sambhaaji

sanbhaaji raaje bhosale

dharmaveer chhatrapati sanbhaaji raaje (dharmaveer chhatrapati sanbhaaji raaje bhosale) ya shambhaaji (1657-1689) maraatha samraat aur chhatrapati shivaaji ke uttaraadhikaari. us samay maraathaaon ke sabse prabal shatru mugal baadshah aurangajeb Bijapur aur golakunda ka shaasan Hindustan se samaapt karne mein unki pramukh bhoomika rahi. sambhaaji apni shauryata ke liye kaafi prasiddh the. sambhaaji ne apne kam samay ke shaasan kaal me 120 yuddh kiye aur isame ek pramukh baat ye thi ki unki sena ek bhi yuddh me paraabhoot naheen hui. is tarah ka paraakram karne vaale vah shaayad ekamaatr yoddha honge. unke paraakram ki vajah se pareshaan ho kar Delhi ke baadshah aurangajeb ne kasam khaayi thi ke jab tak chhatrapati sanbhaaji pakade naheen jaayeinge, vo apna kimonsh sar par naheen chadhaaega.

anukram

parichay

chhatrapati sanbhaaji nau varsh ki avastha mein chhatrapati shivaaji mahaaraaj ki prasiddh Agra yaatra mein ve saath gaye the. aurangajeb ke bandeegruh se nikal, chhatrapati shivaaji mahaaraaj ke Maharashtra vaapas lautane par, mugalon se samjhaute ke falasvaroop, sanbhaaji mugal samraat dvaara raaja ke pad tatha panchahajaari mansab se vibhooshit hue. Aurangabad ki mugal chhaavani mein, maraatha sena ke saath, usaki niyukti hui (1668). yugapravartak raaja ke putr rahate unako yeh naukri maanya naheen thi. kintu svaraajya sthaapana ki shuroo ke din hone ke kaaran aur pita ke aadesh ke paalan hetu keval 9 saal ke umr mein hi itna jimmedaari ka lekin apamaan janak kaarya unhonne dheeraj se kiya. unhonne apne umr ke keval 14 saal mein unhonne budhaabhushanam, nakhashikh, naayikaabhed tatha saatashaatak yeh teen sanskrut granth likhe the. chhatrapati shivaaji mahaaraaj ke raajyaabhishek ke baad sthaapit ashtapradhaan mantrimandal mein se kuchh logon ki raajakaaran ke vajah se yeh samvedansheel Yuvraj kaafi kshatigrast hue the. paraakrami hone ke baavajood unhein anek ladaaiyonse door rakha gaya. svabhaavat: samvedansheel rahanevaale sanbhaaji apna paraakram dikhaane ki koshish mein mughal sena se ja mile (16 December 1678). kintu kuchh hi samay mein jab unako apni galati samajh I tab vo vahaan se pun: svaraajya mein aaye. magar is prayaas mein vo apne putr shaahoo, patni raani yesoobaai aur bahen godaavari unako apne saath len mein asafal rahe.

chhatrapati shivaaji mahaaraaj ki mrutyu (20 July 1680) ke baad kuchh logon ne sanbhaaji ke anuj raajaaraam ko sinhaasanaaseen karne ka prayatn kiya. kintu senaapati mohite ke rahate yeh kaarasthaan naakaamayaab hua aur 10 January 1681 ko sanbhaaji mahaaraaj ka vidhivt‌ raajyaabhishek hua. isi varsh aurangajeb ke vidrohi putr Akbar ne dakshin bhaag kar sanbhaaji ka aashray grahan kiya. akele mugl, portugeej, angrej tatha anya shatruon ke saath ladne ke saath hi unhein antargat shatruonse bhi ladna pada. raajaaraam ko chhatrapati banaane mein asafal rahane vaale raajaaraam samarthakone aurangajeb ke putr Akbar se raajya par aakraman kar ke use mugl saamraajya ka ankit banaane ki gujaarish karne wala patra likha. kintu chhatrapati sanbhaaji ke paraakram se parichit aur unka aashrit hone ke kaaran Akbar ne vah patra chhatrapati sanbhaaji ko bhej diya. is raajadroh se krodhit chhatrapati sanbhaajeene apne saamanto ko mrutyudand diya. tathaapi un mein se ek Balaji aavaji naamak saamant ki samaadhi bhi unhonne banaayeen jinke maafi ka patra chhatrapati sanbhaaji ko un saamant ke mrutyu pashchaat mila.

