saanthaal janajaati

santhaal janajaati Jharkhand ke jyaadaatar hisson tatha pashchim Bengal, udeesa aur asam ke kuchh jilon mein rahane waali Bhaarat ki praacheenatam janajaatiyon mein se ek hai.

ye Bhaarat ke pramukh aadivaasi samooh hai. inka nivaas sthaan mukhyat: Jharkhand pradesh hai. Jharkhand se baahar ye Bengal, Bihar, udeesa, madhya pradesh, asam, me rahate hai. santhaal praay: naate kad ke hota hai. inki naak chaudi tatha chipti hoti hai. inka sambandh proto aastrelaayad se hai.

santhaalon ke samaaj me mukhya vyakti inka maanjhi hota hai. madiraapaan tatha nrutya inke dainik jeevan ka ang hai. anya aadivaasi samuhon ki tarah inmein bhi jaadoo tona prachalit hai. santhaalo ki anya visheshata inke sundar dhang ke makaan hain jinmein khidkeeyaan naheen hoti hain. santhaal maaraang buru ki upaasana karatein hain saath hi ye sarana dharm ka paalan karte hain.

inki bhaasha santhaali aur lipi ol chiki hai. inke baarah mool gotr hain ; maraandi, soren, haasanda, kiskoo, tudoo, murmoo, hembram, besara, baaski, chaude, bediya, evam pauriya . santaal samudaaya mukhyat: baaha, soharaaya, maag, airok, maak monde, jaanathaad, hariyaad seem, aaraak seem, jaatara, paata, buru merom, gaada paarom tatha sakaraat naamak parv / tyohaar manaate hain. inke vivaah ko 'baapala' kaha jata hai. santaal samudaaya me kul 23 prakaar ki vivaah prathaayein hai, jo nimn prakaar hai - 1. sadaya baapala, 2. tunaki dipil baapala, 3. golayati baapala, 4. joda baapala, 5. chhutaki ya hirm chetaan baapala, 6. baaha saanvaha baapala, 7. gong bolo baapala, 8. ghaar javaanya baapala, 9. gharadi javaanya baapala, 10. aapaangeer baapala, 11. kundal naapaam baapala, 12. itut baapala, 13.or aader baapala, 14. nir naapaam baapala, 15. duvar sindoor baapala, 16. tikaak sindoor baapala, 17. omod baapala, 18. kiring baapala, 19. chhadavi baapala, 20. jeevat baapala, 21. gur lotom baapala, 22. bod baapala, 23. seta baapala.

unki adviteeya viraasat ki parampara aur aashcharyajanak parishkrut jeevan shaili hai. sabse ullekhaneeya hain unke lokasangeet, geet aur nrutya hain. santhaali bhaasha vyaapak roop se boli jaati hai. daan karne ki sanrachana prachur maatra mein hai. unki swayam ki maanyata praapt lipi 'ol-chiki' hai, jo santaal samudaaya ke liye adviteeya hai.

santhaal ke saanskrutik shodh dainik kaarya mein parilkshit hote hai- jaise design, nirmaan, rang sanyojan aur apne ghar ki safaai vyavastha mein hai|deevaaron par aarekhan, chitr aur apne aangan ki svachhata kai aadhunik shahari ghar ke liye sharm ki baat hogi.

santhaal ke sahaj parishkaar bhi spasht roop se unke parivaar ke paitarn -- pitrusattaatmak, pati patni ke saath majaboot sambandhon ko darshaata hai| vivaah anushthaanon mein poora samudaaya aanand ke saath bhaag lete hain. ladka aur ladki ka janm aanand ka avsar hain | santhaal mrutyu ke shok antyeshti sanskaar ko ati gambheerta se manaaya jaata hai. santaal samudaaya ka dhaarmik vishvaason aur abhyaas kisi bhi anya samudaaya ya dharm se mel naheen khaata hai. inmein pramukh devata hain- 'sing bonga', 'maaraang buru' aur 'jaaher era, gosaanya era, maanjhi Baba - gogo, aadi. pooja anushthaan mein balidaanon ka istemaal kiya jaata hai |

yeh bhi dekhein

baahari kadiyaaain