safala ekaadashi

safala ekaadashi
aadhikaarik naam safala ekaadashi vrat
anuyaayi hindu, bhaarateeya, bhaarateeya pravaasi
tithi paushamaas ke krushnapaksh ki ekaadashi

hindu dharm mein ekaadashi ka vrat mahatvapoorn sthaan rakhata hai. pratyek varsh chaubees ekaadashiyaaain hoti hain. jab adhikmaas ya malamaas aata hai tab inki sankhya badhkar 26 ho jaati hai.

padmapuraanamein paushamaas ke krushnapaksh ki ekaadashi ke vishay mein yudhishthir ke poochhane par Bhagwan shreekrushn bole-bade-bade yajnyaon se bhi mujhe utana santosh naheen hota, jitna ekaadashi vrat ke anushthaan se hota hai. isliye ekaadashi-vrat avashya karna chaahiye. paushamaas ke krushnapaksh mein safala naam ki ekaadashi hoti hai. is din Bhagwan Narayan ki vidhipoorvak pooja karni chaahiye. yeh ekaadashi kalyaan karne waali hai. ekaadashi samast vraton mein shreshth hai.[1]

anukram

vidhaan

safalaaekaadashi ke din shreeharike vibhinn naam-mantron ka uchchaaran karte hue falon ke dvaara unka poojan karein. dhoop-deep se devadeveshvarashreehariki archana karein. safala ekaadashi ke din deep-daan jaroor karein. raat ko vaishnavon ke saath naam-sankeertan karte hue jagana chaahiye. ekaadashi ka raatri mein jaagaran karne se jo fal praapt hota hai, vah hajaaron varsh tak tapasya karne par bhi naheen milta.

vrat vidhaan ke vishay mein jaisa ki shri Krishna kehte hain dashami ki tithi ko shuddh aur saatvik aahaar ek samay lena chaahiye. is din aacharan bhi saatvik hona chaahiye. vrat karne vaale ko bhog vilaas evam kaam ki bhaavana ko tyaag kar Narayan ki chhavi man mein basaane hetu prayatn karna chaahiye. ekaadashi tithi ke din praat: snaan kar shuddh vastr dhaaran kar maathe par shreekhand chandan athva gopi chandan lagaakar kamal athva vaijayanti fool, fal, ganga jal, panchaamrut, dhoop, deep, sahit lakshmi Narayan ki pooja evam aarti karein. sandhya kaal mein agar chaahein to deep daan ke pashchaat falaahaar kar sakte hain. dvaadashi ke din Bhagwan ki pooja ke pashchaat karmakaandi braahman ko bhojan karva kar janeoo evam dakshina dekar vida karne ke pashchaat bhojan karein.

jo bhakt is prakaar safala ekaadashi ka vrat rakhate hain va raatri mein jaagaran evam bhajan keertan karte hain unhein shreshth yajnyaon se jo punya milta usase kaheen badhkar fal ki praapti hoti hai.

katha

padmapuraanake uttarakhandamein safala ekaadashi ke vrat ki katha vistaar se varnit hai.[2] is ekaadashi ke prataap se hi paapaachaari lumbhakabhav-bandhan se mukt hua. safalaaekaadashi ke din Bhagwan vishnu ko ritufalanivedit karein. jo vyakti bhakti-bhaav se ekaadashi-vrat karta hai, vah nishchaya hi shreeharika krupaapaatr ban jaata hai. ekaadashi ke maahaatmya ko sunane se raajasooya yagya ka fal praapt hota hai.

uddeshya

safala ekaadashi ka vrat apne naamaanusaar manonukool fal pradaan karne wala hai. Bhagwan shri Krishna is vrat ki badi mahima bataate hain. is ekaadashi ke vrat se vyaktit ko jeevan mein uttam fal ki praapti hoti hai aur vah jeevan ka sukh bhogakar mrutyu pashchaat vishnu lok ko praapt hota hai. yeh vrat ati mangalakaari aur punyadaayi hai.[2]

inhein bhi dekhein

sandarbh

baahari kadiyaaain