saahib Singh varma

saahib Singh varma

saahib Singh varma (saujanya se: Asia objarvar)
janm 15 March 1943
gram mundaka, Delhi, british Bhaarat
mrutyu 30 June 2007 (64 varsh)
Delhi-Jaipur haaive par Rajasthan, Bhaarat
mrutyu ka kaaran car-durghatana
prasiddhi kaaran Delhi ke mukhya mantri
raajaneetik party bhaarateeya janta party
dharm hindu
jeevanasaathi saahib Kaur
santaan 2 putr va 3 putriyaaain

saahib Singh varma (angreji: Sahib Singh Verma, janm:15 March 1943 - mrutyu: 30 June 2007) bhaarateeya janta party ke varishth upaadhyaksh va terahaveen lok sabha ke saansad (1999–2004) the.[1] 2002 mein unhein atal bihaari Vajpayee ne apni sarkaar mein shram mantri niyukt kiya. isse poorv saahab Singh 1996 se 1998 tak Delhi pradesh ke mukhyamantri bhi rahe.

30 joon, 2007 ko Jaipur-Delhi haaive par ek car-durghatana mein achaanak unka dehaant ho gaya. us samay ve seekar jila se neem ka thaana mein ek vidyaalaya ki aadhaarashila rakhakar vaapas apne ghar Delhi aa rahe the.[2]

anukram

sankshipt jeevani

saahib Singh ka janm 15 March 1943 ko vartamaan baahari Delhi ke mundaka gaaainv mein ek kisaan (jaat) parivaar mein hua tha. unki maaain ka naam bharpaai devi va pita ka naam meer Singh tha. unhonne apne saamaajik jeevan ki shuruaat raashtreeya swayamsevak sangh ke saamaanya swayamsevak ke roop mein ki. baad mein unhonne apni nishtha aur karmathata ke bal par raajaneeti ke mahatvapoorn padon ko bhi haasil kiya. .

saahib Singh ne ema0e0 karne ke pashchaat Aligadh muslim vishvavidyaalaya Aligadh se pustakaalaya vigyaan mein pee0echadee0 ki degree li aur shaheed bhagatasinh college Delhi mein laaibreriyn ke roop mein naukri kar li. mukhyamantri banane se poorv tak ve laaibreriyn rahe.[3]

saahib Singh ka vivaah 1954 mein maatr gyaarah varsh ki aayu mein unheen ki naamaaraashi ek kanya saahib Kaur se kar diya gaya, jinse unke paaainch santaan huin; do bete va teen betiyaaain. unka poora parivaar mundaka gaaainv mein abhi bhi rahata hai.[4] [5]

raajaneetik kairiyr

san 1977 mein ve pehli baar Delhi nagar nigam ke paarshad chune gaye. paarshad ke pad ki shapath unhonne bhaarateeya svatantrata sangraam senaani guru raadha kishn ke naam par li thi. praarambh mein unhonne janta party ke ticket par chunaav jeeta tha lekin janta party ke tootane ke baad ve bhaarateeya janta party ke pratyaashi ki haisiyat se chunaav jeete. madan laal khuraana ki sarkaar mein unhein san 1993 mein shiksha aur vikaas mantraalaya ka mahatvapoorn mantreepad saunpa gaya jis par rahate hue unhonne kai achhe kaarya kiye. iska yeh parinaam hua ki1996 mein jab bhrashtaachaar ke aarop mein madanalaal khuraana ne tyaag patra diya to Delhi pradesh ke mukhyamantri pad ki kamaan saahib Singh ko hi di gayi.[6] nyaayaalaya dvaara khuraana ko bhrashtaachaar ke aarop se mukt kar diye jaane ke baavajood saahib Singh lagbhag dhaai varsh tak mukhyamantri bane rahe. isse khuraana ke man mein unke prati pratishodh ki bhaavana jaagrut hui. aage chalakar jab Delhi mein pyaaj ke daamon mein betahaasha bruddhi hui aur us par niyntran naheen hua to saahib Singh ko mukhyamantri pad se hataakar Sushma Swaraj ko us kursi par bithaaya. saahib Singh ne sarkaari aavaas tatkaal khaali kar diya aur dee0tee0see0 ki bas mein baithakar poore parivaar sahit apne gaaainv mundaka chale gaye.

unke is kaarya se janta mein unki lokapriyta ka graaf kaafi teji se badha aur 1999 ka Loksabha chunaav unhonne baahari Delhi Loksabha nirvaachan kshetr se do lakh se adhik maton ke antar se jeeta.[7] 2002 mein atal bihaari Vajpayee ne ena0dee0e0 sarkaar mein unhein shram aur niyojan mantraalaya ka daayitv saunpa. unhonne byoorokresi ke peinch kasate hue karmachaari bhavishya nidhi par byaaj ki daron ko kam karne se roka. unke is kaarya ko media ne A bul in China shaup kehkar saraahana ki. iske vaabajood ve 2004 ka lok sabha chunaav haar gaye.

Delhi ke shikshak samudaaya mein saahib Singh kaafi lokapriya the. hareebhoomi ke naam se prakaashit hone wala ek raashtreeya hindi dainik samaachaar patra unheen ke svaamitv mein niklata tha.

car durghatana mein mrutyu

asaadhaaran roop se oopar jaate hue unki lokapriyta ke graaf ko achaanak us din break laga jab 30 June 2007 ko seekar jila sthit neem ka thaana mein ek vidyaalaya ki aadhaarashila rakhakar ve tata safaari car se Delhi vaapas laut rahe the. vipreet disha mein teji se aa rahe ek truck ne kisi saayakil savaar ko bachaane ke chakkar mein apna santulan kho diya aur vah road divaaidar ko laaainghata hua unki car se takara gaya. aamne-saamane ki yeh takkar itni jabardast thi ki saahib Singh ke saath unki car ka chaalak devesh, unka sahaayak naresh Agrawal va suraksha karmi jasaveer Singh sabhi us durghatana mein maare gaye. unki car bhi buri tarah kshatigrast ho gayi. kaafi mashakkat ke baad gambheer roop se ghaayal sabhi chaar logon ko car mein se baahar nikaal kar upachaar hetu paas ke hi shaahajahaaainpur civil aspataal le jaaya gaya jahaaain kaafi prayaas ke baavajood unamein se kisi ko bhi bachaaya na ja saka.[8]

sandarbh

baahari kadiyaaain