saahir ludhiyaanavi

saahir ludhiyaanavi
janm abdulahayi
8 March 1921
ludhiyaana, Bhaarat
mrutyu 25 October 1980(1980-10-25) (umr 59)
Mumbai, Bhaarat
vyavasaaya kavi, geetkaar

saahir ludhiyaanavi (8 March 1921 - 25 October 1980) ek prasiddh shaayar tatha geetkaar the. inka janm ludhiyaana mein hua tha aur Lahore (chaar urdoo patrikaaon ka sampaadan, san 1948 tak) tatha Mumbai (1949 ke baad) inki karmabhoomi rahi.

anukram

jeevan

saahir ludhiyaanavi ka asli naam abdul hayi saahir hai. unka janm 8 March 1921 mein ludhiyaana ke ek jaageeradaar gharaane mein hua tha. hainlaanki inke pita bahut dhani the par maata-pita mein alagaav hone ke kaaran unhein maata ke saath rahana pada aur gareebi mein gujar karna pada. saahir ki shiksha ludhiyaana ke khaalasa haai school mein hui. san 1939 mein jab ve gavharnameint kaalej ke vidyaarthi the amruta preetam se unka prem hua jo ki asafal raha. kaulej ke dinon mein ve apne sheron ke liye khyaat ho gaye the aur amruta inki prashansak. lekin amruta ke gharwaalon ko ye raas naheen aaya kyonki ek to saahir muslim the aur doosare gareeb. baad mein amruta ke pita ke kehne par unhein kaalej se nikaal diya gaya. jeevika chalaane ke liye unhonne tarah tarah ki chhoti-moti naukariyaaain keen.

san 1943 mein saahir Lahore aa gaye aur usi varsh unhonne apni pehli kavita sangrah talkhiyaaain chhapavaayi. ' talkhiyaaain ' ke prakaashan ke baad se hi unhein khyaati praapt hone lag gayi. san 1945 mein ve prasiddh urdoo patra adab-A-lateef aur shaahakaar (Lahore) ke sampaadak bane. baad mein ve dvaimaasik patrika savera ke bhi sampaadak bane aur is patrika mein unki kisi rachana ko sarkaar ke viruddh samajhe jaane ke kaaran Pakistan sarkaar ne unke khilaaf vaarant jaari kar diya. unke vichaar saamyavaadi the. san 1949 mein ve Delhi aa gaye. kuchh dinon Delhi mein rahakar ve Mumbai (vartamaan Mumbai) aa gaye jahaaain par va urdoo patrika shaaharaah aur preetaladi ke sampaadak bane.

film aajaadi ki raah par (1949) ke liye unhonne pehli baar geet likhe kintu prasiddhi unhein film naujavaan, jiske sangeetakaar sachindev barman the, ke liye likhe geeton se mili. film naujavaan ka gaana thandi havaayein lahara ke aayein ..... bahut lokapriya hua aur aaj tak hai. baad mein saahir ludhiyaanavi ne baaji, pyaasa, fir subah hogi, kabhi kabhi jaise lokapriya filmon ke liye geet likhe. sachindev barman ke alaava N. datta, shankar jayakishn, khayyaam aadi sangeetakaaron ne unke geeton ki dhunein banaai hain.

59 varsh ki avastha mein 25 October 1980 ko dil ka daura padne se saahir ludhiyaanavi ka nidhan ho gaya.

vyaktitv

unke baare mein kaha jaata hai ki unhonne jitna dhyaan auron par diya utana khud par naheen. ve ek naastik the tatha unhonne aajaadi ke baad apne kai hindu tatha sikh mitron ki kami mahasoos ki jo Lahore mein the. unako jeevan mein do prem asafalata mili - pehla college ke dinon mein amruta preetam ke saath jab amruta ke gharwaalon ne unki shaadi na karne ka faisala ye sochakar liya ki saahir ek to muslim hain doosare greeb aur doosari sudha malhotra se. ve aajeevan avivaahit rahe tatha unasath varsh ki umr mein unka nidhan ho gaya. unke jeevan ki talkhiyaan (katuta) inke likhe sheron mein jhalakati hai. parachhaaiyaaain naamak kavita mein unhonne apne gareeb premi ke jeevan ki taraddud ka chitran kiya hai -

main fool taaaink raha hooain tumhaare joode mein

tumhaari aaainkh musarrat se jhukati jaati hai

na jaane aaj main kya baat kehne wala hooain

jbaan khushk hai aavaaj rukati jaati hai

tasavvuraat ki parachhaaiyaaain ubharati hain

mere gale mein tumhaari gudaaj baahein hain

tumhaare hothon pe mere labon ke saaye hain

mujhe yakeen hai ki ham ab kabhi na bichhdeinge

tumhein gumaan hai ki ham milke bhi paraaye hain.

