam utsarjit karti hain. paitrol aur diesel gaadiyon ki tulana mein si.N.ji. ka kharch kam hota hai.