samaachaar

samaachaar naveenatam ghatnaaon aur samasaamayik vishyon par adyatan soochanaaon ko kehte hain, jinhein mudran, prasaaran, antarjaal ya anya maadhyamon ki sahaayata se aam logon yaani, paathakon, darshakon aur shrotaaon tak pahunchaaya jaata hai. samaachaar angreji shabd news ka hindi roopaantaran hai va apne aas paas hone waali sabhi gatividhiyon ki jaankaari praapt karne ka sahi saadhan hai |

shabdaarth

samaachaar shabd sam+aacharan ka sammilt roop hai. samaachaaron mein nishpakshata par jor diya jaata hai. arthaat sabhi ke prati samaan aacharan baratate hue (swayam nishpaksh rahate hue samaachaar diya jaata hai)

== itihaas ==

aaranbhik avastha mein, ghatnaaon ki jaankaari phone par di jaati thi ya samvaadadaata khud samaachaar kaksh tak pahunch kar soochanaaen pahunchaata tha. jahaan kisi vishesh sanskaran ke liye haathon se likhkar ya type kar jaankaari pahunchaai jaati thi. lekin aajkal breking news aadhunik prasaar media ka yugadharm ban gaya hai. taaja ghatnaaon ki jaankaari dene ke liye aajkal upagrahon ka prayog hota hai aur ghatnaasthal se jaankaari seedhe darshakon ke kamre tak pahuncha di jaati hai.