tasavvuraat ki parachhaaiyaaain ubharati hain

mere palang pe bikhri hui kitaabon ko,

adaae-ajjo-karam se uth rahi ho tum

suhaag-raat jo dholak pe gaaye jaate hain,

dabe suron mein vahi geet ga rahi ho tum

tasavvuraat ki parachhaaiyaaain ubharati hain

ve lamahe kitne dilkash the ve ghadiyaaain kitni pyaari theen,

ve sahare kitne naajuk the ve ladiyaaain kitni pyaari theen

basti ko har-ek shaadaab gali, ruvaabon ka jajeera thi goya

har mauje-nafs, har mauje saba, nagmon ka jkheera thi goya

naagaah lahakate kheton se taapon ki sadaayein aane lageen

baarood ki bojhal boo lekar pachham se havaayein aane lageen

taameer ke roshan chehare par takhareeb ka baadal fail gaya

har gaaainv mein vahashat naach uthi, har shahar mein jungle fail gaya

magrib ke muhajjb mulkon se kuchh khaaki vardi-posh aaye

ithalaate hue magroor aaye, laharaate hue madahosh aaye

khaamosh jmeen ke seene mein, khaimon ki tanaabein gadne lageen

makkhan-si mulaayam raahon par booton ki kharaashein padne lageen

faujon ke bhayaanak band tale charkhon ki sadaayein doob gain

jeepon ki sulagati dhool tale foolon ki kbaayein doob gain

inasaan ki keemat girne lagi, ajanaas ke bhaao chadhne lage

chaupaal ki raunak ghatne lagi, bharati ke dafaatar badhne lage

basti ke sajeele shokh javaaain, ban-ban ke sipaahi jaane lage

jis raah se kam hi laut sake us raah pe raahi jaane lage

(poori kavita padhne ke liye yahaan klik karein -[1])

hindi film

hindi (Bollywood) filmon ke liye likhe unke gaanon mein bhi unka vyaktitv jhalakata hai. unke geeton mein sanjeedagi kuchh is kadar jhalakati hai jaise ye unke jeevan se judi hon. unhein yadyapi sharaab ki aadat pad gayi thi par unhein sharaab (maya) ke prashansak geetakaaron mein naheen gina jaata hai. iske bajaay unka naam jeevan ke vishaad, prem mein aatmikta ki jagh bhautikta tatha siyaasi khelon ki vahashat ke geetkaar aur shaayaron mein shumaar hai.

saahir ve pehle geetkaar the jinhein apne gaanon ke liye rauyalti milti thi. unke prayaas ke baavajood hi sambhav ho paaya ki aakaashavaani par gaanon ke prasaaran ke samay gaayak tatha sangeetakaar ke atirikt geetakaaron ka bhi ullekh kiya jaata tha. isse pehle tak gaanon ke prasaaran samay sirf gaayak tatha sangeetakaar ka naam hi udghoshit hota tha.

prasiddh geet

  • "aana hai to aa" (naya daur 1957), sangeetakaar O pi nayyar
  • "Allah tero naam ishvar tero naam" (ham dono 1961), sangeetakaar jayadev
  • "chalo ek baar fir se ajnabi ban jaayein" (gumaraah 1963), sangeetakaar ravi
  • "man re tu kaahe na dheer dhare" (chitralekha 1964), sangeetakaar roshan
  • "main pal do pal ka shaayar hoon" (kabhi kabhi 1976), sangeetakaar khayyaam
  • "yeh duniya agar mil bhi jaaye to kya hai" (pyaasa 1957), sangeetakaar S di barman
  • "ishvar Allah tere naam" (naya raasta 1970), sangeetakaar N datta

baahari kadiyaaain