saagaun

Bhaarat ke Calcutta mein saagaun ka ped

saagaun ya teekavud dvibeejapatri paudha hai. yeh chirharit yaani varsh bhar hara-bhara rahane wala paudha hai. saagaun ka vruksh praay: 80 se 100 foot lamba hota hai. iska vruksh kaashtheeya hota hai. iski lakdi halki, majaboot aur kaafi samay tak chalanevaali hoti hai. iske patte kaafi bade hote hain. fool ubhayalingi aur sampoorn hote hain. saagaun ka vaanaspatik naam tektona graindis (Tectona grandis) yeh bahumoolya imaarati lakdi hai.

sanskrut mein ise shaak kehte hain. lagbhag do sahasr varshon se Bhaarat mein yeh gyaat hai aur adhikta se vyavahrut hoti aa rahi hai. varbeenaisi (Verbenaceae) kul ka yeh vruhat‌, parnapaati vruksh hai. yeh shaakha aur shikhar par taaj aisa chaaron taraf faila hua hota hai. Bhaarat, barama aur Thailand ka yeh deshaj hai, par filipaain dweep, jaava aur malaaya praayadveep mein bhi paaya jaata hai. Bhaarat mein araavali pahaad mein pashchim mein 24° 50¢ se 25° 30¢ poorvi deshaantar arthaat‌ jhaaainsi tak mein paaya jaata hai. asam aur Punjab mein yeh safalta se ugaaya gaya hai. saal mein 50 inch se adhik varsha vaale aur 25° se 27° sein. taap vaale sthaanon mein yeh achha upajata hai. iske liye 3000 foot ki ooainchaai ke jungle adhik upayukt hain. sab prakaar ki mitti mein yeh upaj sakta hai par paani ka nikaas rahana athva adhobhoomi ka sookha rahana aavashyak hai. garami mein iski pattiyaaain jhad jaati hain. garam sthaanon mein January mein hi pattiyaaain girne lagti hain par adhikaansh sthaanon mein March tak pattiyaaain hari rahati hain. pattiyaaain ek se do foot lambi aur 6 se 12 inch chaudi hoti hai. iska lachhedaar fool safed ya kuchh neelaapan liye safed hota hai. beej golaakaar hote hain aur pak jaane par gir padte hain. beej mein tel rahata hai. beej bahut dheere-dheere aainkurate hain. ped saadhaaranataya 100 se 150 foot ooainche aur dhad 3 se 8 foot vyaas ke hote hain.

dhad ki chhaal aadha inch moti, dhoosar ya bhoore rang ki hoti hai. inka rasakaashth safed aur ant:kaashth hare rang ka hota hai. ant:kaashth ki gandh suhaavani aur prabal saurabh waali hoti hai. gandh bahut dinon tak kaayam rahati hai.

saagaun ki lakdi bahut alp sikudti aur bahut majaboot hoti hai. is par paulish jald chadh jaati hai jisse yeh bahut aakarshak ho jaati hai. kai sau varsh puraani imaaraton mein yeh jyon ki tyon pai gayi hai. do sahasr varshon ke pashchaat‌ bhi saagaun ki lakdi achhi avastha mein pai gayi hai. saagaun ke ant:kaashth ko deemak aakraant naheen karti yadyapi rasakaashth ko kha jaati hai.

saagaun utkrusht koti ke jahaajon, naavon, bongiyon ityaadi bhavanon ki khidkiyon aur chaukhaton, rel ke dibbon aur utkrusht koti ke furniture ke nirmaan mein pradhaanataya prayukt hota hai.

achhi bhoomi par do varsh puraane paud (sudling), jo 5 se 10 foot ooainche hote hain, lagaae jaate hain aur lagbhag 60 varshon mein yeh ausat 60 foot ka ho jaata hai aur iske dhad ka vyaas dedh se do foot ka ho sakta hai. barama mein 80 varsh ki umr ke ped ka ghera 2 foot vyaas ka ho jaata hai, yadyapi Bhaarat mein itna mota hone mein 200 varsh lag sakte hain. Bhaarat ke traavanakor, kocheen, Madras, kurg, Mysore, Maharashtra aur madhya pradesh ke jangalon ke saagaun ki utkrusht lakadiyaaain adhikaansh baahar chali jaati hain. barama ka saagaun pehle paryaapt maatra mein Bhaarat aata tha par ab vahaaain se hi baahar chala jaata hai. Thailand ki lakdi bhi paashchaatya deshon ko chali jaati hai.