sangeet naatak academy

sangeet naatak academy
200px
sthaapana 31 May 1952
mukhyaalaya Ravindra bhavan, Ferozshah road, nai Delhi, Bhaarat
sabhaapati shekhar sen[1]
jaalaprushth sangeetnatak.org

sangeet naatak academy Bhaarat sarkaar dvaara sthaapit Bhaarat ki sangeet evam naatak ki raashtreeya star ki sabse badi academy hai. iska mukhyaalaya Delhi mein hai.[2]

anukram

sthaapana

Bhaarat sarkaar ke shiksha mantraalaya ne ek sansadeeya prastaav dvaara ek svaayatt sanstha ke roop mein sangeet naatak academy ki sthaapana karne ka nirnaya kiya. tadanusaar 1953 mein academy ki sthaapana hui. 1961 mein academy bhang kar di gayi aur iska nae roop mein sangathan kiya gaya. 1860 ke sosaaiteej rajistreshan ke adheen yeh sanstha panjikrut ho gayi. iski nai parishd aur kaaryakaarini samiti ka gathan kiya gaya. academy ab isi roop mein kaarya kar rahi hai.

uddeshya

sangeet naatak academy ki sthaapana sangeet, naatak aur nrutya kalaaon ko protsaahan dene tatha unke vikaas aur unnati ke liye vividh prakaar ke kaaryakramon ka sanchaalan karne ke uddeshya se ki gayi thi. sangeet naatak academy apne mool uddeshya ki poorti ke liye desh bhar mein sangeet, nrutya aur naatak ki sansthaaon ko unki vibhinn kaaryayojanaaon ke liye anudaan deti hai, sarvekshan aur anusandhaan kaarya ko protsaahan deti hai. sangeet, nrutya aur naatak ke prashikshan ke liye sansthaaon ko vaarshik sahaayata deti hai. vichaaragoshthiyon aur samaarohon ka sangathan karti hai tatha in vishyon se sambandhit pustakon ke prakaashan ke liye aarthik sahaayata deti hai.

sangathan vyavastha

sangeet naatak academy ki ek mahaaparishd hoti hai jismein 48 sadasya hote hain. inmein se 5 sadasya Bhaarat sarkaar dvaara manoneet hote hain - ek shiksha mantraalaya ka pratinidhi, ek soochana evam prasaaran mantraalaya ka pratinidhi, Bhaarat sarkaar dvaara niyukt vitt salaahakaar (paden), pratyek raajya sarkaar ke 1-1 manoneet sadasya aur lalit kala academy va saahitya academy ke 2-2 pratinidhi ke hote hain. is prakaar manoneet ye 28 sadasya ek baithak mein 20 aur sadasyon ka chunaav karte hain. ye vyakti sangeet, nrutya aur naatak ke kshetr mein vikhyaat kalaakaar aur vidvaan hote hain. inka chayan is prakaar se kiya jaata hai ki sangeet aur nrutya ki vibhinn paddhatiyon aur shailiyon tatha vibhinn kshetron ka pratinidhitv ho sake. is prakaar gathit mahaaparishd kaaryakaarini ka chunaav karti hai jismein 15 sadasya hote hain. sabhaapati ka manonayan shiksha mantraalaya ki sifaarish par raashtrapati dvaara kiya jaata hai. upasabhaapati ka chunaav mahaaparishd karti hai. sachiv ka pad vaitanik hota hai aur sachiv ki niyukti kaaryakaarini karti hai.

kaaryakaarini kaarya ke sanchaalan ke liye anya samitiyon ka gathan karti hai, jaise vitt samiti, anudaan samiti, prakaashan samiti aadi. academy ke samvidhaan ke adheen sabhi adhikaar sabhaapati ko praapt hote hain. mahaaparishd, kaaryakaarini tatha sabhaapati ka kaaryakaal paaainch varsh hota hai.

academy ke sabse pehle sabhaapati shri pi.vi. raajamannaar the. doosare sabhaapati Mysore ke mahaaraaja shri jayachaamaraaj vadayaar the.

kaaryakram

academy ka in kalaaon ke abhilekhan ka ek vyaapak kaaryakram hai jiske adheen paaramparik sangeet aur nrutya tatha naatak ke vividh roopon aur shailiyon ki filmein banaai jaati hain, fotograaf liye jaate hain aur unka sangeet teparikaard kiya jaata hai. academy sangeet, nrutya aur naatak ke kaaryakram bhi prastut karti hai. academy sangeet, nrutya aur naatak ke kaaryakram bhi hai jiske adheen in vishyon ki vishisht pustakein prakaashit ki jaati hai. academy angreji mein ek traimaasik patrika "sangeet naatak" ka prakaashan karti hai.

puraskaar

academy prativrsh sangeet aur nrutya tatha naatak ke kshetr mein vishisht kalaakaaron ko puraskrut karti hai. puraskaaron ka nirnaya academy mahaaparishd karti hai. puraskaaron ka nirnaya academy mahaaparishd karti hai. puraskaar samaaroh mein puraskaaravitran raashtrapati dvaara hota hai. sangeet nrutya aur naatak ke kshetr mein academy prativrsh kuchh ratnasadasyon (felo) ka chunaav karti hai.

inhein bhi dekhein

baahari kadiyaaain