saamaved sanhita

saamaved sanhita
Rigveda MS2097.jpg
vedon ki 19 vi shataabdi ki paandulipi
granth ka parimaan
shlok sankhya(lambaai)
1875 richaaeain
rachana kaal
7000 - 1500 isa poorv

saamaved Bhaarat ke praacheenatam granth vedon mein se ek hai, geet-sangeet pradhaan hai. praacheen aaryon dvaara saam-gaan kiya jaata tha. saamaved chaaron vedon mein aakaar ki drushti se sabse chhota hai aur iske 1875 mantron mein se 69 ko chhod kar sabhi rigaved ke hain. keval 17 mantr atharvaved aur yajurved ke paaye jaate hain. fir bhi iski pratishtha sarvaadhik hai, jiska ek kaaran geeta mein Krishna dvaara vedaanaan saamavedoऽsmi kehna bhi hai.

saamaved yadyapi chhota hai parantu ek tarah se yeh sabhi vedon ka saar roop hai aur sabhi vedon ke chune hue ansh ismein shaamil kiye gaye hai. saamaved sanhita mein jo 1875 mantr hain, unamein se 1504 mantr rigved ke hi hain. saamaved sanhita ke do bhaag hain, aarchik aur gaan. puraanon mein jo vivran milta hai usase saamaved ki ek sahastr shaakhaaon ke hone ki jaankaari milti hai. vartamaan mein prapanch hradaya, divyaavadaan, charanavyuh tatha jaimini gruhasootr ko dekhne par 13 shaakhaaon ka pata chalta hai. in terah mein se teen aachaaryon ki shaakhaaeain milti hain- (1) kaumutheeya, (2) raanaayaneeya aur (3) jaimineeya.

anukram

mahatva

saamaved ka mahatva isi se pata chalta hai ki geeta mein kaha gaya hai ki -vedaanaan saamavedoऽsmi. [1]. mahaabhaarat mein geeta ke atirikt anushaasan parv mein bhi saamaved ki mahatta ko darshaaya gaya hai- saamavedashch vedaanaan yajushaan shatarudreeyam. [2].agni puraan ke anusaar saamaved ke vibhinn mantron ke vidhivt jap aadi se rog vyaadhiyon se mukt hua ja sakta hai evam bacha ja sakta hai, tatha kaamanaaon ki siddhi ho sakti hai. saamaved jnyaaanayog, karmayog aur bhaktiyog ki triveni hai. rishiyon ne vishisht mantron ka sankalan karke gaayan ki paddhati viksit ki. adhunik vidvaan bhi is tathya ko sveekaar karne lage hain ki samast svar, taal, laya, chhand, gati, mantr, svar-chikitsa, raag nrutya mudra, bhaav aadi saamaved se hi nikle hain.

vishay

saamaved mein aise mantr milte hain jinse yeh pramaanit hota hai ki vaidik rishiyon ko ese vaigyaanik satyon ka gyaan tha jinki jaankaari aadhunik vaigyaaniko ko sahastraabdiyon baad praapt ho saki hai. udaaharanat:- indr ne pruthvi ko ghumaate hue rakha hai.[3] chandr ke mandal mein soorya ki kirne vileen ho kar use prakaashit karti hain.[4]. saam mantr kramaank 27 ka bhaashaarth hai- yeh agni dyoolok se pruthvi tak sanvyaapt jeevon tak ka paalan karta hai. yeh jal ko roop evam gati dene mein samarth hai.


saamaved ke vishay me kuchh pramukh tathya nimnalikhit hai-

  • saamaved se taatparya hai ki vah granth jiske mantr gaaye ja sakte hain aur jo sangeetamaya hon.
  • yagya, anushthaan aur havan ke samay ye mantr gaaye jaate hain.
  • saamaved mein mool roop se 99 mantr hain aur shesh riagved se liye gaye hain.
  • ismein yajnyaaanushthaan ke udgaatruvarg ke upayogi mantron ka sankalan hai.
  • iska naam saamaved isaliye pada hai ki ismein gaayan-paddhati ke nishchit mantr hi hain.
  • iske adhikaansh mantr riagved mein upalabdh hote hain, kuchh mantr svatantr bhi hain.
  • saamaved mein riagved ki kuchh riachaaen aakalit hai.
  • ved ke udgaata, gaayan karne vaale jo ki saamag (saam gaan karne vaale) kahalaate the. unhonne vedagaan mein keval teen svaron ke prayog ka ullekh kiya hai jo udaatt, anudaatt tatha svarit kahalaate hain.
  • saamagaan vyaavahaarik sangeet tha. usaka vistrut vivran upalabdh naheen hain.
  • vaidik kaal mein bahuvidh vaadya yantron ka ullekh milta hai jinmein se
  1. tantu vaadyon mein kannad veena, karkari aur veena,
  2. ghan vaadya yantr ke antargat dundubhi, aadanbar,
  3. vanaspati tatha sushir yantr ke antargat: turabh, naadi tatha
  4. bankura aadi yantr vishesh ullekhaneeya hain.

parampara

shaakha - vedon mein saamaved ki sabse adhik shaakhaaeain milti hain - 1001 shaakhaaeain. shaakhaaon mein mantron ke alag vyaakhaan, gaane ke tareeke aur mantron ke kram hain. jahaaain bhaarateeya vidvaan ise ek hi vedaraashi ka ansh maanate hain, kai pashchimi ved-anusandhaani ise baad mein likha gaya granth samajhte hain. lekin saamaved ya saamagaan ka vivran rigved mein bhi milta hai - jise hindu parampara mein prathamaved aur pashchimi jagat praacheenatam ved maanata hai. rigved mein koi 31 jagahon par saamagaan ya saam ki charcha hui hai - vairoopan, bruhatan, gauraveeti, revatan, arke ityaadi naamon se. yajurved mein saamagaan ko rathantaran, bruhatan aadi naamon se jaana gaya hai. iske atirikt aitareya braahman mein bhi bruhat, rathantaran, vairoopan, vairaajan aadi ki charcha hai.

braahman granth

jaisa ki iski 1001 shaakhaaeain thi itne hi braahman granth bhi hone chaahiyeain, par lagbhag 10 hi upalabdh hain - taandya. shataviainsh ityaadi. chhaandogya upanishd isi ved ka upanishd hai - jo sabse bada upanisht bhi kahaata hai.

inhein bhi dekhein

baahari kadiyaaain

sandarbh

  1. geeta-a0 10, shlok 22
  2. ma0bhaa0, a0 14 shlok 323
  3. saamaved, aindr kaand, mantra 121
  4. saamaved, aindr kaand, mantra 147