saahib beebi aur gulaam (1962 film)

saahib beebi aur gulaam
साहिब बीबी और ग़ुलाम.jpg
saahib beebi aur gulaam ka poster
nirdeshak abaraar alavi
nirmaata guru datt
lekhak biml mitra ki bangaali upanyaas par aadhaarit
abhineta meena kumaari,
guru datt,
Rahman,
vaheeda Rahman,
naasir husain,
dhoomal,
di ke saproo,
harindr naath chatopaadhyaaya,
pratima devi,
Ranjit kumaari,
S N bainarji,
Krishna dhavan,
vikram Kapoor,
sangeetakaar hemant Kumar (sangeetakaar)
shakeel badaayooainni (geetkaar)
chhaayaakaar vi. ke. moorti
sampaadak vaai. ji. chavhaan
studio modern stoodiyoj
vitrak guru datt films pra. li.
pradarshan tithi(yaaain) 1962
desh Bhaarat
bhaasha hindi

saahib beebi aur gulaam guru datt dvaara nirmit aur abaraar alavi dvaara nirdeshit 1962 ki bhaarateeya hindi film hai. yeh biml mitra dvaara likhi gayi ek bangaali upanyaas, shaaheb beebi golaam par aadhaarit hai aur british raaj ke dauraan 19veen shataabdi ke ant tatha 20veen shataabdi ki shuruaat mein Bengal mein jmeendaari aur saamantavaad ke dukhad patan ki jhalak hai. film ek kuleen (saahib) ki ek sundar, akeli patni (beebi) aur ek kam aay anshakaalik das (gulaam) ke beech ek aadarshavaadi dosti ko darshaane ki koshish karti hai. film ka sangeet hemant Kumar aur geet shakeel badaayooainni ne diye hain. film ke mukhya kalaakaar guru datt, meena kumaari, Rahman, vaheeda Rahman aur najeer husain the.
is film ko kul chaar filmafeyar puraskaaron se navaaja gaya tha jinmein se ek filmafeyar sarvashreshth film puraskaar bhi tha.

