saadhvi ritambhara

chitr:Didiimaaji Sadvi Ritambhara.jpg
saadhvi ritambhara

saadhvi ritambhara aadhyaatmik hindu netri hain jo bahut se maanavataavaadi saamaajik prakalpon ki prerana srot hain. vaatsalya gram ki sankalpana saadhvi ji ki anupam den hai. ve ayodhya ke raamamandir aandolan se judi raheen hain.

parichay

abhi kuchh dinon poorv shreekrushn ki leela sthali vrundaavan jaane ka suavasar praapt hua. shreekrushn ki mahak se suvaasit is dhaarmik nagari mein ab bhi ek apna hi aakarshan hai. yahaaain mandiron ki bahutaayat aur tang galiyon ke madhya ab bhi logon ke hradaya mein shreekrushn vidyamaan hain. parantu is nagari mein hi ek naye teerth ka udaya hua hai aur yadi vrundaavan jaakar usaka darshan na kiya to samajhna chaahiye ki yaatra adhoori hi rahi. yeh aadhunik teerth deedi maaain ke naam se vikhyaat saadhvi ritambhara ne basaaya hai. vrundaavan shahar se kuchh baahar vaatsalya gram ke naam se prasiddh yeh sthaan apne aap mein anek patakathaaon ka kendra ban sakta hai kisi bhi samvedansheel saahityik abhiroochi ke vyakti ke liye. is prakalp ke mukhyadvaar ke nikat yashoda aur baalakrushn ki ek pratima vaatsalya ras ko saakaar roop pradaan karti hai. vaastav mein is anoothe prakalp ke peechhe ki soch anaathaalaya ki vyaavasaayikta aur bhaavaheenata ke sthaan par samaaj ke samaksh ek aisa model prastut karne ki abhilaasha hai jo Bhaarat ki parivaar ki parampara ko sahej kar sanskaarit baalak-baalikaaon ka nirmaan kare na ki unamein heen bhaavana ka bhaav vyaapt kar unhein apni parampara aur sanskruti chhodne par vivsh kare.

samaaj mein deedi maaain ke naam se khyaat saadhvi ritambhara ne is parisar mein hi bhare-poore parivaaron ki kalpana saakaar ki hai. ek adhed ya bujurg mahila naani kahalaati hain, ek yuvati usi parivaar ka ang hoti hai jise mausi kaha jaata hai aur usamein do shishu hote hain. yeh parivaar ikaai parisar mein rahakar bhi poori tarah svaayatt hoti hai. mausi aur naani apna ghar chhodkar poora samay is prakalp ko deti hain aur vaatsalya gram ka yeh parivaar hi unka parivaar hota hai. iske atirikt vaatsalya gram ne desh ke pramukh shaharon mein helpline suvidha mein de rakhi hai jisse aise kisi bhi navajaat shishu ko jise kisi kaaranavash janm ke baad besahaara chhod diya gaya ho use vaatsalya gram ke swayamsevak apne sanrakshan mein lekar vrundaavan pahuaincha dete hain. deedi maaain ne ek baalika ko bhi dikhaaya jise navajaat sthiti mein Delhi mein koodedaan mein feink diya gaya tha aur usak mastishk ka kuchh hissa kutte kha gaye the. aaj vah baalika svasth hai aur chaar varsh ki ho gayi hai. aise kitne hi shishuon ko aashray deedi maaain ne diya hai parantu unka laalan-paalan aatmaheenata ke vaataavaran mein naheen varan sanskaaraksham paarivaarik vaataavaran mein ho raha hai. yahi maulikta vaatsalya gram ko anaathaalayon ki kalpana se alag karti hai.

deedi maaain yeh prakalp dekhkar jo pehla vichaar mere man mein aaya vah hindutv ki vyaapakata aur uske bahuaayaami svaroop ko lekar aaya. ye vahi saadhvi ritambhara hain jinki Singh garjana ne 1989-90 ke shreeraam mandir aandolan ko oorja pradaan ki thi, parantu usi aakraamak sinhani ke bheetar vaatsalya se paripoorn stri ka hradaya bhi hai jo saamaajik samvedna ke liye dravit hota hai. yahi hradaya ki vishaalata hindutv ka aadhaar hai ki anyaaya ka datakar virodh karna aur sanvedanaaon ko sahej kar rakhana. sambhavat: hindutv ko raat din kosane vaale ya hindutv ki vishaalata ke naam par hinduon ko napunsak bana dene ki aakaanksha rakhane vaale hindutv ki is gaharaai ko na samajh sakein.

baahari kadiyaaain