sangeetaratnaakar

sangeetaratnaakar (13 veen sadi) shaarङagadev dvaara rachit sangeetashaastreeya granth hai. yeh Bhaarat ke sabse mahatvapoorn sangeetashaastreeya granthon mein se hai jo hindustaani sangeet tatha Karnataka sangeet dono dvaara samaadrut hai. ise 'saptaadhyaayi' bhi kehte hain kyonki ismein saat adhyaaya hain. bharatamuni ke naatyashaastr ke baad sangeet ratnaakar aitihaasik drushti se sabse mahatvapoorn granth maana jaata hai. baarahaveen sadi ke poorvaarddh mein likhe saat adhyaayon vaale is granth mein sangeet va nrutya ka vistaar se varnan hai.

shaarङagadev Yadav raaja 'sinhan' ke raajadarabaari the. sinhan ki rajdhani daulataabaad ke nikat devagiri thi. is granth ke kai bhaashya hue hain jinmein sinhabhoopaal (1330 E) dvaara rachit 'sangeetasudhaakar' tatha kallinaath (1430 E) dvaara rachit 'kalaanidhi' pramukh hain.

is granth ke pratham chh:adhyaaya - svaragataadhyaaya, raagavivekaadhyaaya, prakeernakaadhyaaya, prabandhaadhyaaya, taalaadhyaaya tatha vaadyaadhyaaya sangeet aur vaadyayantron ke baare mein hain. iska antim (saatavaaain) adhyaaya 'nartanaadhyaaya' hai jo nrutya ke baare mein hai.

sangeet ratnaakar mein kai taalon ka ullekh hai. is granth se pata chalta hai ki praacheen bhaarateeya paaramparik sangeet mein ab badlaav aane shuroo ho chuke the va sangeet pehle se udaar hone laga tha. 1000 veen sadi ke ant tak, us samay prachalit sangeet ke svaroop ko 'prabandh' kaha jaane laga. prabandh do prakaar ke hua karte the - nibddh prabandh va anibddh prabandh. nibddh prabandh ko taal ki paridhi mein rahakar gaaya jaata tha jabki anibdv prabandh bina kisi taal ke bandhan ke, mukt roop mein gaaya jaata tha. prabandh ka ek achha udaaharan hai jayadev rachit geet govind.

baahari kadiyaaain