anukram

sankshep

film vartamaan se shuru hoti hai. kai varsh beet chuke hote hain aur ab adhed umr ka atulya chakravarti urf bhootanaath (guru datt), jo ki ek vaastukaar hai, apne karmachaariyon ke saath ek haveli ke khandaron ko giraakar ek nayi imaarat ka nirmaan karne ja raha hai. un khandaron ko dekhkar use puraane dinon ki yaad aa jaati hai.
film samay mein peechhe chali jaati hai aur bhootanaath gaanv se Kolkata shahar naukri ki talaash mein apne muainh bole bahanoi ke yahaaain aata hai jo isi haveli ke mulaajimon ki rihaaishagaah mein rahata hai. yeh haveli shahar ke bade jmeenadaaron mein se ek, chaudhari khaanadaan ki hai jo teen bhaai the-bade babu, manjhale babu (saproo) aur chhote babu (Rahman). film mein pehle se hi bade babu ka intakaal hua dikhaaya gaya hai. bhootanaath ko mohini sindoor banaane vaale kaarakhaane mein naukri mil jaati hai jiske maalik subinya babu (najeer husain) hain, jo ki ek brahm samaaji hain aur unki ek beti hai jaba (vaheeda Rahman). raat ko jab bhootanaath haveli mein chal rahe kriyaakalaapon ko dekhta hai to achanbhe mein pad jaata hai. har raat chhote babu bagghi mein baithakar tavaayaf ke kothe ki or nikal padte hain. vah chhipkar haveli mein hi chal rahi manjhale babu ki mahafil ka bhi aanand leta hai.
bhootanaath kaarakhaane ke sheegra chhapane vaale vigyaapan ko theek karaane ke liye subinya babu ke paas jaata hai lekin jaba vahaaain hoti hai jo bhootanaath ko vigyaapan padhne ko kehti hai. us vigyaapan mein aisi chamatkaari baatein likhi hoti hain ki yadi patni ya premika us sindoor ko dhaaran kar apne pati ya premi ke saamane padti hai to pati athva premi us par mohit ho jaayega. us raat chhote babu ka naukar bansi (dhoomal) bhootanaath ke paas aata hai aur kehta hai ki chhoti bahoo (meena kumaari) use bula rahi hai. donon chhipkar chhoti bahoo ke kamre mein jaate hain aur chhoti bahoo bhootanaath ko sindoor ki dibiya thamaakar kehti hai ki ismein mohini sindoor bhar ke laaye taaki vah apne bevafa pati ko apne vash mein kar sake. bhootanaath chhoti bahoo ki khoobasoorati aur santaap se mantramugdh ho jaata hai aur na chaahate huye bhi uske raajon ka bhaageedaar ho jaata hai. bhootanaath agale din mohini sindoor ki sachchaai subinya babu se sunana chaahata hai lekin subinya babu is baat ko taal jaate hain. fir bhi vah chhoti bahoo ke santaap se itna vyaakul ho jaata hai ki vah us sindoor ko chhoti bahoo ke paas le jaata hai. isi beech bhootanaath ka muainh bola bahanoi ek svatantrata senaani niklata hai jo beech baajaar angrej police par bam ka hamla kar deta hai aur uske baad chali goli-baari mein bhootanaath ki taang jkhmi ho jaati hai. jaba bhootanaath ka upachaar karti hai. chot theek ho jaane ke baad bhootanaath ek achhe vaastukaar ka sahayogi ban jaata hai aur kuchh samay ke liye apne kaam mein itna talleen ho jaata hai ki vah na hi jaba aur na hi chhoti bahoo ki khabar leta hai. bhootanaath dvaara chhoti bahoo ko diye gaye sindoor ka asar to naheen hota hai alabatta chhote babu chhoti bahoo se kehte hain ki yadi vah naachane vaalon ki tarah unke saath sharaab peekar saari raat rangaraliyaaain manaaye to vah ghar mein rukane ko taiyaar hain. chhoti bahoo yeh chunauti bhi sveekaar kar leti hai aur apne pati ko ghar mein rakhane ke liye sharaab peena aur tavaayafon ke jaisa bartaav bhi shuru kar deti hai. tarakeeb kuchh dinon ke liye to kaamayaab ho jaati hai aur chhote babu chhoti bahoo ke hi saath vakt bitaane bhi lagte hain. lekin aiyaashi ke shikaar chhote babu ek din apni priya tavaayaf ke kothe mein pahuainchate hain to paate hain ki unka dushman chheni datt uske raas mein dooba hai. chheni datt aur uske saathi chhote babu ko lahu-luhaan kar dete hain aur vah apang ho jaate hain. jab kuchh samay baad bhootanaath vaapas aata hai to paata hai ki chhoti bahoo ko to sharaab ki lat lag gayi hai aur chhote babu apang pade hain. vah jab jaba ke paas jaata hai to pata chalta hai ki abhi-abhi subinya babu ka dehaant ho gaya hai aur jaba mlechh na hokar ek sambhraant parivaar ki ladki hai aur subinya babu jaba ko gaanv se churaakar laaye the lekin ek saal ki umr mein hi usaka usi gaanv ke atulya chakravarti (jo ki bhootanaath swayam hai) se vivaah kar diya gaya tha.
apne pati ko theek karne ki ummeed mein chhoti bahoo bhootanaath ke saath kisi siddh purush ke aashram ki or niklati hai. manjhale babu bhootanaath aur chhoti bahoo ke beech huyi saari baatein sun lete hain. unke safr ke beech mein hi manjhale babu ke gurge bhootanaath ko maar-maarkar adhamara kar dete hain aur chhoti bahoo ka kaheen bhi pata naheen chalta hai.
film fir vartamaan mein aa jaati hai aur bhootanaath ke mulaajim use bataate hain ki unako haveli ke ahaate mein ek kbr mili hai. jab bhootanaath vahaaain jaakar dekhta hai to kankaal ke baajoo mein pahane huye kade se pehchaan jaata hai ki yeh shav chhoti bahoo ka hi hai. film ke aakhir mein bhootanaath bujhe man se nai imaarat ka naksha pakade huye bagghi mein baithata hai jismein jaba (jo ab usaki patni hai) pehle se baithi huyi hai aur kochavaan bagghi aage haaaink le chalta hai.

charitra

mukhya kalaakaar

dal

sangeet

is film ke sangeetakaar hemant Kumar hain aur geetkaar shakeel badaayooainni hain.

saahib beebi aur gulaam ke geet
geet gaayak/gaayika
1 bhanvara bada naadaan haaya aasha bhonsale
2 jiya bujha bujha geeta datt
3 meri baat rahi mere man mein aasha bhonsale
4 meri jaan O meri jaan aasha bhonsale
5 na jaao saniya geeta datt
6 piya aiso jiya mein geeta datt
7 saahil ki taraf kashti le chal hemant Kumar
8 saakiya aaj mujhe neend naheen aayegi aasha bhonsale

rochak tathya

  • film kaagaj ke fool ke baad guru datt ne yeh faisala liya tha ki ab vah kabhi bhi koi bhi film ka nirdeshan naheen kareinge aur yahi vajah thi ki is film ka nirdeshan unke lekhak dost abaraar alavi ne kiya tha.
  • guru datt ne pehle is film ko nirdeshit karne ke liye satyen Bose aur fir nitin Bose se baat ki. lekin javaab na milne par yeh film abaraar alavi ko nirdeshit karne ke liye de di gayi.
  • guru datt chaahate the ki bhootanaath ka kirdaar shashi Kapoor nibhaayein lekin samay na hone ke kaaran shashi Kapoor ne mana kar diya aur guru datt ko hi yeh kirdaar nibhaana pada.
  • vaheeda Rahman chhoti bahoo ka rol chaahati theen lekin guru datt ne unki kam umr ko dekhte huye mana kar diya. fir vaheeda ne abaraar alavi se kah kar apne liye is film mein rol likhvaaya aur film ka hissa bani.

parinaam

bauks office

yeh film box ofis par hit rahi.

sameekshaaeain

naamaankan aur puraskaar

baahari kadiyaaain