sam aur visham ank

vishv ke kuchh shaharon mein gharon ko sankhyaank dene ki yeh parampara hai ki sadak ki ek taraf sam ank hote hain aur sadak ki doosari taraf visham ank - agar kisi ghar-dhoondhate hue vaahanachaalak ko ghar-sankhyaank maaloom ho to use sadak ke sirf ek hi or dekhne ki aavashyakta hai

ganit mein sam (even) aise ankon ko kaha jaata hai jo 2 dvaara poornat: vibhaajya (divijibla​) hon, jaise ki 0, 2, 4, 6, 8, ityaadi. yahi kehne ka ek aur tareeka hai ki sabhi sam ank 2 ke gunaj (maltipl) hote hain. is se vipreet visham (odd) ank aise ankon ko kaha jaata hai jo 2 dvaara vibhaajya naheen hote, masalan 1, 3, 5, 7, 9, 11, vagairaah. haalaanki mool roop se sam-visham ki avadhaarana anko par lagaai jaati thi aadhunik ganit mein ise anya cheejon par bhi laagoo kiya jaata hai. kisi cheej ki ganiteeya samata (parity) usaka vah lakshan hoti hai jo yeh batalaae ki vah sam hai ya visham.

antim ank dvaara samata-vishmata bataana

krupaya dhyaan dein ki yadi koi sankhya sam hai to usaka antim ank bhi sam hi hota hai aur isi tarah visham sankhya ka antim ank bhi keval visham hi ho sakta hai. masalan 12,34,347 ko agar 2 se vibhaajit kiya jaae to yeh visham paaya jaaega aur yeh iske antim ank (7) ko dekhkar bina koi vibhaajan kare fauran hi bataaya ja sakta hai kyonki 7 swayam ek visham ank hai.[1]

inhein bhi dekhein

sandarbh

  1. Learning Mathematics Standard Six, M.Raphael, Jeevandeep Prakashan Pvt Ltd, ... Even numbers are numbers whose digit in the units place is either 0, 2, 4, 6 or 8. Odd numbers are numbers whose digit in the units place is either 1, 3, 5, 7 or 9 ...