saaksharata

saaksharata ka arth hai saakshar hona arthaat padhane aur likhne ki kshamata se sampann hona. alag alag deshon mein saaksharata ke alag alag maanak hain. Bhaarat mein raashtreeya saaksharata mission ke anusaar agar koi vyakti apna naam likhne aur padhane ki yogyata haasil kar leta hai to use saakshar maana jaata hai.

anukram

saaksharata dar

kisi desh athva raajya ki saaksharata dar vahaaain ke kul logon ki janasainkhya va padhe likhe logon ke anupaat ko kaha jaata hai| adhikaaainsh yeh pratishat mein darshaaya jaata hai| parantu kabhi kabhi ise prati-koti (har hajaar par) bhi dikhaaya jaata hai|

sootr

isko samajhne ka ganiteeya sootr hai: saaksharata dar pratishat = shikshit janasankhya/kul janasankhya

arthaat har sau logon mein se kitne log saakshar hain|

Bhaarat mein sthiti

aajaadi ke samay Bhaarat ki saaksharata dar maatr baarah (12%) pratishat thi jo badh kar lagbhag chohattar (74%) pratishat ho gayi hai| parantu ab bhi Bhaarat sansaar ke saamaanya dar (pichyaasi pratishat 85%) se bahut peechhe hai| Bhaarat mein sansaar ki sabse adhik anapadh janasankhya nivaas karti hai|

vartamaan sthiti kuchh is prakaar hai:

  • purush saaksharata: bayaasi pratishat (82%)
  • stri saaksharata: painsath pratishat (65%)
  • sarvaadhik saaksharat dar (raajya): Kerala (choraanve pratishat 94%)
  • nyoonatam saaksharata dar (raajya): Bihar (chausath pratishat 64%)
  • sarvaadhik saaksharata dar (kendra prashaasit): lakshadveep (baanave pratishat 92%)

jab se Bhaarat ne shiksha ka adhikaar laagoo kiya hai, tab se Bhaarat ki saaksharata dar bahut adhik badhi hai| Kerala Himachal, mijoram, tamil naadoo evam Rajasthan mein hue vishaal badlaavon ne in raajyon ki kaaya palat kar di evam lagbhag sabhi bachchon ko ab vahaaain shiksha pradaan ki jaati hai| Bihar mein shiksha sabse badi samasya hai jis se sarkaar joojh rahi hai| vahaaain gareebi ki dar itni adhik hai ki log jeevan ki mool-bhoot aavashyakataaen jaise roti kapada aur makaan bhi naheen jugaad paate| ve kitaabon ka kharch naheen sah paate|

saakshar kaun hain?

bhaarateeya niyam ke anusaar is sootr mein jo un logon ko bhi shikshit gina jaata hai jo apne hastaakshar kar sakte hain tatha paise ka hisaab kitaab karna jaante hain athva samajh sakte hain athva donon.

inhein bhi dekhein