sanobar

sanobar
Fir
कैलिफ़ोर्निया में एक लाल सनोबर का वृक्ष
kailiforniya mein ek laal sanobar ka vruksh
vaigyaanik vargeekaran
jagat: paadap
vibhaag: konadhaari (Pinophyta)
varg: pinopsida (Pinopsida)
gan: paayanaalej (Pinales)
kul: paayaneseee (Pinaceae)
prajaati: ebeej (Abies)
Miller
jaatiyaaain

45-55 gyaat jaatiyaaain

sanobar (angreji: fir, fr) ek sadaabahaar konadhaari vruksh hai jo duniya ke uttari golaardh (haimisfeeyar) ke pahaadi kshetron mein milta hai. iski 45-55 jaatiyaaain hain aur yeh paayaneseee naamak jeevaijnyaaanik kul ka sadasya hai. sanobar 10 se 80 meter (30 se 260 fut) tak ke ooainche ped hote hain. inke teeli jaise patte tahani se judne waali jagah par ek mota gola sa banaate hain jis se aasaani se pahachaane jaate hain. vanaspati-vigyaan ki drushti se inka devadaar (seedar) ke vruksh ke saath gahra sambandh hai.[1] bhaarateeya upamahaadveep mein yeh himaalaya ke kshetr mein milte hain.

anukram

faarasi naam se antar

dhyaan deejiye ki 'sanobar' faarasi mein prasaral (sproos) ke ped ko kehte hain jabki hindi mein aisa naheen hai.

prayog

sanobar ki lakdi halaki aur naram hone ke kaaran nirmaan ke liye istemaal kam hoti hai. iski bajaay ise goodakar isse plaayavud aadi ke fatte banaae jaate hain. ped kaate jaane ke baad is lakdi par keede aasaani se aakraman karke ise chhed dete hai aur yeh nami ka shikaar hokar dhah bhi sakti hai, isliye ise ghar se baahar prayog naheen kiya ja sakta, haalaanki ghar ke andar rakhane waali cheejein iski ban sakti hain.[2] sanobar ka prayog kaagj banaane ke liye bhi bahut hota hai.[3]

bhaarateeya upamahaadveep mein saanskrutik mahatva

sanobar ke vruksh himpaat ke mausam mein bhi hare-bhare rahate hain jabki bhaarateeya upamahaadveep ke pahaadi kshetron mein kai anya ped patajhad ke mausam mein apne patte kho dete hain. inke sardiyon mein bhi sthaai saundarya ka kai rachanaaon mein varnan milta hai, masalan harivansharaaya Bachchan ne inka bakhaan karte hue likha:[4]

ped sanobar ke lagte hain kuhare mein bhi hariyaale,
him ki paraton ke neeche hain bahate chamakeele naale.

apne patale aur ooainche aakaar ke liye bhi yeh vruksh aakarshak maana jaata hai aur aadhunik kaal mein bhaarateeya upamahaadveep mein 'sanobar' ek ladkiyon ka naam hai. pehle jmaane mein yeh purushon ka naam bhi hua karta tha, masalan 'gul-sanobar' ki katha mein gul ladki ka naam tha aur sanobar ladke ka - 1953 mein is naam ki bani hindi film mein shammi Kapoor ne sanobar ka paatr ada kiya tha.[5]

inhein bhi dekhein

sandarbh

  1. Fir Trees, Theresa Greenaway, Steck-Vaughn Library, 1990, ISBN 978-0-8114-2727-2
  2. A Natural History of Conifers, Aljos Farjon, pp. 206, Timber Press, 2008, ISBN 9780881928693, ... The wood of firs is creamy white to pale brown and very similar in structure among the species. It is lightweight and relatively soft ...
  3. sachitr vishvakosh, dau॰ baalakrushn (sampaadak), prushth 16, vijn books (Kashmiri gate, nai Delhi), 2009, ISBN 978-81-7094-657-1, ... aaj bhi sabse uttam praakaar ka kaagaj chithdon se taiyaar kiya jaata hai. lekin ab adhiktar kaagaj devadaaroo aur sanobar ki lakdi se banaaya jaata hai. ...
  4. Bachchan rachanaavali, Rajkamal prakaashan, 1983
  5. Bollywood Yesterday-Today-Tomorrow, Ramesh Dawar, pp. 11, Star Publications, 2007, ISBN 9781905863013, ... Shamsher Raj alias 'Yahoo star' Shammi Kapoor ... debut film was director Mahesh Kaul's 'Jeevan Jyoti' in 1953 ... In the same year he acted in 'Gul Sanobar' with Shyama ...