1683 mein usane purtagaaliyon ko paraajit kiya. isi samay vah kisi raajakeeya kaaran se sangamaner mein rahe the. jis din vo raayagad ke liye prasthaan karne vaale the usi din kuchh graamaastho ne apni samasya unhein arjit karni chaahi. jiske chalte chhatrapati sanbhaaji mahaaraaj ne apne saath keval 200 sainik rakh ke baaki sena ko raayagad bhej diya. usi vakt unke saale ganoji shirke, jinko unhonne vatanadaari dene se inkaar kiya tha, mugl sardaar insilb Khan ke saath gupt raaste se 5000 ke fauj ke saath vahaan pahunche. yeh vah raasta tha jo sirf maraathon ko pata tha. isliye sanbhaaji mahaaraaj ko kabhi naheen laga tha ke shatru is aur se aa sakega. unhonne ladne ka prayaas kiya kintu itni badi fauj ke saamane 200 sainikon ka pratikaar kaam kar na paaya aur apne mitr tatha ekamaatr salaahakaar kaviklash ke saath vah bandi bana liye gaye (1 farabari, 1689).

donon ko musalmaan banaane ke liye aurangajeb ne kai koshishein ki. kintu dharmaveer chhatrapati sanbhaaji mahaaraaj aur kavi kalashane dharm parivartan se inkaar kar diya. aurangajeb ne donon ki jubaan katava di, aaainkhein nikaal di kintu sher chhatrapati shivaaji mahaaraaj ke is suputr ne ant tak dharm ka saath naheen chhoda. 11 March 1689 hindu navavarsh din ko donon ke shareer ke tukade kar ke aurangajeb ne hatya kar di. kintu aisa kehte hai ki hatya poorv aurangajeb ne chhatrapati sanbhaaji mahaaraaj se kaha ke mere 4 putron mein se ek bhi tumhaare jaisa hota to saara hindusthaan kab ka mugl saltanat mein samaaya hota. jab chhatrapati sanbhaaji mahaaraaj ke tukade tulaapur ki nadi mein feinkein gaye to us kinaare rahane vaale logon ne vo ikaththa kar ke sila ke jod diye (in logon ko aaj " shivle " is naam se jaana jaata hai) jis ke uparaant unka vidhipoorvak antyasanskaar kiya. aurangajeb ne socha tha ki maraathi saamraajya chhatrapati sanbhaaji mahaaraaj ke mrutyu pashchaat khtm ho jaaega. chhatrapati sanbhaaji mahaaraaj ke hatya ki vajah se saare maraatha ek saath aakar ladne lage. at: aurangajeb ko dakkhan mein hi praanatyaag karna pada. usaka dakkhan jeetne ka sapana isi bhoomi mein dafan ho gaya.

itne bade saahasi aur uttam shaasak hone ke baavajood kuchh antargat virodhiyon ke kaaran unka charitra ek charitraheen tatha vyasani raaja ka dikhaaya gaya hai. yeh kaafi achambhe ki baat hai ke chhatrapati sanbhaaji mahaaraaj ke baare mein likhi gayi baate ye unke mrutyu ke pashchaat 100 saal gujarane par likhi gayi aur yeh likhne vaale vyakti shirke khaanadaan ke vanshaj the jinko vatanadaari dene se mahaaraaj ne inkaar kiya tha. ( vatanadaari ek aisi pratha thi jisme sardaar ko ek niyojit praant mein se kar vasool karne ka adhikaar diya jaata tha. yeh pratha chhatrapati shivaaji mahaaraaj ne band karavaai thi kyonki aam janta aur kisaan is pratha se trust thi.)

sandarbh granth

  • ji.S. saradesaai : de new histari ov the maraathaaj;
  • jadunaath sarkaar : shivaaji, tatha the house ov shivaaji
  • sanbhaaji - vishvaas Patil
  • chhatrapati sanbhaaji smaarak granth - dau॰aajayasinharaav Pawar

inhein bhi dekhein

baahari kadiyaaain